" بتعمل ذنب معين ؟ متقولش بتاكل حرام ؟ متقولش بتعمل كبائر ؟ متقولش عايش بالمكر والفهلوة ؟ متتفاخرش بكدة ومتقولش اي حاجة تغضب ربنا متقولش ومتحكيش عنها ولا تتفاخر بيها لحد ما ربنا يتوب عليك من الابتلاء ده، لكن انك تقعد تقول انا بعمل وبسوي ومش شايف حد غيري وتتفاخر بكل حاجة تغضب ربنا فا أنت في مصيبة فعلًا، انك تنشر ذنبك بين الناس ده أشد من الذنب نفسه عند ربنا، " { وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْـَٔلُنَّ يَوْمَ الْقِيٰمَةِ عَمَّا كَانُوا يَفْتَرُونَ }" كل شخص هيعمل حاجة بسببك فا هو متعلق في رقبتك، كل شخص دلّيته على طريق غلط فا هو متعلق في رقبتك، كل شخص خليته يعمل ذنب ما او يروح في طريق ما فا هو متعلق في رقبتك، متعرفش كلمتك اللي ممكن تقولها وانت بتستسهل الذنب اللي انت عملته ده ممكن تعمل ايه في غيرك وتخليه يقول ما أجرب انا كمان ياعم، عملت ذنب اكتمه جواك وادعي ربنا انه يغفره لك، عملت كَبيرة ادعي ربنا انه يتوب عليك ويجعلك من عباده المُتقين ويرزقك التوبة النصوحة، لكن الفشخرة والكِبر انك بتعمل وبتعمل وبتعمل فا انت يا صديقي في مصيبة محتاج تتعافي منها، فا خد بالك كويس .."