🔰 Косонсойлик шахматчилар ютуқлари
▫️Жорий йилнинг
13-20 январ кунлари Андижон шаҳридаги муҳташам Спорт мажмуасида 7 ёшдан 17 ёшгача бўлган мактаб ўқувчилари ўртасида шахмат бўйича
Ўзбекистон чемпионати бўлиб ўтди. Ушбу нуфузли мусобақада Наманган вилояти шарафини ҳимоя қилган косонсойлик ёш шахматчилар ҳам фаол иштирок этишди.
Мазкур мусобақа якунида Азимов Асадбек ва Иномова Нозия 4-ўринни, Тожибоев Дилмурод эса умумжамоа ҳисобида 6-ўринни эгаллади. Шунингдек, улар 70 иштирокчи ичида муносиб натижага эришган ҳолда ўз иқтидорларини намойиш этишди.
Бундан ташқари, яқин кунларда бўлиб ўтиши кутилган мусобақаларда ҳам косонсойлик шахматчиларимиз иштирок этишлари режалаштирилган. Уларнинг рўйхати билан танишинг:
1. Абдусаломов Сардорбек – 5-мактаб ўқувчиси, “Умид ниҳоллари” спорт мусобақаларининг вилоят босқичи йўлланмаси соҳиби.
2. Сирожхонов Абдурахим – Спорт мактаби ўқувчиси, Ўзбекистон спорт мактаблари ўртасидаги биринчиликнинг республика босқичи йўлланмаси соҳиби.
3. Нўъмонхонов Зиёдулла – 24-мактаб ўқувчиси, Ўзбекистон спорт мактаблари ўртасидаги биринчиликнинг вилоят босқичи йўлланмаси соҳиби.
4. Азимов Асадбек – 3-мактаб ўқувчиси, 7-17 ёш мактаб ўқувчилари ўртасида ўтказилган Ўзбекистон чемпионати республика босқичи йўлланмаси соҳиби.
5. Тожибоев Дилмурод – 3-мактаб ўқувчиси, 7-17 ёш мактаб ўқувчилари ўртасида ўтказилган Ўзбекистон чемпионати республика босқичи йўлланмаси соҳиби.
6. Иномова Нозия – 3-мактаб ўқувчиси, 7-17 ёш мактаб ўқувчилари ўртасида ўтказилган Ўзбекистон чемпионати республика босқичи йўлланмаси соҳиби.
7. Каримжонова Мубинажон – 3-мактаб ўқувчиси, “Умид ниҳоллари” спорт мусобақаларининг вилоят босқичи йўлланмаси соҳибаси.
Косонсойлик шахматчиларимизга келгусидаги мусобақаларда омад ва муваффақиятлар тилаймиз!👉 Telegram |
Facebook |
Instagram |
Youtube 
