کانال رسمی کالیکلا لفور

⭐️ #شعر_محلی🌺

کنه خنه تِسه اَی رو بزنم.
کدیم.دریو شِه تَشّه او بزنم؟.

بُورم قلم و دفتر بَیرم امشو
بلکه شعر میون چک خو بزنم

#برگردان_به_فارسی

به خانه کی به خاطرتو رو بزنم؟.
کدام دریا آتش دلم را آب بزنم.

باید بروم قلم ودفتری بگیرم.
بلکه میانِ شعر کمی بتوانم بخوابم.

✍: #فرج_پور

🌺 @kalikolaiha🌺

✨ #شعر_محلی

#آ_مشتی

زِرزِم کِلی رِ چو نَکِن ، آ مَشتی

شِه دِشمِنی رِ رو نَکِن ، آ مَشتی

چَچکَل رِ دِم هادِه ، کَنگِلی زَندِه

شِه رِ بی خِرد و خو نَکِن ، آ مَشتی !

چَندِه نصیحِت هاکِنم شِما رِ

بَخِتِه خِرس رِ لو نَکِن ، آ مَشتی

اِذال رِ دوش هائیر و بور دَشتِ سَر

شِه روز و ماه رِ شو نَکِن ، آ مَشتی

تیمجار رِ کِل هاکِن ، تا او نَوِسّی

وِ رِ تِه لینگِ لو نَکِن ، آ مَشتی

وِشنایی جا نَتِرس خِدا کریمِه

گندِمِ جار رِ جو نَکِن ، آ مَشتی

تِه دوش و بالِ نون تِه رِ حِلالِه

پِرِس ، تِه اَندِه خو نَکِن ، آ مَشتی

خی دَکِتِه اَگِه تِه بینجِ دِلِه

اَلِکی های و هو نَکِن ، آ مَشتی

بِهار بِمو ، وَنوشِه سِفره بِشتِه

پَلِم تِتی رِ بو نَکِن ، آ مَشتی

سَر جِری راه رِ بِتوندی دو هایری

سَربالا دو به دو نَکِن ، آ مَشتی

چاشتِ گِدِر که دِنیا مَشتِ سوئِه

بی خِدی لَمپا سو نَکِن ، آ مَشتی

بِهار یِلاق و پَئیزِ ماه یِشلاق

اَندِه تِه کو به کو نَکِن ، آ مَشتی

گَت تِری خورد تِری تِه یاد دَووشِه

بی خِدی حرف کِلو نَکِن ، آ مَشتی

هر چند تِه پیری و معرکه گیری !

دیگِه فکرِ نَنو نَکِن ، آ مَشتی !

✍ #نعمت‌الله_احسانی_بنافتی

#کانال_رسمی_کالیکلا

🌺 @kalikolaiha 🌺