الشاعر خالد مسلم الحلفي

الى مولاتي الزهراء

تخفي والجرح فاطم بيدها

عني والظلع روحي بيدها

شسولف والدهر بعدج بيدها

خذاج وظلم الدنيه عليه

خالدمسلم الحلفي

ارهاق وتعب كلها الدنيه خلصنا

وهنياله الحسبله هناك كون وسع ابجلنه

ماتسوه وحياتك عبره دنيانه

تكظي الدنيه وخلصانه الذين اليوم يسامح

خالد مسلم الحلفي

اللهم احسن عاقبة امورنا

كبر وحساب وملاكه ورانا

وصعبه هناك اشوفنها ورانا

اذا امر جرس ربك ورانا

تنهظ للحشر ناسك سويه

خالد الحلفي

قصيده لستشهاد الرسول ص

اليوم دنيانه حزينه--- مظلمه الفكدك نبينه
محزنه اليوم السمه--- تبجـــي كل الانبياء
               واحنه وياهم بجينه
                                     ***
اعـليك نبجــــــي ابــــ حسره وهموم ونين
غثـنه فكــــدك يـــــــارسول اللــــه الامين
انــــــــوح بجــــــــفاك ونـــون متـــاثرين
مايسـلينـــــه الونين//اليوم جافانه الامين
       يادموع العين صبي وجاوبينه
****
مايطيب الـــجرح لــن جـــرحــك غميج
يمــــرد وبـــالـــروح كــــل ســاعـه يهيـج
والله من كــــثرالـــــحزن صايــر ضـــجيج
اليوم تبجي امـــــتك//اعلينه صعبه فركتك
      والله طول العمر فضلك مانسينه
                                               ****
ونــــت الــــــزهره عـــــله ابــــوها فاطمه
اتكله وحشـــه الــــدار بعـــــدك مــــظلمـــه
بـــــتك الــــفكــــدك عـــــفتهــــــه امــلمــه
والله ماعوف الونين//لوظل طـــول السنين
       الكلب والله عليك مايبطل ونينه
                                         ***
عـــالبوالـــقاسم تـــبجـــي كـــــل الانـــبياء
السمه واهــــــــل الارض تنـــصبلــه عزاء
الــيوم كلـــــهااتشـــــارك ابـــهــــــم وولاء
الدنيه حزنت والسماء//تعازي سيـدالانبياء
      تبجي كلها ونبي الرحمه امفاركينه
&&%%&&&$$%%$#$$

اعلـــــيك يـــــابوالـــزهره كـــلنا امكدرين
الك وســــط الــــــروح مــــاتم نــــاصبين
الدهريتمنـــــه ابـــــجفـــــــاك ومــحزنين
الدهريتمنه بقيابك//محزن وتبجي احبابك
      اليوم عالهادي تون ومودعينه
                                         ***
الـــــحسن يبـــــجي عليك ياجــدي وينوح
والــــحسين اعليــــه زيــــــدت الـــجروح
صعب والله افـــــراكـــــك وعنـــهم تـروح
شلون ياجدي تروح//ياهواليطيب الجروح
     اعليك بدموع الحزن والله بجينه
                                           **
علــــــى صـــــدرك يارسول الله نزل
اكتاب ربـــــك يـــــوم بــــــايـــــاتـــه أبتـهل
انته نـــــور الــــــديــن يــــاخيــــرالـــعمـــل
مظلمه الدنيه ابجفاك//والسمه تنصب عزاك
      كلف والله افراكك ويصعب علينه
****

                                        الشاعرخالدمسلم الحلفي
                                 

                                    الهاتف/ 07827901820

ماهم شاف اخوتي وكام يضربني

اتمنه عدل عباس كونه اليوم يسمعني

يجاسر عليه اشحده يشتمني

الكون اصلا ميظمك كون الكافل يمي هنا

خالد الحلفي

زينب ماجنت واحد يراني

وحتى الجانوا كبالي يراني

الشمر جدام خلك الله يراني

ماهم شاف اخوتي ورد عليه

خالد مسلم الحلفي

قصيده للمشايه

هليوم اعتنت لحسين
كل الشيعه مشايه
--------------------
تريد اتواسي الزهره
تمشي ونوصل الكبره
يم حسين للحضره
هاي الناس عنايه
***
لحسين العزه كل يوم
منصوبه الجوادر دوم
واحدنا يون مهموم
لم الخدر وفايه
**
مسابك تلكه عالخدمه
هاي الناس ملتمه
كلها تواسي ابواليمه
حسين وزينب القايه
****
جينا لزينب انوافي
نركض وجدم حافي
تعنينه بكلب صافي 
حسين وكربله الثايه
****
منبعيد اعتنت هلناس
وتواس البطل عباس
وخته زينب عالراس
راعي الجود والرايه
****
شياب اعتنت لحسين
حزنانه وتهل العين
كلها اتوسي ابو الحسنين
ماواحد خلف رايه
****
الشاعر خالد مسلم الحلفي

زينب باريها اطفال ابذمتج ظلت

قصيده لدفن الحسين

ﮔوم ياحيــدر وغسله
حسين محد رضه يدفنه
*
ظل ثلـــث تيـــام طـــــايح
بـــس عليل وعنه رايــح
وزينـــب امزيده الــنوايح
امئيســه وﮔطعـــت الظنه
*
طايح اعله الترب عاري
دمه من النحـــر جـــاري
مـــحد الجســـمه يواري
سهـــــام كثره والمنــــه
*
ركضن النســـــوان يمـه
فزعن وصــارت اللــــمه
مــــادرن هذا ابو اليــمه
اتعجبــــن بـــيوم اللـﮕنه
*
من بـﭼن ودموع ســالن
هذا شـــنهي عنـــه ﮔالن
شلون بيه ســيوف عالن
غــــدر يمكن حـــــاربنه
*
ﮔوم ياحــــيدر وشــــوفه
شلون مـﮕطوعه ﭼفوفه
عالنــــهر وسفه تعوفــه
انهض العبـــــاس حظنه
*
شــــعجب عنه اتـــأخرت
للنهر ريـــــت اوصــــلت
لبو فــــاضل وحضـــرت
ماوصـــــلك خبر عنــــه
*
بعده عالرمضـه اويحن
على عبـــد الله ويــــون
حيل ماذيــــه الطـــــعن
مــــــا يطيبن المنـــــــه
*
صواب الاكبر جرح ﭼبده
يـــــاعلي مـﮕابل تعـــده
ﮔوم يابو حســـــين شده
بلكت ايخــــفف الونــــه
*
اليدفنه انشــــده بالــــه
حسين محد ﮔدر شـــاله
ا ستغربوا شنهي الحاله
مـــــادروا ســـيد الجنه

خادم اهل البيت // خالد الحلفي

الى المهر

مهر حسين يوم الي رجع خالي

اطلعتله اتكول زينب ونشده بالي

منك وين كتله طايح الوالي

( بلكت بحسين ادليني )

خالدالحلفي

الى علي الاكبر

الكبر من نزل وتوسط الحومه

كالوا هذا حيدر نزل وي كومه

بي هيبة علي الكرار وعلومه

( صارت بي خوفه الجيش اذكر حيدر)

خالد مسلم الحلفي

لقاسم ابن الحسن

لبس درع الحسن وتحزم القاسم

وكال اليوم يومي وكون اطب لازم

عمي حسين انصره وعالحرب عازم

( وعودي موصيني حسين يكلي اتنصره )

خالدمسلم الحلفي

كـــفو ولـــد أم الــبنين حسين بيــــهم يستعـــين
يصح ياالله يـــاأخوتي بــــيكم ارفــع رايتـــــي
********
قيم الكــــــــون وتكـــدر يـــوم نزلـــوا ولدحيدر
ويــــاهم الـــــعباس كبر
هاذيوم الخوه نــــــــــاده//كوموا خـــن ادي الشهاده
فده لــــــحسيـــــن الامـــــــــين
*********
احنه عدعيناك كـــــالوا يوم عالفرسان صالوا
جوله بالــــــــــــميدن جالوا
اليدنه يمهم والله مـــــــات//ذلــــواحـــــشود الطغات
ضــــحوا النصــــــرت الــــدين
*********
وكفوا ويــــــه حسين كلهم ذيج وكفة شرف الهم
مــــــــاكدرواحـــــــــد يـردهم
وكفة الـــــــكراروكفـــــوا//والله ويـــــه حـــسين وفوا
مخـــــــــلده و طــــــول السنين
**********
حشم العبـــــــــاس اخوتـه سمــعت الفرسان صوته
كلــــــهم احنه اليــوم موته
صاح وصــــــاني الـــوالد//مــــوت لجــل احسين جاهد
هــــــذا درب الـــــــــخالديـــــــن
*********
الكــــــون غبروالسمـــــــه والارض سبـــحت دمه
لـــــجل ابنـــــج فــــــــاطمه
نفدي الـــــــــــيوم النفـــوس//والله ونــــــكطع الـــرؤس
المـــــــــوت بــــــــي معيــــدين
**********
بســـــــم حيـــدروالله هتفوا والنــــعم وفــــوا وكـفوا
اجـــوا يــــم عبــــاس وكــفوا
امــــرومنـــــــــه اشتريــد//نفــــــدي لـــــحسين الـــوريد
أنمــــــــوت لجلـــــه وخــادمين
**********
احسين لجــــــــلك حشمينه اليــــــــوم للـــخوه أعتنينه
ابــــــــــخدمتـــــــك امــــــرعلينه
أرواحنه لـــــــجلك فــــدى//مــــــاتهــــم بينـــــــه الـــــعدى
اشمـــــــــا تزيــــــــد أمسيــطرين

خالدالحلفي

ابوذيه للعباس ع

عباس الشمس ببده والف ياي

والف يكتلهم ابسيفه والف ياي

عليه اجمعت كلها والف ياي

جثث والرووس خله عالوطيه

خالدالحلفي

هوسه الى رفع الرايه

اجينه اليوم كلنه ونرفع الريه

ونصيح وياج زينب كلنه وفايه

هاي ايام حزنج بت علي هايه

( وبامج يازينب هايه )

خالد مسلم الحلفي

زينب اتكول

احشمكم وصيحن ماني اختكم

وعسى زينب يخويه مانختكم

يفرسان المنايه مانختكم

امر الله وترد زينب سبيه

خالد الحلفي

درب الله علي دربك وسيره

وروحي مجلبه ابحبك وسيره

ابنادم عالنهج يمشي وسيره

وحيدر سيرتي من ابرز هويه

خالد الحلفي

قصيده لشهر محرم

جاسم بيوم النزل ميدنهه
حيرالكوفه ورهب شجعانهه
*******
سمع عمه يصيح جاسم وعتنه
وكف يمه وسال دمعه ونحنه
يموت كله الكرب يمك لودنه
اليوم لجلك كون شب نيرانهه
******
كله عد عيناك ياعمي ونزل
اليوم اذكرهم ابصولات الفحل
حيدر الكرار في يوم الجمل
اله تشهد من نزل بركانهه
*******
لاتنكروني يصيح ابن الحسن
انا عودي الينذكر يوم المحن
انه يحله الموت وي لبس الجفن
عيد عدنه من نطب باكونهه
********
جاسم بيوم نزل للحومه
بطل والفرسان تشهديومه
كفومن حيدر ورث معلومه
اله نشهد بالحرب فرسانهه
*******
كله عمي اليوم اسوي الماجره
والله اخليهه الكفر مطشره
كون ماينسون جدنا حيدره
يوم خيبر من قلع بيبانهه
*****
اجه يمه حسين يوم الي وكع
كله جبدي عليك ياعمي انصدع
وسفه بيك اليوم وحسين انفجع
شلوان لوكثرت علي عدونهه
*******
خالد مسلم الحلفي

قصائد لشهر عاشور

هتف بالمعركه الأكبر
جدي انا يصيح حيدر
*
اتودع ويحسين كله
بويه مانهوا المذله
احنه كل طاغي نذله
وكام بالميدان يفتر
****
الاكبرلعوده تعنه
يكل بويه الموت جنه
نطب الحومه ارخصنه
وحنه بالميدان اجدار
*
يكله يابويه وكتها
انزل وخليني اردها
والله اراوي عداك حدها
من اصيح الله واكبر
*
من تفز امي خطيه
خافنا تنشدك عليه
كلهه رايح للمنيه
فده لجلك يبن حيدر
*
عمله بويه اليوم اخلهم
عداك والله حسين اذلهم
ثبت بينه الحك نكلهم
الماتبعنه اليوم يخسر
****
من نزل للكوم وحده
بطل ومشابه لجده
ماكدر واحد يرده
براس ابن غانم وكبر
****
من رجع وراس بيده
هذا يحسين التريده
والله اذل روس العنيده
ابنك بكل شده يحضر
* **
خالد مسلم الحلفي

اخض ابمايها ورد انا اشوف الناس

جثير ملعبه وماعدها كل احساس

تاهت مانعرف الزيل من الرس

(صوره الرس مخلينه اليوم الزيل اليحكم)

خالد الحلفي