أقول ليها عِويناتكْ ! ترع لولي وبحار ياقوتْ، مناحات ريِد حزاينية بغازِل فيها مأساتي.. 💚🌎! -عويناتك من الأغاني العندها بريق خاص و مختلف عن باقي أغاني الباشكاتِب.. لولا الملامة لقلت إنو من أصدق الاغاني الوصفت العُيون على الإطلاق بطريقة عميقة بعيدة بإحساس بخليك تسرح جوة القصيدة وتتخيل إحساس الشاعر كأنو الحوار دا قدام عيونك.. الحاجة الجميلة والفريدة في الموسيقار هو طريقة إختيارو للقصايدة هو دائماً بعيش الأغنية قبل يغنيها و بخليك تعيشها معاو حرف.. دا غير الأوركسترا الكاملة البتخلي من القصيدة تبقى قصة مسموعة.. بإيقاع متمرحل و بيداعب العُود كإنو بيشكي ليهو والفرقة الموسيقية من وراه وهو بصوتو المليان إحساس داك وشجن بيصدح وبيحاور المحبوبة وبيقول: أقول ليها عويناتك زي سواد قدري مكحلة عُمري من بدري. لو بقدر أسافر في بريق لحظِك وما أرجعْ.. تقول لي خايفاك بُكرة تتوجع وأتوجعْ.. أقول ليها عويناتك ديار وعدي مسورة بجدار صمتكْ.. عذابي معاك بريدك قبل ما أعرفكْ ولو بقدر أشيل من الزمن وقتي.. بموت في لحظة وأوهب ليك عقاب عُمري.. -بنلاحظ كمية التمسك المليانة وجع للحظة بتحس كأنو بحنس فيها.. وهي بتقول ليه حتتوجع في دربي و حتخسر، للحظة كأنو بتقول ليهو أنا غير الوجع ما بجيب ليك حاجة بطل تحبني بالطريقة دي عشان خايفاك بكرة تتوجع بسببي.. هو بيقطع الحُب باليقين و بيقول ليها و مالو..؟ عذابي معاك بريدك قبل ما أعرفكْ ولو بقدر أشيل من الزمن وقتي.." بموت في لحظة وأوهب ليك عقاب عُمري.. ما بظن في كلام ولا إقناع ابلغ من كدا.. درب الحب ما وردي زي ما هو باين في الليالي الحلمية و حكايات ألف ليلة وليلة.. في بعض الأحيان بيكون عبارة عن ملحمة عديل.. بتخوض فيها كل أنواع التحدي والخسائر بس في أخر المطاف حتلاقي حُبك. #عند_المُفترق. عِويناتك بغازل فيها مأساتي.. وفي شرف العبور ليها.. بموت وأكسر شراعاتي..💚.