"الباب اليجيك منة ريح؟ سَدة واستريح" ثق انتَ ابداً ممجبور تجرع مرارة البشر و تتحمل أذاهم، تكدر تبتعد و تعيش صح، تكدر تسوي Delete لهواي ناس بحياتك شلعوا گلبك، كافي تحن و تجامل الناس ع حساب صحتك ونفسيتك، لا توگف لشخص اجاك من هوه محتاجك ومن جنت انتَ محتاجة مجان موجود لان عنده ضروف، كل أنسان حر بقراراتة ويعيش مثل ميريد، ارتاح و أسمع فيروز الصبح واشرب قهوة و أبدي يومك بكل نشاط وخطط لمستقبلك وفكر بنفسك قبل متفكر بغيرك، لا تخلي الناس تشوش عليك لأن راح تبقى بنفس النُقطة.
دع القهوة تبرد، لا ترد على الهاتف، ضع كلتا يديك في جيبك وراقب الفرص تمر أمامك، دع القلق يأخذ منك ما يأخذ، اقترب مما تخاف، رحّب بحقيقة أن كل شيء لن يصبح بالضرورة على ما يرام، وأنك لا تمانع هذا على أية حال، لا شيء يهم إذا ابتعدت عنه مسافة كافية، لا شيء يهم الآن، خفف من الناس، لا توازن بين الطقس والثياب، لا تشتر مظلة لشمس أو مطر، قلل كلامك، تأكد أن كل شيء يُحتمل أن يفسد، فسد، بعد أن تجرب كل هزيمة ممكنة، ستعود بقلب جرَّب الخيبة، ولم يعد يخشاها، بوجهٍ نال حظه من الكدمات، ستشعر للمرة الأولى بشجاعة حقيقية، ستمضي في الحياة بغير عائق، وسيتجنبك الناس، وفوق كل شيء، ستنام مطمئناً في الليل.
لا تنصدم اذا نخذلت فديوم! ميهم من منو "صديق كان او اخ او اهل" لابد ان تنخذل وتكتشف شغلات مجنت متوقعها او يتركوك ناس جنت راسم كل حياتك وياهم، لازم تتقبل كُلشي لأن هذا واقعك ولازم تعيشة مثل ما مكتوب صدگني لو ما الخذلان جان ما وصلنا لهاي المرحلة من القوة.
أهم شي نفسيتك مرتاحة .. لتفكر بـ اشياء مالها داعي بحياتك وتزعج نفسك بشغلات انت في غنى عنها، بين قوسين الباب اليجيك منه ريح سده واستريح، فكر بنفسك وطور حياتك واشتغل ع روحك وخلي غيرك هوه يدبر نفسه لان اكو ناس شكد ما تفكر بيهم وشكد ما تتعبلهم وتحاول تسعدهم بلأخير ينكروك، اطلع من الدائرة المحبوس بيها المليانة مشاكل ولخبطة وتفكير وسهر وسلبيات "عِش حراً".
مستحيل الدنيا توگف على أحد! اهم شي بالدنيا تبقى روحك عزيزة ومتذلها او تنزلها لشخص ابداً، لأن مراح يبقى وياك طول العمر غير ذاتك و شخصيتك الي ممكن تقويها او تضعفها حسب مدى اعتمادك ع روحك و متصير مستضعف لأي كائن غير ربك، الله فقط الي تگدر تتكل علية وهو الي راح أيسرلك و يسهلك الأمور، خلي ايمانك قوي بذاتك لأن حتة اهلك مراح يدومولك باجر عكبة ميتين والدنيا تريد القوي الي يتحمل كُلشي، يلا گوم رتب حياتك و اصحى ع نفسك.
حياتك تگدر تسويها حلوه؛ لكن >> بنضرك انت، وهذا أهم شي تقريباً .. انو تقتنع بالواقع الي تعيشة وتقتنع بحياتك مهما كانت بسيطة جداً او عادية او مأساوية .. مو شرط حياتك تكون على أكمل وجه! ودربالك تقارن نفسك بغيرك وتباوع لأشياء بعيدة وتتحسر، لان مو كلنا الله كتبلنا نعيش مرتاحين او اغنياء او مبينا امراض او ماعدنا ضروف، مدام عايش وتتنفس عيش ع كد يومك محد ضامن حياتة، وهية تفرج، يجوز تتغير حياتك جذرياً ٣٦٠ درجة متحس الا وانت بالنعيم ومو شرط بالدنيا.
رتب كنتور حياتك راح تكتشف ناس هواي صارت صغيرة عليك او متلوكلك، لذلك لازم تنطيهم للناس احسن من ماخذين مساحة بحياتك وهمَ ميستاهلون، واحنه متعودين ننطي شغلاتنه القديمة للناس المحتاجة او مرات نشمرهم بالحاوية، مو صح؟
لا يفرق معي وجودك او عدمهُ .. لكنني أجدُ صعوبةً في نسيان ما كان بيننا، من ذكرياتٍ جميلةً وليالي سهرناها معاً او حتى اشياءً حزينة و مشاكلٌ في الماضي أصبحتُ احنُ اليها رغم انني الآن اعيشُ حياةً جميلة يحلمُ بِها نصف الكوكب، أشعرُ أنَ العيشَ في الجنة لا يضاهي جمال لحظةً واحده كُنا نتشاجرُ بِها، اتمنى لك حياةً جميلة، المجد لك.
