الإنسانة الوحيدة الّي مستحيل تستهين بمشاعري أو نين نفضفضلها ترد على رسالة وتفوت عشرة، العكس والله، على كل حرف نفضفض فيه ترد عليه بعشر أمثاله من المساواة.
خليلي : هُنا سأسكت قليلًا، أنتوا عارفين معزّة لينا عندي صح؟ صح، بس مش عارفين أنها الإنسانة الوحيدة الي نحكيلها أي موضوع بلا زيادة أو حذف، والي نكب في شوالاتي كلهن عندها ونا متأكدة انها مش حتطلع حرف منهن، والّي وقت تطيح منون تلقاها، والي وقت تضّايق منون تلقاها، والّي نين نتعارك مع الدنيا كلها نلقاها، والّي نين نفرح تفرح ونين نزعل تزعل وحتّي العكس والله، مُمكن مش عارفين أنها بالرّغم من كونها صاحبة من "النّت" إلا أنها والله أقربلي من صاحباتي عالواقع وبمراحل أخرى، الإنسانة الّي بعد تغلط منون تقول منون صحصحي راك غلطتي، والّي بعد ما ندير شيء مش غلط بس الدنيا كله ضدّه تقولّي كملي وماتخليش شيء يوقفك وتعطيني كميّة تحفيزات رهيبة، أكثر إنسانة حافظة روتيني اليومي المُمل الّي معبي مشاكل، وممكن الإنسانة الوحيدة الّي نحكيلها في المشاكل العبيطات الّي نديرهن مع هلي، ومستحييييل نظن فيها ظن سوء مُستحيل، الوحيدة الّي في حياتي الّي حاطة فيها ثقة عمياء حرفيًا ونا متأكدة أنها تستاهل، يجماعة الّي في حياته حد كيف لينا (مع أنه مُستحيل) بس من هذا المنبر نقوللكم في حياتكم كنز عظييييييييم، الصُّحبة الصَّالحة كنز عظيم ♥️.
You need it : حرفيًا U need it يجماعة فيها كميّة كلام دُررررررررررررر لا ولإبن القيم أخرى، وكل مرّة تحكي على موضوع أفخم من الي قبله يخي موفقة عجبتني قناتك♥️.
وتقريبًا القناة شور حنان ولو هي فعلًا شورها فهيّا بنية لطيفة بكل وتهبل مع العلم معرفتي بيها سطحية لأبعد حد، لدرجة ماكنتش نشوف فيها الا في هنا أيامات نلعب وهكّ..
لوتي : صاحبنا الّي مهما غابت ومهما طرت الدّنيا وجرت تكون هي نفسها ومستحيل تتغير، والّي دايرتلي جميل مستحيل ننساه، حرفيًا إنسانة فخمة بكل ورزينة وما نتخيلش فيها زعلانة أو متنكدة وأكثر وحدة مفروض الّي تبيه يجيها مش تمشيله، والّي مفيش حد يعرف يشرح العربي بعدها معليش معليش معليش، ومهما كانن مكالماتي معاها طوال بس لنقنه السهاري معاها يهبلن♥️.
فتاتيني : الّي كل كباويّ كانت هيّ الرّأس المُدبر لهن، بس لأنها هيّ الرأس المُدبر مُستحيل نندم عليهن، أي شيء نبي نديره تقولي ديريه "هي خاربة خاربة" الجُملة الّي سببت في ذرف الكثير من دموعي هههههههههه،صح هي إنسانة عبيطة فالمساواة بس حتقعد فتاتيني الّي مفيش كيفها إثنين والّي كل ما نجي نشكيلها على شيء تحسسني إني أوڤر ونطلع فعلًا أوڤر، نجكلي انتِ وقناتك الّي مفيش كيفها إثنين سوا توّا سوا قبل، أيام كان محتواها شعر كانت فخمة وتوّا أفخم♥️.
شهيدة : شهيدة ياهُو بنيتي، بغضّ النظر عن أنها أكبر منّي بس حرفيًا هذا الشّعور الّي نحسه نين نشوفها، بأغلاطها وهبالها وحركاتها ونكدها لنقنه ماكيفها كيف، وبالنسبة لقناتك ربّ يجعلها في ميزان حسناتك ♥️.
مجبرينا : مجبرينا الّي مفيش أطيب منها ولا أعقل منها ولا أحن منها يخي فُلذة كبدي البنت هذي، بمُجرد ما نشوفها وجهي تلقائيًا يوحي بالفرح والحبُور، وأكثر وحدة تقولّي أيش كنتي تحسّي كل مانحكيلها على حاجة ههههههه، أما قناتها فهي في قمّة الجمال والفخامة وفيها نصوص لنقنهن أجمل نصوص نقراهن في حياتي♥️.
