قناة عشاق ابالفضل )کربلائیه وافتخر)

(نعي لدخول السبايا الى الكوفه)
..............................
دخلونه الكوفه يعباس
واعلينه بس تتفرج الناس
واعلى المحامل جدموا الراس
........
لاکووفه ولاعدهم احساس
............
الروس حطوهن اگبالي
علرماح خويه اشلون حالي
حتى الجمل حن اوبجالي
................
حنين النوگ حنیته علیکم
....................................
على النوگ ومشبگین ایدینه
واطفالنه کلها حزینه
رآس الولي يلتفت لينه
..........
یضربونه وعینه علینه
.............................
يلتفت لينه راس الحسين
ضل على اطفاله يدير بالعين
يضربونه ابسوط الملاعين
لاکو رحم لاکو حمیه
.............
طر الفجر واحنه على النوگ
والنوم من العین مبیوگ
عني مشه ردّاد الحگوگ
............

راح الکفلني وغفت عينه
....................................
تمت بعون الله //✍️الشاعره صديقه الهلالي//
...........................................

((نعي للدفن الاجساد الطاهره ))
.............................................
اجه السجاديدفن والده اليوم
علیل وعلی اهله شایل اهموم
لاغسل لاچفن من نزل المظلوم
ناح اعلیه وگله اعذرني بويه

.........................................
من نزله و حط طفله على صدره
ونزل يمه علي وحباه ا بنحره
السجاد اعله ابوه مكسور ظهره
هال تراب گبره وگعد ینعیه
..................
دفن لاکبر علي وجاسم والانصار
واسعدوه الاسد في دفن الاطهار
بعدهم شباب وفنوا لاعمار
بچه علیهم وصاح الله اکبر
.....................
مشه صوب النهر عد عمه عباس
شاف العلم یمه وجربه والطاس
اچفوفه مگطعه بدین الارجاس
گعد ناحه وبچه ونزله بگبره
.................
بچه اعلیهم وناح ورکب مهره
ملثم للي شافه انحنه ظهره
يبجي الوالده وناده يزهره
شفتي ابنج ييمه امگطعینه
....................
تمت بعون الله//✍الشاعره صدیقه الهلالي//
.......................................

((فزاعيه)) ولها ايضا كثير من الالحان والاطوار//
قصيده للدفنه الحسين عليه السلام وشهداء كربلاء عليهم السلام//
.............................................
.
وين دفان الولي...دلوني
أغسّل احسيني ابماي اعيوني

.........
وين دفان الولي خل اسئله
اشلون شاف حسين جثته مفصله
هم حصله اجفان لوبس غسله
گتله میسوره و زرگه امتوني
...وين دفان الولي ...دلوني
..............

ارید اگله الراس هم دفنیته
اشلون جسم حسین من نزلیته
غسلیته وبلچفن لفیته
ریتکم ویه الاخو اتدفنوني
وين دفان الولي ...دلوني
..................
چان گتله زينب اخته اميسره
من على الناگه تودعه مادره
مرروني ابسوگهم وانه مره
یسیره للکوفه گلتله خذوني
وين دفان الولي دلوني

...................

غصبن اعليه عفت ولياني
جيت ادّفنهُم اوماخلاني
والنذل سب والدي واذّاني
مشيت گوه یخوتي عذروني
وین دفان الولي دلوني
....................

دَفنّت كل الشباب احذاله
لملمت جثته وكل اوصاله
گلي عباس الاسد من شاله
وجاسم او اكبر يبعدا عيوني
وين دفان الولي دلوني
....................................
رجع ولد حسين من دفن الولي
صاح عمه انه دفنته ابوعلي
وادفنت عباسها اوباجي هلي
بس غسلهم صار دمع اجفوني
وين دفان الولي دلوني
...............

تمت بعون الله ✍️الشاعره صديقه الهلالي//
اللهم ارزقنا شفاعة الحسين ع يوم الورود//

(قصيده وداع زينب عليها السلام) ومرورها على الاجساد //
........................................
هایزینب حایره ...بین العده
مايصح اوداع..والحادي حده
هايزينب حايره..بين العده
...................
هايزينب ليش مشبوگه بحبل
مشيتي ميسوره حسافه ويه النذل
يضرب ابسوطه الطفال ولا يمّل
وين راح الكافل وشنهو السده
هايزينب...حايره بين العده
......................

هایزینب نفسج اتودعي اخوتج
مايصح بيدچ اوسمعوا نحبتچ
عمدا ابن الرجس عدّه ناگتچ
یحرگه الگلبچ الحادي ابن الرده
هایزینب حایره بین العده
.............
مرايم النهرللمعرکه اتعده
یحرگ گلب زینب چان بس قصده
مرت والچفیل اچفوف ماعنده
صاحت یاچفیلی گامت تنشده
هایزینب حایره بین العده
................................
مالي عين انظركم اهنا يخوتي
نومه علتربان واسرت ناگتي
امشي وي چتالکم بیّه ایحدي
امشيت غير اوداع والحادي غده
هايزينب حايره بين العده
........................
مايصحلي اوداع ذيج الساعه
وارد اودع الّي فدالي اذراعه
احوا وداع حسين گلبي راعه
امنيتي اذب الروح لخواني فده
هايزينب حايره بين العده
...........................
لويصح بيدي لأسكن دونكم
يلبقيتوا اوسيّروها روسكم
عفه يا صبري اصد لعيونكم
من شفت لرماح گلبي ماهده
هايزينب حايره بين العده
.........................

تمت بعون الله✍الشاعره صديقه الهلالي// الشفاعة مولاتي زينب ع//
.............

نعي لسبي زينب عليها السلام والاطفال ونساء بني هاشم عليهم السلام //
..........................................

انه المسعده ام سبع خوان
لو صحت حضرولي الشبان
وهسه صفيت بغير عوان
منين الاعاين كلها عدوان
حيدر يبويه الحگ علینه
.......................
عدوان مابيهم امروّه
سلبوابنات الولي ابگوّه
شوفوالدهر بینه اشسوّه
جمرالخیم لطفالي چوّه
ماضل حنين اتعاتب اوياه
.......................
على جمر الخيم صاير دربنه
يمشونه اوحرگوا گلبنه
ومن الالم حشمنّه اهلنه
وبسوطه الظالم یألمنه
يهدم الصخر ضيم العليه
.....................
صوب النهر حشمت عباس
عصابتي طاحت من الراس
وينك يبو الغيره واحساس
هجموا علينه گوم الارجاس
انه ابشاربك لتگول مدري
.....................
اعتب لچنه العتب میفید
بعینك اسهام او طايحه الايد
مرّات حشمتك يلعميد
يلچنت یمي صاير بعيد
ريت الموت وياكم اخذني
.......................................
نعي ✍️الشاعره صديقه الهلالي//
...............
نسئلكم الدعاء //

(نعي حرگ الخیام زینب ع بلامحامي)
...................................
من طاح الولي حرگوااخیامي
ذبحوه ومنه النحر دامي
واطشروا كلهم ايتامي
لاضل ولي عني اليحامي
........................
لا ضل ولي ولا ضلت اخيام
والكفل حملي اعله النهر نام
يسيره بقيت ابين ظلام
مامش حنين اعاتبنه
.......................
لاضل حنين ولاكواحباب
منين الاعاين كلهم اجناب
حربه وصط گلبي الدهر صاب
والخوف اخذني والگلب ذاب
...............................
✍الشاعره صديقه الهلالي
...................

(نعي زينب ع) على التل تنظراخيها الحسين عليه السلام
...........................
زینب علی التل نادت حسین
مندل یخویه دربك امنین
مفتر علینه الجیش صوبین
لحگوا علینه الظیم اخذنه
............................
شفت الشمر من عزل راسك
وابن سعد بلخیل داسك
یخال الولد گطعوا انفاسك
راح اليگله الولد خالي
......................
ابعشر اخیولهم رضوه صدرك
خذوخاتمك گطعوا خنصرك
مامش اهل حتی تحضرك
نومه علی التربان کلهم
........................

چتلوك وتوجهوا لينه
حرگوا صواوین العلینه
دلحگنه یخویه تسلبینه
وینه الیجي ويلحگ علینه
..................
چنت امدلله والراس عالي
اهلي مشوا بعد اشبگالي
عگب الاهل بلظیم حالي
يامايله الدنيه ويه زينب
....................
✍الشاعره صدیقه الهلالي//
.........................................

قريض بحق عبدالله الرضيع عليه السلام


طِفْلٌ صَغِيرٌ يَا تُرَى مَاذَا جَنَىٰ
وَالْقَوْمُ مِنْهُ تَضْطَرِبْ وَتَصِيحُ ..
ظَمْآنُ يَلُوكُ لِسَانُهُ لِمَ اسْتَطِعْ
ارْوَيْهُ وَالْمَاءُ الزُّلَالُ شْحِيحُ ..
لَهَفِي لِطِفْلِي اذْ يَنُوءُ بِرَأْسِهِ
خَارَتْ قُوَاهُ وَالْفُؤَادُ جَرِيحُ ..
وَاتَاهُ سَهْمٌ مِنْ لِعَيْنٍ وَانْتَهَى
فِي نَحْرِهِ وَغَدَا الصَّغِيرُ ذَبِيحُ ..
وَجَرَتْ دِمَاءُ النَّحْرِ مِنْهُ رَأَيْتُهُ
مَا بَيْنَ احْضَانَيْ الْحَبِيبُ طَرِيحُ ..
===============


نعي بحق عبدالله الرضيع لسان حال الرباب
-----------------------------------------
يسباح الكَلب يا شوف العيون
يعبدالله الدليل اعليك محزون
يفت الروح يفراكَ الزغــــــيرون
انــــــدهك ما تــــرد جواب لية
------------------------------------------------
نحرك يوجعك يا يمة لو لاه
احا يالــــــــولد يا حسرة رباه
مثل عمر الورد ماعرف دنياه
تفرهد يا خلكَ من بين ادية
------------------------------------------------
ركَبتك موش مالت ذبح يبني
بساع بساع يــــــمة رحت عني
مــــــن راح الولد ياروح ونــي
يعــــبدالله شعـمل فركَاك بية
------------------------------------------------
خالي يظل مچانك من اصد ليه
اهــزن بالمــهد يــــبني واناغــــيه
وحشة البيت شالت زهرتة البيه
تمنـيت اندفــــن يمــــك ســوية
------------------------------------------------
السهم چتال وانتة طوير جنة
يبنــــي وداع منــــك ما شبعنة
خذاك البــــين يمة بـساع منة
يبني منين اجتني الغاظرية
------------------------------------------------
زغير وما سمعتة يكَول چلمة
بساعة ذبحــــــتة ياريـت يمة
من ذبحوا ركَبتك صحت يمة
لــــو مالحكَت تنــــده عـلية

أسالكم الدعاء رائد الاسدي

(نعي لعبدالله الرضيع عليه السلام)

يمه يعبدالله يمدللول
اگلمن بعد یبني دللول
گلبي صبح يلولد معلول
ضلت ابگلبي يمه لي اتگول

........................................

ادری العطش يبّس چبدتك
بلمهدوملولح رگبتك
يلولد تبچي عليك عمتك
ياريتني ميته ولا شفتك
.........................

ذبلت اشفافك غارت العين
ابوك الوحده ولاعنده معين
واهلك على الغبره مطاعين
وامنين اجيب الماي انه منين
...............
جف البن بلصدر يبني
من العطش جن نار شبني
تكبر گلت وابیوت تبني
ماحسبت يبني تهدني
.............................................
✍الشاعره صديقه الهلالي///
...........................................

(((فزاعيه للطفل الرضيع ع)))
.................
عبدالله يريد الماي
گلي امنين اجيبنه
.......................
اولیدي غارن عيونه
ياويلي انخطف لونه
الكفره مايرحمونه
والعباس اندبنه
...................
ياعباس جيب الماي
ندبيناك ياسقاي
وحسين انشده بلراي
اخاف اولیدي افگدنه
..........................
رباب الیوم محتاره
گلبها مشتعل ناره
نرید امن الله الچاره
اشلون الدهر حیرنه
......................
يحسين الطفل ودّيه
اميه بلكن اترّويه
اخذه للعده راويه
من العطش فرفرنه
.....................
خذه ولده على صدره
بگصته اتلالي الشضره
شافوه ورمو نحره
محدمنهم ارحمنه
.......................................
تمت بعون الله //✍️الشاعره صديقه الهلالي//
...........................................

((نعي لعلي الاكبر ع يصلح للشباب))
.............
شبان ناموا على الغبره
كَسر الولّد لُمّه اشيجبرّه
گلب الوالده یبني شيصبره
عزيز الولد وامه تريده
.........................
عزيزالولد وامه تنظره
مَتصّوره يبگه اعلغبره
والجسم طبره فوگ طبره
یلولد یلرباك حضّني
......................
اشلون الوالده وتنظر ابنهه
تبچّي على الرّباا حضنهه
نایم ولا یدري ابحزنهه
بعازت ولي ومحتار گلبي
............................
✍الشاعره صديقه الهلالي//

.................................