#صحح_مفاهيمك #مش معنى انك ما تكذبش
انك مش هتقابل ناس بتكذب و ان الناس مش هتكذب عليك ..
لكن انت صاحب القرار انك تفضل صادق أو تبقي كذاب زيهم
#مش معنى انك مش بتخون الامانة
انك مش هتتعرض للخيانة و ان الناس مش هتخونك..
برضه انت صاحب القرا انك تفضل امين و محل ثقة او انك تتغير عشان تبقي شبههم
#مش معنى انك مش بتظلم
انك مش هتتظلم و الناس مش هتيجى عليك ..
برضه انت صاحب القرار انك تبقي ظالم او تبقي حقاني و بتتحرى العدل ...
الحياة مش واحد زائد واحد يساوى اتنين
الحياة فيها معادلات كتير و حسابات كتير ربانية التدبير
فيها " و جعلنا بعضكم لبعض فتنة"
يعنى انت
بتمتحن فى الكذاب و هو بيمتحن فيك
هو بيمتحن هيزور الحقيقة لما يقدر عشان يمشي حاله و لا هيواجه و يقول اللى يرضي ربنا
و انت بتمتحن هتبقي زيه و تكذب و لا هتفضل صادق رغم أنف الكذب المستشرى فى العالم
بتمتحن فى الخاين و هو بيمتحن فيك
هو بيمتحن هيخون لما تيجى فرصة و لا هيؤدى الإمانة بما يرضي الله
و انت بتمتحن هتبقي شبهه و لا هتصمد على الحق و تؤدى الامانات لأهلها تقوى لله
بتمتحن فى الظالم و هو بيمتحن فيك
هو بيمتحن هيظلمك لما يقدر عليك و لا هيعدل
و انت بتمتحن حترد الظلم بظلم و لا هتفضل تعدل حسبة لله
العلاقة مع الله مش علاقة تعاقدية اعمل لك تديني و العياذ بالله ده يبقي سوء ادب
العلاقة مع الله علاقة عبد بربه
الرب يدبر الخير بعزته و قدرته كيفما شاء
و العبد يثق بربه و يرضي و يطمئن و يعبد الله فى السراء و الضراء و هو موقن
ان الله لا يكلف نفسا إلا وسعها
و ان الله أرحم بك من نفسك
و ان الله اعلم بخير دينك و دنياك و آخرتك
و ان رب الخير لا ياتى الا بخير و ان بدا فى ظاهره شر
فصحح مفاهيمك
و اصبر و احتسب
و اطمئن
و لا تضيع الوقت فى الجزع
و تذكر
ما لا يُقضي بالفكر يُقضي بالذكر
و كل شيء بقدر
و الامتحان ليس لقوتك و لكن لقوة استعانتك بالله
فاستعن بالله و لا تعجز
و تذكر انت
#لست_وحدكد.سمية محمود
#رسالة
