السلام عليكُم، الحمدُ للهِ وبعدُ، جاية سريعا أقول كلمتين للأخوات اللي لسه لم يتزوجوا.. صدقا استغلي كل ثانية في المرحلة العمرية دي في طلب العلم الشرعي وتأسيس نفسك وبنيان بيتك من دلوقتي.. بعد الزواج بيُكتب في صحيفتك فروض جديدة [ طاعة زوجك، وحسن تبعلك، وتربية أبنائك ] وكل الطاعات دي مقدمة قطعًا على طلبك للعلم الشرعي ... أولوياتك بتتغير على حسب مسؤوليتك الشرعية أمام الله عز وجل، فلو انت عاقلة هتدركي يعني اي تؤدي فريضة وتقدميها وتقدسيها على فرض كفاية.. صدقا بتحاربي في يومك علشان تخلصي مهاماتك و تستأنسي بسماع محاضرة وتقعدي تدونيها في هدوء بدون إزعاج الرضيع، السلسلة اللي ممكن تخلصيها قبل الزواج في ٣ أيام... لا أبالغ إن بعد الزواج ممكن تاخدي حلقة خلال ال ٣ أيام مع أوراردك وفروضك واللي هو يا صباح الإنجاز بجد !  أعتقد إن المرحلة دي هي ذروة تحصيلك للعلم الشرعي أصلا.. فلا تهملي فيها آملة إنك بعد الزواج هتعوضي.. دا من تلبيس إبليس عليك والله المستعان .. أخواتنا المتزوجات الأمهات، هنيئًا مريئًا رِضا أزواجكم عنكم .. هنيئًا مريئًا كل مثقال ذرة من جهد تبذليها لبناء بيت يحبه الله ورسوله، أحبكِ الله يا صالحة وآنس بيتك بالقرءان والإيمان. - آلاء حمزة #الميثاق_الغليظ، #المرأة_المسلمة