،سمعت قبل كده جملة بتقول: "لما تيجي تختار الشخص اللي هيشاركك كل حاجة في حياتك: دوّر على الرحمة في قلبه.. اوعى تختار شخص قاسي مهما كنت بتحبه ومتعلّق بيه، دوّر دايمًا على صفة "الحنيّة/الرحمة".. الشخص الحنيّن أو الرحيم هو اللي هيهوّن عليك صعوبة الحياة ومشاكلها وضغطها، الشخص الحنين أهم من الشخص الوسيم وأهم من الشخص الغني، الشخص اللي بيغفر ويسامح، اللي بيعذر وبيقدّر كل حاجة حتى لو كانت بسيطة.. اللي بيعرف يطبطب ويداوي ويحتوي ويحس بيك ويراضيك.. الشخص اللي لما تُقع تلاقي إيده ممدودة ليك من غير ما تطلب وما يدّكش فرصة تدوّر على إيد حد غيره عشان تسندك وتقوم. صدّقوني كل حاجة ممكن تهون وتتعوّض، الفلوس بتروح وتيجي، والشكل بيتغير وبنكبر، ومش بيبقى غير القلب الصادق الحنيّن، مش بيبقى غير الرحمة والاحتواء والحنان والونَس والدفا، وهما دول أساس العلاقات ♥️
"كل واحد مننا شايل شيله تُخض! فيه اللي بيغطي الصعب بضحكة، فيه اللي بيغطيه بقناع صلب كأنه قوي أو قناع ساخر كأنه مش همُّه، وفيه اللي بيغطي حياته كلها بسِحر الرضا وسحابة سلام.
اوعى تصدق إن حَد حواليك خالي من هموم وأحزان وقلق، ولكن لله في خلقه رحمة ولطف بنا".
