Беларускі Моладзевы Хаб у Варшаве

Запрашаем на паказ фільма “Крышталь” Дар’і Жук у клубе беларускага кіно “Кінакола” ў сераду 20 лістапада 

90-я гады. Дыджэйка Веля з Менску марыць з'ехаць у Амерыку. З-за памылкі ў падробленай даведцы на візу яна трапляе ў незнаёмую сям'ю ў невялікім мястэчку. Пакуль людзі, што яе прытулілі, занятыя падрыхтоўкай да вяселля, яна збіраецца любой цаной дамагчыся здзяйснення сваёй «крыштальнай мары».

Фільм “Крышталь” стаў сапраўднай падзеяй у беларускім кіно, атрымаў шэраг узнагарод на міжнародых фестывалях і быў вылучаны на прэмію “Оскар” у 2018 годзе. 
Пасля прагляду адбудзецца анлайн-сустрэча з рэжысёркай фільма Дар’яй Жук.

🎈Уваход вольны. Данаты ў падтрымку Беларускага моладзевага хаба вітаюцца.

Рэгістрацыя па спасылцы – https://forms.gle/Qdn2zKYtS6Tg1Zur7

Праект “Кінакола” ладзіцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу.

🗓 20 лістапада, серада
⏰ 18:45
📍 Dożynkowa 6a, Варшава

Беларускі Моладзевы Хаб 🔥

Запрашаем падлеткаў 13+ на чарговую сустрэчу інтэграцыйна-адукацыйнага клуба WYSPA.

Звяртаем увагу, што сустрэча замест чацвярга ў гэты раз адбудзецца ў пятніцу!

Міжнародныя абмены Erasmus толькі для дарослых?

Як падарожнічаць бясплатна, навучацца новаму і развіваць партфоліа да ўніверсітэта.

"Вітанкі. Я Мар'я і мне 20. У сваім жыцці я больш за ўсё люблю дзве рэчы: падарожнічаць і нефармальна вучыцца. А ідэальная камбінацыя гэтых захапленняў-гэта праграма Erasmus+, пра якую і будзе наша сустрэча.

Разам мы адкажам на пытанні:
🔞Erasmus-гэта толькі 18+?

🤓Як падлетак можа папоўніць сваё прафесійнае партфоліа?

💸Падарожнічаць бясплатна немагчыма? "

Прыходзь і даведайся, як зрабіць першы крок да міжнароднага абмену!

Таксама будуць настолкі, размовы і гульні! Можна прынесці што-небудзь да гарбаты, каб вечар быў больш утульным і смачным😊


⏰ 15 лістапада (пятніца), пачатак а 18:40
📍 Dożynkowa 6a, Варшава

Беларускі Моладзевы Хаб 🔥

Варкшопы на Pradmova у Беларускім Моладзевым Хабе (частка 2):

16.45-18.15 Майстар-клас трафарэтнага друку ад Святланы Дземідовіч
Трафарэтны друк - гэта тэхніка, у якой выкананыя ўсе 45 ілюстрацый да зборніка вершаў Насты Кудасавай “Побач". Тэхніка не вымагае мастацкага досведу, пасуе для любога ўзросту. Кожны ўдзельнік выйдзе з майстар-класа са сваёй уласнай працай, па-дзіцячы здзіўлены і шчаслівы.

18.30-20.00 Калаж як вопыт: эксперымент і разнявольванне
На майстар-класе Ірыны Арахоўскай вы даведаецеся пра тое, што такое калаж, як ён уплывае на масавую культуру, палітыку і выкарыстоўваецца ў містыфікацыях, інтэр’еры ды медыя, а таксама зробіце свой калаж у змяшаных тэхніках. Ірына распавядзе, як дзякуючы калажу можна працаваць з хатнім архівам і аздобіць свой інтэр'ер напамінкамі з адпачынкаў. Сустрэча будзе цікавая і для творчых людзей, і для тых, хто ніколі не займаўся мастацтвам. Творчая атмасфера дапаможа вам натхніцца на новыя ідэі. Запаўняйце заяўку цяпер, бо колькасць месцаў абмежаваная.

📍 Dożynkowa 6a, Варшава
Беларускі Моладзевы Хаб 🔥

Запрашаем 16 лістапада (субота) ў Беларускі Моладзевы Хаб на фестываль інтэлектуальнай кнігі Pradmova!

У нас пройдуць наступныя варкшопы і сустрэчы (частка 1):

12.00-13.15 "Я - ілюстратар". Малюем ілюстрацыі разам з мастачкай Эльгай Паповай. Майстар-клас для дзетак 6+
Майстар-клас для дзетак па маляванні ад мастачкі, ілюстратаркі і пісьменніцы Эльгі Паповай. На яе рахунку мноства персанальных і супольных выстаў, 11 праілюстраваных кніг, чатыры ўласныя кнігі. Эльга стварае казачны свет, напоўнены дабрынёй і любоўю. На імпрэзе Эльга раскрые сакрэты сваёй працы, пакажа ўласныя малюнкі і працэс іх стварэння. Пры падтрымцы мастачкі ўдзельнікі самі паспрабуюць стварыць ілюстрацыю да адной з яе казак

13.30-14.30 Шрыфтавы архіў: размова аб праекце Алы Пігальскай
Даследчыца, дызайнерка Ала Пігальская засяродзіцца на гістарычных шрыфтах у дызайне вокладак (на падставе гістарычных прататыпаў кірыліцы: скорапісу ВКЛ, паўустава, буквіцы і лацінскага алфавіта: готыкі і гуманістычнага курсіву).

15.10-16.20 OUT. Як аналагавыя тэхналогіі пісьма могуць зрабіць вашу дзейнасць болей цікавай, творчай і выніковай. Вядучы - Антось Сівых
"Мы звыкліся да штодзённага ўжывання смартфонаў і камп'ютараў, але ці можна вырашаць штодзённыя задачы з дапамогай простага пісьма? На гэтым варкшопе вы адкрыеце для сябе аналагавыя тэхналогіі і метады пісьма, якія дапамогуць вам стаць больш творчымі, засяроджанымі і эфектыўнымі без лічбавых інструментаў.
Што вас чакае?
-Агляд сучасных і новых тэхнік рукапісу: даведаецеся пра цікавыя і новыя спосабы выкарыстання пісьма, а таксама розныя традыцыі ўжывання пісьма ад рукі для вырашэння штодзённых і творчых заданняў.
-Практычны воркшоп: паспрабуеце розныя інструменты і тэхнікі, якія дапамогуць эфектыўна вырашаць паўсядзённыя і творчыя задачы.
-Прэзентацыя фізічнай аперацыйнай сістэмы OUT-1 і яе практычных застасаванняў.

📍 Dożynkowa 6a, Варшава
Беларускі Моладзевы Хаб 🔥

Запрашаем 14 лістапада на сустрэчу з Маляванычам у Беларускім Моладзевым Хабе

дзе пагаворым пра беларускую батлейку!

❓Ці ведаеце вы, што такое батлейка?
❓Чаму на Беларусі гэты старажытны лялечны тэатр называлі так, а ва Украіне і Расіі "вярцеп", а ў Польшчы "шопка"?
❓Адкуль сумесь сакральных і жартоўна-бытавых матываў батлеечнай дзеі?

❗️Пра гэта і пра шмат іншае даведаемся на сустрэчы 14 лістапада з артыстам, мастацкім кіраўніком міжнароднага фестываля "Нябёсы" Аляксандрам Ждановічам (Маляванычам).
Ды не толькі паслухаем і паглядзім, але і самі возьмем удзел у спектакле "Цар Ірад", у якім пазнаем у вобразах кананічнага старажытнага расказа персанажаў сучаснай беларускай гісторыі.

Акрамя таго: у другой палове вечарыны Маляваныч прэзентуе свае кніжкі і чытае казкі.

Сустрэча разлічана на дарослую аўдыторыю.

🎟 Квіткі - 40зл, аплата гатоўкай на ўваходзе.

Рэгістрацыя па спасылцы - https://www.eventbrite.com/e/1075673591669

📅 14 лістапада (чацвер), пачатак а 19:00
📍 Dożynkowa 6a, Варшава

Беларускі Моладзевы Хаб 🔥

12 лістапада (аўторак) запрашаем у Беларускі Моладзевы Хаб на гульню клуба "Што? Дзе? Калі?" 🧠

Гуляем сінхронны рэйтынгавы турнір, складанасць 3,5.

👍 Заявіць каманду можна праз форму 👉 https://forms.gle/DvWFjLM7inGBe9r9A

⁉️Хочаш пагуляць, а няма каманды?
Знайсці месца ў існуючай ці сабраць новую можна ў канале Клуба 👉 @chgkwaw

🗓 12 лістапада, аўторак
⏰ 18:40
📍 Dożynkowa 6a, Варшава

Беларускі Моладзевы Хаб 🔥

Запрашаем 14 лістапада на сустрэчу з Маляванычам у Беларускім Моладзевым Хабе

дзе пагаворым пра беларускую батлейку!

❓Ці ведаеце вы, што такое батлейка?
❓Чаму на Беларусі гэты старажытны лялечны тэатр называлі так, а ва Украіне і Расіі "вярцеп", а ў Польшчы "шопка"?
❓Адкуль сумесь сакральных і жартоўна-бытавых матываў батлеечнай дзеі?

❗️Пра гэта і пра шмат іншае даведаемся на сустрэчы 14 лістапада з артыстам, мастацкім кіраўніком міжнароднага фестываля "Нябёсы" Аляксандрам Ждановічам (Маляванычам).
Ды не толькі паслухаем і паглядзім, але і самі возьмем удзел у спектакле "Цар Ірад", у якім пазнаем у вобразах кананічнага старажытнага расказа персанажаў сучаснай беларускай гісторыі.

Акрамя таго: у другой палове вечарыны Маляваныч прэзентуе свае кніжкі і чытае казкі.

Сустрэча разлічана на дарослую аўдыторыю.

🎟 Квіткі - 40зл, аплата гатоўкай на ўваходзе.

Рэгістрацыя па спасылцы - https://www.eventbrite.com/e/1075673591669

📅 14 лістапада (чацвер), пачатак а 19:00
📍 Dożynkowa 6a, Варшава

Беларускі Моладзевы Хаб 🔥

Запрашаем на прэзентацыю падкаста Тіны Шабуні

«ЧАМУ БЕЛАРУСЫ ЗАБІВАЮЦЬ»

Вас чакае:
- прагляд фільма «Жыццё Дэвіда Гейла»
- прэзентацыя падкаста
- нэтворкінг з абмяркоўваннем правоў чалавека.

🗓 9 лістапада (субота)
⏰ 17:00
📍 Dożynkowa 6a, Варшава

Беларускі Моладзевы Хаб 🔥

Вітанкі ўсім!
Падлеткавы клюб WYSPA запрашае на сустрэчу гістарычнага клуба "Валошка".

❓Калі Вам цікава (а любому беларусу і ня толькі гэта цікава, ці ня праўда?), што за дзяржавы існавалі на тэрыторыі сучаснай Беларусі, якія адносіны былі з суседзямі, якія этнасы ўплывалі на станаўленьне беларусаў, то гэтая сустрэча для Вас. Запрашаем і дарослых, і падлеткаў.

Больш дакладна пра тое, што будзем абмяркоўваць:

☑️ Загадкавыя неўры, плямёны балтаў і славян, іх зьяўленьне на тэрыторыі сучаснай Беларусі, узаемадзеяньні паміж сабой і з дальнімі суседзямі. Тэрыторыя Беларусі - як частка Гардарыкі, скандынаўскае "Краіны гарадоў" с сагаў.
Полацкае, Турава-Пінскае і іншыя раннесярэднявечныя княствы.

☑️ Вялікае Княства Літоўскае: пагаворым, чаму Беларусь можна лічыць адной з яго спрадкаемак. Абмяркуем ролю ВКЛ ва Ўсходняй Эўропе. Даведаемся больш пра Вітаўта як заснавальніка традыцый талерантнасьці на беларускіх землях, пра яго ролю ў Эўропе

☑️ Люблінская унія, асаблівасьці дзяржаўнага ўладкаваньня Рэчы Паспалітай і розніца ва ўспрыманьні гэтае дзяржавы беларусамі і палякамі.

☑️ Тры падзелы Рэчы Паспалітай і існаваньне Беларусі ў межах Расейскай імперыі.

☑️ І ў канцы абмяркуем 20 стагоддзе ў гісторыі Беларусі: як адбывалася ў ім дзяржаўнае будаўніцтва і да якога выніку гэта ўсё прывяло нас сёньня.

☑️ Пытанні ад слухачоў вітаюцца🤗

👨‍🎓Сустрэчы вядзе Сяржук Герасімовіч:
- былы выкладчык ліцэя БДУ
- выпускнік БДУ і магістратуры ЭГУ "Параўнальная гісторыя краін Паўночна-Усходняй Еўропы"
- спецыяліст у галіне культурнай геаграфіі
- даследчык комплексаў традыцыйнай культуры Беларусі
- вандроўнік: у складзе экспедыцый і самастойна наведаў 90 са 118 раёнаў Беларусі
- краязнаўца

👍Прыходзьце, будзе цікава!

📍 Дзе: Dożynkowa, 6a - Беларускі Моладзевы Хаб
📅 Калі: 13 лістапада 18.30-20.30
🎁 Кошт: 30 зл.
🔗 Запіс 👉 @niesawa

Беларускі Моладзевы Хаб 🔥