هَتفضَل الحاجه الوحيدة الحِلوة إللي هتمناها مِن ربنا إنه يُرزقني بالسلام النفسي دايماً إللي يخليني راضيه عن أي حاجه في حياتي ومُش فارقه مَعايا أي حاجه غير إني أبقى مرتاحة البال ورايقه وعايشه في سَلام ومُش شايله هم حاجه.
اللهم صلِّ على قرَّة أعيُننا محمَّد، واحشرنا في زمرته، واجعلنا من أهل شفاعته، وأحينا على سُنَّته وتوفَّنا على ملَّته وأوردنا حوضه يا حيّ يا قيّوم إنَّكَ على كلِّ شيءٍ قدير💗
الحياة تقيلة وصعبة وأغلب أجزاءها مقرف.متضيعش جزء كبير منها في انك تحاول تصالح وتتحمل اللي حواليك.متدخلش في علاقات تظلمك.متتحملش معامله أقل من اللي تستحقها.متهينش قلبك.ابعد وفارق لحد ما توصل للناس الصح وساعتها هتقابل كل القرف والعك بتاع الدنيا وانت معاك ناس سانداك وتعدوها مع بعض .
أنا زعلان بسبب موقف ما عمله شخص مُهم عندي، فقررت أعاتبه وأقول له أنا زعلان منك في كذا وكذا وواخد على خاطري كمان، لكن وأنا برتب الكلام اللي هقوله لقيت لساني حافظ المُبررات اللي الطرف التاني هيقولها، وحافظ ردوده وحافظ دِفاعه عن نفسه دا أنا يمكن كمان حافظ الحتة اللي هيقلب عليها فيها الترابيزة .. فقررت أسكُت.خوفت أعاتب ألاقي نفسي أنا اللي بتعاتب.
مرّيت بمشاكل من كل الانواع من صغري ويمكن مريت بمواقف مؤذية نفسيًا.. مهما قلت ان دا اللي خلاني احسن واقوى ودول برضه كلمتين الواحد بيمشي بيهم حياته ويكدب ع نفسه بيهم بس ف كل الاحوال هايفضل في جزء منّي مش زي الاول.
