گتلي من تعطَش تروّيك الچفوف وهذا انه العطشان وين چفوفك وگتلي إذا شَح النضر بعيوني شوف شفت كل الناس بس ما شوفك وگتلي إِذا جرحك كُبر برموشي روف شو كبر جرحي وزغر معروفك انه ادري رموشك أمضى من السيوف شجاب گلبي وحَطة بين سيوفك
وإنت هناك غاد من الشعر مكتوب القصيدة تجيب گلشي بعيد بس ما تكدر تجيبك ، حزني بعيد ما ينلاح مثل حزن النبوة وفشلة التفاح .. حزن أعمة عالمراية شعل روحة شمع لعيون الولاية حزن نثية خذو منها گصيبة ورأي حزن جرفين ما حفظّن أسرار الماي حزن كل العراقيين وأدري هواي وصحاري من العطش عمري ونزيزك بالگلب يضحك وأضمك نفس بالريّة وتمر نسمة هوة تفضحك
