НАМАНГАН СПОРТ МАРКАЗИДА МАЖБУРИЙ МЕҲНАТ ВА ЙИҒДИ-ЙИҒДИЛАР Спорт вазирлиги ташрифи муносабати билан Наманган Олимпия ва Паралимпия спорт турларига тайёрлаш марказида бутун марказ ходимлари мардикор бўлди. Директор хонасида ўтириб, замларга ҳамма дарахтлар баргини қоқишни, қишки гуллар экишни ва зах ерларни тозалашни буюрди. 25 ноябрдан 28 ноябргача бўлган Паралимпия стол теннис мусобақаси учун марказнинг 1, 2, 3-қаватидаги 5/6-синф ўқувчилари уйларига жавоб бериб юборилган. Шунга қарамай, тренерлар ва ўқитувчилардан “бола қаерда?” деб сўрайдилар. Директор вазирга яхши кўриниш учун яна 9 миллион сўмга гул сотиб олди. Бундан ташқари, замларга, методист, врач ва тарбиячиларга пул йиғиш буйруғи берилди. Қачон тугайди бу ишлар? Болаларнинг келажаги қизиқ эмас, дарслар ўтилмайди, спорт машғулотлари йўқ. Овқатланиш учун ошхонага 400 нафар болага меню берилади, ҳолбуки бола йўқ. Ҳамма вазирнинг келишига мардикор. Биздаги муҳит яхшиланиши фақат орзу бўлиб қоладими? Ҳайронмиз. Бизнинг масъулиятли (!) директор адолатли бўлгани учун яқинда Адолат партиясига депутат бўлгани ҳайрон қолдиради. Ички ишлар томонидан "Беш ташаббус" мусобақаси учун ётоқхонани таъмирлашга 500 минг ҳамширалардан, 1 миллиондан врачлардан йиғилди. Психологлардан 3-қават учун 1 миллион сўм, спорт бўлими методистларидан 5 миллион, 5-этаждаги мураббий ва тарбиячилардан пул йиғилди. Ўқитувчилардан пул йиғилмади, чунки улар яқинда завуч “пул йиғди” деб ишдан бўшатилгани учун қўрқишади. Лекин вақтинча завуч бўлган Турсунова Гулнора ҳам 1-этажни таъмирлаш учун ўқитувчилардан 100 минг сўмдан йиғди. Маънавият бўлими раҳбари Мамажонов Абдуқодир лавозимига кўра ҳеч иш қилмайди. Болаларга маънавиятдан дарс бериш ўрнига уларни “ҳаромилар” деб ҳақорат қилади. Тарбиячиларга ариза ёзишни буюриб дўқ қилади. Олдинги маънавий раҳбар Зиёдулла Бўтаев ҳар куни сафланиш тадбирларини ўтказар эди, уни “ётоқхонадаги камчиликларни прокуратурага айтдинг” деб ишдан бўшатишди. Методист бўлган директорнинг югурдаги Миржалол ERP база, вазирликка деб доим пул йиғади. Пенсияга чиққан бўлса ҳам кўплаб мураббийлар, тарбиячилар ва ўқитувчилар лавозим мажбуриятларини бажармайдилар. Ёши катта деб уларга ҳеч нарса дейилмайди. Илтимос, бизни порахўр ва виждонсиз раҳбарлардан озод қилишга ёрдам беринг! 💬Telegram |📱Facebook | 🐦Twitter |📱Instagram | ▶️YouTube