ҚАРШИДА ИККИ ЎҒРИ БАНКОМАТНИ ЎМАРИШГА УРИНДИ Қарши шаҳрининг Боғобод маҳалласида 2024 йилнинг 22 ноябрь куни юзини ниқоб билан беркитган икки ўғри банкоматни ўмаришга уринган. Маҳаллий вақт билан соат 12:09 да ўғрилар давлат рақами ечилган транспорт воситасида келиб, банкоматни машинага ортмоқчи бўлган. Улар ўз режасини амалга ошириш учун банкомат орқасидаги кузатув камерасига кўринмасликка ҳаракат қилишган. Аммо ҳодиса жойига орқадан бошқа бир машина яқинлашаётганини кўриб, ўғрилар банкоматни йўлда ташлаб кетишган. Банкоматга шикаст етмаган. Ҳозирда ҳуқуқ-тартибот органлари ушбу воқеа бўйича суриштирув ишларини олиб боришмоқда. Банкомат ва у боғланган молиявий маълумотлар муҳофазага олинган. Воқеа бўйича ҳали расмий маълумотлар чиқарилгани йўқ. Ҳодиса юзасидан ҳуқуқ-тартибот органларининг баёноти кутилмоқда. 💬Telegram |📱Facebook | 🐦Twitter |📱Instagram | ▶️YouTube