Давлат органлари ва давлат ташкилотлари томонидан аҳолидан ва тадбиркорлик субъектларидан қуйидаги фактларни тасдиқловчи маълумотларни ва ҳужжатларни талаб қилиш бекор қилинган. Ўзбекистон Республикаси Президентининг 24.07.2021 йилдаги ПФ-6269-сон фармонига асосан, 2022 йил 1 январдан бошлаб давлат органлари, хўжалик бирлашмалари, маҳаллий ижро этувчи ҳокимият органлари ва давлат ташкилотлари томонидан аҳолидан ва тадбиркорлик субъектларидан қуйидаги фактларни тасдиқловчи маълумотларни ва қуйидаги ҳужжатларни талаб қилиш бекор қилинган: Аҳолидан: — жисмоний шахсларнинг охирги 12 ойдаги иш ҳақини тасдиқловчи маълумотномаларни; —кам таъминланган оила ёки оила аъзоси сифатида рўйхатга олинганлигини; — жисмоний шахслар томонидан алиментлар тўланганлигини ва олинганлигини; — олий маълумот тўғрисидаги диплом маълумотларини; — жисмоний шахс томонидан ўрта махсус, профессионал (касб-ҳунар) таълим муассасаси тугатилганлигини; — жисмоний шахс томонидан умумий ўрта таълим муассасаси (11-синф негизида) тугатилганлигини; — фуқаро «Ёшлар дафтари» ёки «Аёллар дафтари»да мавжудлигини; — ўзини ўзи банд қилган шахслар тўғрисида маълумотларни; — олий таълим муассасаларига ўқишга кириш учун имтиёзга эга бўлган абитуриентларнинг имтиёз ҳуқуқини тасдиқловчи ҳужжат тўғрисида маълумотларни; — ижтимоий нафақа ва пенсиялар тўланганлиги тўғрисидаги маълумотномаларни Тадбиркорлик субъектларидан: — молиявий ҳисоботлар нусхаларини; — тадбиркорлик субъекти давлат рўйхатидан ўтказилганлиги тўғрисидаги гувоҳнома маълумотларини; — лицензия, рухсат этиш хусусиятига эга ҳужжатлар ва хабарномалар қабул қилинганлиги тўғрисида тасдиқнома мавжудлигини; — давлат божи, йиғимлар ва бошқа тўловлар тўланганлигини; — қимматли қоғозларга эгалигини, қимматли қоғозлар билан операциялар амалга оширилганлигини, дивидендлар олинганлигини; ❗️Агарда ҳозирги кунгача давлат органлари ва давлат ташкилотлари томонидан шу каби маълумотлар талаб қилинаётган бўлса, ушбу қонунга асосан тақдим этмаслик ҳуқуқингиз мавжуд. 👉@buxgalterkundaligi