قبل ما تسأل روحك عن مشاعرك خصوصا الاكتئاب اسأل هالاسئلة: ١- هل شربت ماي كفاية اليوم ؟ ٢- شنو اكلت اليوم ؟ لانه نعم له علاقة خصوصا الحلويات والسكريات ٣- مشيت وتحركت اليوم ؟ اقل شي ساعة ونص من يومك حتى لو متوزعه طوال اليوم ٤- منو تابعت وسمعت اليوم ؟ اللي تسمعه وتشوفه له تأثير كبير بصناعة عالمك ٥- مع منو جلست او تحدثت ؟ نوع الناس اللي حولنا ومعانا ايضا له تأثير ٦- هل اخذت كفايتك من النوم ؟ كثير دراسات اثبتت انه النوم له تأثير كبير على نفسياتنا ٧- متى اخر مرة سويت تجربة ومغامرة جديدة بحياتك ؟ ٨- كم هواية عندك ومتى اخر مرة مارستها ؟ الهوايات علاج مو رفاهيه ٩- امر جدا مهم هل جلست لوحدك خمس دقايق فقط من يومك وتنفست فقط ؟ واخيرا ومهمة جدا ١٠-هل تاخذ اي نوع ادوية ( مسكن / مضاد حيوي ) من اي نوع كان ؟ خصوصا حبوب و ابر التنحيف ؟ لانه نعم له تأثير كبير على نفسيتك كل ماتحزن وتكتئب جاوب على هذي الاسئلة والمفروض تكون روتينك اصلا ♥️✨ طبعا اذا تبي حياة صحية جسديا وعقليا ونفسيا ✨