قناة طف الرزايا 🇮🇶 آآآه يا زينب

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده في رثاء النبي الأكرم صلى الله عليه وعلى آله وسلم...تقرأ بعدة اطوار

الليله يا شيعه نعازي فاطمه
حيـل بمـصاب النـبي مـتألمه

*~❁ـــــــــــــــ⇣ৡـــــــــــــــ❁ ~*

راح يـرحل عنـهه قـرآن المبين
كَـلب فـاطم صبح الليـله حزين
تسـجب  الدمـعات  بالآه  وانين
حزنت الاكوان وي عرش السمه

*~❁ـــــــــــــــ⇣ৡـــــــــــــــ❁ ~*

الليله عرش الله حِزَن واعلن حداد
والسـما  الوانـهَه  اتـغـيرَه  ابـسواد
والمـآتم  تنـصب  فـي  كـل  بـلاد
اعيـونـه تهــمل مـدامـعـهه دمـه

*~❁ـــــــــــــــ⇣ৡـــــــــــــــ❁ ~*

الليـله بمصاب النـبي خيـر الـوره
انواسي البضعه الزجـيه الطاهره
ابحـركَه مدمعـهه عل الوالـد جره
على فـراك الأبـو مـا هِي امـعلـمه

*~❁ـــــــــــــــ⇣ৡـــــــــــــــ❁ ~*

لطمو يا شيعه عالراس وصدر
خـل تهـل دمعاتـنه مثـل الجمر
هـذا ابـو الزهـراء وخيـر البشر
حبيـب الله هـو بـاب المـرحـمه

*~❁ـــــــــــــــ⇣ৡـــــــــــــــ❁ ~*

من رحل طه الكون اصبح ظَلام
جاروا اهل الفتن وغيروا احكام
بس اسم اصبح يا ديـن الاسلام
والحـكم  بيـد  الاقـوام  الظالمه

*~❁ـــــــــــــــ⇣ৡـــــــــــــــ❁ ~*

ظلموا الزهره عكب عين الرسول
والصحابه أباب عصروها البتول
ما رعـوا لا حرمـه لا دين واصول
الدار منهه صفت وحشه ومظلمه

*~❁ـــــــــــــــ⇣ৡـــــــــــــــ❁ ~*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده للنبي الاعظم محمد صل الله عليه وآله وسلم
بعنوان(خط ياقلم )...تقرأ بعدة اطوار

خط يا قلم   امصاب وألم
   دمع هل من البتول

هز السمه     حزن فاطمه
من رحل عنهه الرسول

✿────↻✿...✿↺────✿

هالفجيعه هالمصيبه اهــتزت الاركـان ليها
انفجع گـلب الطاهره مــن رحل عنهه أبيها
الكون متگــدر حــــزين مظلمه الدنيا عليها
حزنت الارض وسمه وتبجي الملاك البجيها

لدمع من دمه // حزن فاطمه
مـن رحـل عـنهه الـرسـول

✿────↻✿...✿↺────✿

ابعينهه الدنيا مظلمه وخيم اعليهه الحــــزن
عيونهه اتـهل الــمدامع بالــبجي مـثل المزن
ايعينهه الله الفگد ابوهه بعده مهمومه وتون
انهالت اعليهه الرزايـــــا والمـصايب ام حسن

او متألمه // حزن فاطمه
مـن رحـل عـنهه الـرسـول

✿────↻✿...✿↺────✿

فـوگ فجعتهه بأبوهه امصاب گوم الحاربوها
تـــريد تتعزه المـصابه انــذال مـــــــا خــلوها
بيت للاحزان ســـوت تنــعه يـومـيه ابــــوها
من الدمع ومن البواجــــــي فاطمه ايمنعوها

گوم الظالمه // حزن فاطمه
مـن رحـل عـنهه الـرسـول

✿────↻✿...✿↺────✿

بعـده اينـازع نبينه بـــدت احـقاد آل أميه
من شياطين السقيفه والغــدر اهل الرديه
من بعد ما رحل طه گادوا الحامي الحميه
بالغصب اخــذوا ارثهه بنته فاطمة الزجيه

وبدت ملحمه // حزن فاطمه
مـن رحـل عـنهه الـرسـول

✿────↻✿...✿↺────✿

طلعت  انفاسه الاخيره أبحضن حيدر ولينه
بس اهل بيته جواره لنبي من غمضت عينه
عدد ينعد عالاصابع  لبقوا مـــن صحبة نبينه
باقي اصحابه بسقيفه اغتصبوا حقه العَلِينَه

بحامي الحمه // حزن فاطمه
مـن رحـل عـنهه الـرسـول

✿────↻✿...✿↺────✿

يا قلم خط المصايب الصارت  الآل النبي
من بعد  موتته  الطه الآخر ايــــام السبي
من حرگ  باب  البتول النار  وصلت للعبي
ومن دفع باب الزجيه للمشت ويــه اجنبي

أشجم مظلمه // حزن فاطمه
 مـن رحـل عـنهه الـرسـول

✿────↻✿...✿↺────✿

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده لأستشهاد نبينا نبي الرحمه وخاتم الأنبياء أبا الزهراء محمد صلى الله عليه وآله وسلم
تقرأ بعدة أطوار

ماتَ أو قُتِل
سيـدَ الرُسُـل
آيـه الله گالـهه ابمـحكم كتـابه
شفنه كلشي من غدر الصحابه

   •───✧◐🕊🕊◐✧───•

الحقـيقه ألي بكتـبهم هالكـتب ألنـه تـرويهه
گضـه يـا وسفـه بالسـم هـاي الامـه هاديهه
عصـابه اتحـزمت باحقـاد ولاهـله تعـاديـهه
بعده بضعته الانذال حسافه هجموا اعليهه

بعد أن رحل
سيـدَ الرُسُل
يـا بيـت الطـهر حرگـوها بابـه
شفنه كلشي من غدر الصحابه

   •───✧◐🕊🕊◐✧───•

مو كل الصحابه عدول اكو ألمنحرف بيهم
الـخـالف رسـول الله والعـترتـه ايـعاديـهم
سبب بمصايب الاطهار السقيفه شاهده اعليهم
فـرض مـن الله نلعـنهـم كلمـا يمـر طاريـهـم

القلبُ وَجِل
سيدَ الرُسُل
مـو اصحـاب يا وسفـه ذيـابـه
شفنه كلشي من غدر الصحابه

   •───✧◐🕊🕊◐✧───•

منعو يكتب اكتابه ويمه تنازعوا لصحاب
الگال الرجـل يهـجر وأبـداً للنـبي مـا هاب
الحبيب الله يعوفونه بسقيفه تجتمع الذياب
طـه بعـده اينـازع ونگلـبوا على الأعـقاب

بيهم قد خُذَل
سيـدَ الـرُسُـل
وعافوه النبي ابلحظة مصابه
شفنه كلشي من غدر الصحابه

   •───✧◐🕊🕊◐✧───•

عل الأعقاب انگلبوا لداحي الباب يعادونه
بحقـدهم عالنبي اتجرأوا يا وسفه يسمونه
بحضن حيدر علي الكرار نبينه غمض عيونه
يا گلب الوصـي بمـصاب أبـن عمه يفجعونه 

دنا له الأجل
سيدَ الرُسُل
ظلـت بالـحـزن تنـدب احبـابه
شفنه كلشي من غدر الصحابه

   •───✧◐🕊🕊◐✧───•

مفجوعه البتول او تجري دمعتهه
على والـدها فاطـم تهـل عبرتـهه
وحتى من الحزن الأنذال منعتهه
إغتـصبوا ورثـهه وتـالي عادتـهه

كان لها الأمل
سيـدَ الـرُسُـل
عليـها اتجاوزوا ويـلي ابغيابه
شفنه كلشي من غدر الصحابه

   •───✧◐🕊🕊◐✧───•

رسول الله رحل مظلم صبح الكون
المسجد والكتب ظلن عليّ يبجون
السِوَر وآياتهه لفگد النبي ينوحون
وأهـل بيـته ابهـظم لفـراگه يونون

تبكيه المُقَل
سيدَ الرُسُل
نعـزي فاطـمه ابدمـعه سجابـه
شفنه كلشي من غدر الصحابه

   •───✧◐🕊🕊◐✧───•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

https://youtu.be/QPKbNHwHssk?si=W6KaQTO2iZGeUc8Y


عظم الله اجوركم واحسن لكم العزاء بذكرى استشهاد نبي الرحمه وخير البشر أبا الزهراء محمد صل الله عليه وآله وسلم

فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده حواريه عندما رجعت مولاتنا زينب عليها السلام لمدينة جدها رسول الله صل الله عليه وآله وسلم ولدار اخيها الحسين عليه السلام والتقت بمولاتنا أم البنين عليها السلام...تقرأ بعدة اطوار

اتلاگن بدمعه او ونين
زيـنـب أو أم الـبـنـيـن
اتصيـح يـا خويه الگمر
اترد عليها ابني الحسين

✿✿✿<><><>✿✿✿<><><>✿✿✿

اتلاگـت الحره بالحره من بـعد رحلة مرار
اتگـلهه يـم عباس يمه الــگلب مشتعل نار
خيـام محروگه وسياط تركـت اعلينه آثار
من وگع كفال خدري اتشمتت بينه الشرار

طاح كافـــــل خيته
هـدم حيلي بروحته
ابو فاضــل الحـنين
زينب  أو أم البنين

✿✿✿<><><>✿✿✿<><><>✿✿✿

جاوبتـهه أم البنين اخـاف ولـدي قصـروا
بالفـدا  والتضـحيات  شي قليـل القدموا
تفرحيـني لـون گـلتي  وذر يمــه اتـوذروا
نبـل ورمـاح وسيـوف كون بيهه اتكطعوا

كــون اتوذروا وذر
حتـى بيهـم افتـخر
بيهم امضحيه للدين
زينـب  أو أم البنـين

✿✿✿<><><>✿✿✿<><><>✿✿✿

شرد اسولفـلـج ييمه عـــــن أخُــوتِي الأربـعه
ليـوث صالـوا بالطفوف الــــراس بيـهم ارفعه
اشبول حماي الحمه الـــروس منــهه امگـطعه
الزاد حزني وهدم حيلي الطاح فوگ المشرعه

بـعد  عباس  الگـــمر
ننسبي ونمشي بيسر
الوفه گطعوله جفين
زينـب  أو أم الـبنـين

✿✿✿<><><>✿✿✿<><><>✿✿✿

هيـن أفــگد الاربـعه فـدا العـــين الغـالي
خـلي اولادي تـروح احسين بــس يبـقالي
گلـت يكفيـني ابــو اليمه ليه هــو الــوالي
ما ضهدني موت ولدي حسين هدم حالي

يصرخ بروحي الالم
سوري العالي انهدم
انجسم دلالي نصين
زينـب  أو أم البـنين

✿✿✿<><><>✿✿✿<><><>✿✿✿

يمه من طاح الكفيل احسين شاط اعله النهر
رجـع  يتعـثر  ابجدمه للــخيم  محــني  الظهر
بين عدوانه وحيد من طــاح حـــــزوله  النحر
ابغـير كافلــهه الفــواطم انسبن وراحـــن أسر

گيدوهن  بالحـبــل
ركبوهن عل الهـزل
أبسهم طفوا العيـن
زينـب  أو أم البنين

✿✿✿<><><>✿✿✿<><><>✿✿✿

صاحت ام عباس يبني حسين يالهدمت حيلي
زينب تـجاوبهه يـمــه الــهـدم حـــيلي كفيــلي
ردت بس حسين ســالم شوفـته اتـفرح دليلي
فگد أخُوتي وي الگمر ما نمت مـــن يومه ليلي

من جمر دمع اليهل
اثنينهن ينعن الاهل
يحجن ابگلب الحزين
زيـنب  أو أم البـنيـن

✿✿✿<><><>✿✿✿<><><>✿✿✿

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده حواريه لمولاتي أم البنين عليها السلام عندما سمعت الناعي بشر وخرجت أليه مهروله... تقرأ بطور الرجالي الثگيل وبعدة اطوار

الحره من سمعت بشر
طلعـت  ابهـمهه اتـعثر

تنشده بدمع السجيب
گلـــي  أخبار  الحبيب
جــــن اعلومك ما تسر

━━࿇✿➻❥━✥◈✥━━࿇✿➻

بساعة السمعت الناعي گامت ابهمه ارگضت
روحـهه ويـه الگـلب  اتسابـگـن مـن اطلـعت
وگفـت اگبـاله البشر  ابدمـع يـجري نـاشدت
گلي شخبار لحسين  روحي بغيابه اتمرمرت

جمـر ابگلبـي لهيب
گلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

انتي منهو التنشديني بهظم عينج دامعه
بألـم وبحـرگـة گلب او بالهـجـر متـلوعـه
تـگـله آنـه أم البنـين  گلبـي لا لا تشـلـعـه
گـلهـه عـظم الله اجـرج   بالبـنين الأربعه

ما ألي بيهم نصيب
گـلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

أنهـدل المـتن منـهه  او ونـت بأنـة حنين
تگله جاوبني سؤالي  مسألت اعـله البنين
اربـع ابنيـني فـدا  كون بس سالم احسين
عذبـت حـالي يـناعي  گلي عن گـرة العين

يخنك بگلبي النحيب
گــلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

شلون احجـيلج يحـره اشلون اسولف هالخبر
صاح عظم الله اجـرج حسين گطـعوله النـحر
ضامي من ذبحوا وريده جروح ينزف كل كتر
وبـالـخـيول الاعـوجـيه  جسمـه مـتـوذر وذر

عاري عالغبره سليب
گـلي  اخبار  الحبيب
جن اعلومك ما تسر

━━࿇✿➻❥━✥◈✥━━࿇✿➻

إنحِـنَت وبحـزن صاحت آه يـمه حسين يبني
ايهـون فـگد الاربعه وفگدك إنتَ ألي ضهدني
إلـك ضحــيت بنـيني اتـردلي سالم هذا ضني
حسيـن يالهدمت حـيلي ما يفل اعليك حزني

جروح فگدك ما تطيب
گـلي  اخبـار  الـحبـيب
جـن اعلومـك مـا تسر

━━࿇✿➻❥━✥◈✥━━࿇✿➻

ريـت ميـته حسيـن يـمه  قـبل لا علـمك يجيني
وكـون من فـارگت وجـهك  ريتهه معميه عيني
آنــه رتــك عيـن والـي وإلـك ضحيـت ابنـيـنـي
بگلبي جرحك يضل ينزف روحي يذبحهه ونيني

بيـك  آمالي  تخيب
گلـي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده كأني بلسان حال مولاتي زينب عليها السلام عندما رجعت لمدينة جدها رسول الله صل الله عليه وآله وسلم ولدار اخيها الحسين عليه السلام...تقرأ بطور المربوعه وبعدة اطوار

وصلت الدارهم والروح نحلانه
انهدم حيلي شفت الدار خلوانه
.
↡✿↡┅┅┅┅✥🖊️✥┅┅┅┅↡✿↡

خلوانـه وتـــون يهـلي منـازلكم
تذوب الروح من انظر اماكنكم
شفت بالدار باقي اثر من عدكم
جنـه يگول ويـن الجانوا اهنانه
.
↡✿↡┅┅┅┅✥🖊️✥┅┅┅┅↡✿↡

احس الدار تنشدني اعله ساكنهه
اسمـع بالـصدى آه وحـزن ونــهـه
اهـل روحي شفـت ظلمه منازلهه
الـجمـر فراگــهم بالگــلب جـوانه
.
↡✿↡┅┅┅┅✥🖊️✥┅┅┅┅↡✿↡

المنازلهم دخلنه والدمع مسفوح
سلمـنه عليـهه بالــهظم والنــوح
خليه اديارهم تلجم الي الجروح
دار حسيـن الگلبي كثرت احزانه
.
↡✿↡┅┅┅┅✥🖊️✥┅┅┅┅↡✿↡

يـــا دار الاهــل برمـاح ترمـيني
من شفتج خليه ومظلمه بعيني
يدار احبـابي تهظمني وتبجيني
يا شوفـة اثـــــرهم حـيل اذانـه
.
↡✿↡┅┅┅┅✥🖊️✥┅┅┅┅↡✿↡

جملني زماني اهموم فوگ اهموم
ويـايه الحزن عايـش يظـل للدوم
عيـوني ما غفـت لا طاوعت للنوم
مـن فـراگ الأهـل بالدمـع سهـرانه
.
↡✿↡┅┅┅┅✥🖊️✥┅┅┅┅↡✿↡

منظر دارهم زيــد ألـــم گــلبي
عيوني بالدمع لـركانـهه تربـــي
لون اعتب عليمن يا هلي عتبي
عليكم لـو على دنيـتي الخوانه
.
↡✿↡┅┅┅┅✥🖊️✥┅┅┅┅↡✿↡

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها السلام ولرجوعها لمدينة جدها رسول الله صل الله عليه وآله وسلم ولدار اخيها الحسين عليه السلام...على طور قصيدة( أدعي يا زينب أمانه ) لخادم المنبر الحسيني المله باسم الكربلائي


رجعت الدار بسلامه
بالحـرم  ويه اليتامه
سلامه ومنجرح من عدهه الحساس
ابفگدهه حسين ويه الـــــگمر عباس

❥━──➸➽❂❥━──➸➽❥❂

رجعت زينب وهمهه ابگبـر الجبال
محنيه الظـــهر منهه الـــدمع همال
وصلت دار اهلهه اتهدمت الحــوال
شافتهه خـــليه وبيهه اثــــــر چتال

للاهل شمت عطرهم
حنت او ونت لاثرهم

يا جــــمر المصيبه للعـظم جـاس
ابفگدهه حسين ويه الگمر عباس

❥━──➸➽❂❥━──➸➽❥❂

هِـــدمَت حيلهه  شافت عليلتهم
بعــدهه باقيه أبأمــــــل رجعتهم
ابحرم واطفال شافتهه ضعينتهم
بس باقي العليل الرجع من عدهم

صاحت ابحزن العليله
ويـــن ابويــه يالعقيله

وين إلـــــي اطلعوا وياج حراس
ابفگدهه حسين ويه الگمر عباس

❥━──➸➽❂❥━──➸➽❥❂

من سمعتهه زينب انهدت وطاحت
جــرت  دمعاتهه  وبــهــظم نــاحت
يــــابت الاخـو شحجيلج وصاحت
كلهه بيوم عاشر إخــــوِتي راحــت

عالتـرب ظلت جثـثهم
بالسبي راحت حرمهم

و مشت عمه الفواطم ويه الارجاس
ابفگــدهه حسين ويه الگـــمر عباس

❥━──➸➽❂❥━──➸➽❥❂

واعدني  الابـو  يـــــرجع  أليه
وبقيت امناطره صبح ومسيه
شلــون ايـروح  العــايف ابنيه
عليله  بــدار مـن عنـــده خليه

ابقه بحزاني او ونيني
حسره ظلت ما يجيني

مـن ودعني گلبي ابموتـته حـاس
ابفگدهه حسين ويه الگمر عباس

❥━──➸➽❂❥━──➸➽❥❂

ابدار حسين ناحن بالهظم كلهن
بالجــدران سال الدمع من ونهن
أجتي بالعزه الـــــحره تشاركهن
أم عـــــباس حامـيهن وكـــافلهن

بحرگه صاحت يبني يحسين
جــــــاوبن  عـباس  الحـنين

غيـور ومرجله وصاحب النوماس
ابفگدهه حسين ويه الگمر عباس

❥━──➸➽❂❥━──➸➽❥❂


الحره وي العقيله اتلاگـن أبـــونه
يزينب الــگـمر أرد  انشــــدج عنه
خـــوفي قصر  اويــــــاكم المجنه
حليبي اعله إخوِتَه وعليه أحرمنه

أخواني يالماكو  مثلهم
والنعم  منــــج  ومنهم
فِـده للخوه عيـن اجفوف ولراس
ابفگدهه حسين ويه الگمر عباس

❥━──➸➽❂❥━──➸➽❥❂


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب

قصيده للاربعين  بعنوان( خويه عباس ) كأني بلسان حال مولاتي زينب عليها السلام تخاطب اخيها وكافل خدرها ابا الفضل العباس عليه السلام بعد عودتها من الأسر الى كربلاء...تقرأ بعدة اطوار


أجيت محروكه عباتي    خويه عباس
والسبي بهذل خواتي     خويه عباس

اكعد اكعد يا كمر 
آنه جيت من اليسر
خويه عباس         خويه عباس

       ༄ ★═━━▒ ━═★༄

خويه جيتك أشتكيلك باليسر يا حال حالي
من بعـد بدر الهواشم مظلـمه اعليه الليـالي
بظهر عاشر مني راحوا أعزاز كلبي والغوالي
وبيـن عدواني وحيـده مـا بقـه ويـاي والـي

عكس وياي الدهر     آنه بت خير البشر
    خويه عباس           خويه عباس

       ༄ ★═━━▒ ━═★༄

خلي اسولفلك يوالي كل عذابي وحيرتي
خويـه مشوني سبيـه من بعـدكم يخـوتي
الشمر يضربني حسافه وهو يحدي ناكتي
افتح عيونك يخويه وشوف صعبه حالتي

أنهض وطر الكبر      شوف جويات الجمر
   خويه عباس         خويه عباس

       ༄ ★═━━▒ ━═★༄

خويه اكعـد شوف حالي حيـل متغيـره تـره
من يوم ما عنكم مشيت وي العده متيسره
ابضـرب وصيـاح خويه وآنه حرمه امخدره
يالنـمت فـوك الشريـعه وتـركتـني امحـيره

ارجعت هسه من اليسر    شوف متني يالكمر
    خويه عباس       خويه عباس

       ༄ ★═━━▒ ━═★༄

جيت يا كافـل خدرنه جيـت اراويك الخدر
أثـر عطـابه بعبـاتي برجـلي جويـات الجـمر
والكلب فايـض حنـينه الخيي عبـاس الكـمر
منجرح ادري إحساسك من مشيت آنه بيسر

كوم يا راعي الفخر    اتمرجل عليه الشمر
      خويه عباس       خويه عباس

       ༄ ★═━━▒ ━═★༄

معذور يلطاحن جفوفك ادري ترهب غيرتك
بـاليـسر مـا هبـط راسي زينـب آنـه خـيتـك
عالهـزل مـن ركبـوني روحـي هـي النـادتـك
غصب عنِي مـن اعـاتـب وأنتـخي بمـروتـك

داروا علينه الكفر    اسياطهم تركت أثر
    خويه عباس       خويه عباس

       ༄ ★═━━▒ ━═★༄

أرجعـت يا خـويه اريـدك تـنهض وبيدك تردني
وكافـي ايـام وليـالي محيـره الوحـدي عفـتـني
خويه يالدكيت صدرك من اطلعت وانت الجبتني
عكـب عينك يبـو فاضل اسياطهم ورمت متني
وعتنيتك للنهر         وآني محنية ظهر     
      خويه عباس        خويه عباس

       ༄ ★═━━▒ ━═★༄

تمت بفضل الله وتوفيق منه

بأقلام خادمات أهل البيت عليهم السلام

✍# أزهار جبار الجياشي
✍# الشاعره والملايه أم علي أفضل الزينبي

غير مبري الذمه من يحذف أسماء الشاعرات أو يغيرها 

        نسألكم الدعاء
والفاتحه لأرواح المؤمنين والمؤمنات وبالخصوص والد الخادمه أزهار جبار الجياشي


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء  ألى كربلاء

قصيده للاربعين عندما رجع ضعن السبايا
تقرأ مربوعه وبعدة أطوار


رجعـنه مـن اليـسر نـزور اهالينه
بحسرات ونياحه ودمع يجوينه

       ᯽┈⊰᯽┈⊰᯽┈⊰᯽┈⊰᯽

مـن كـرب ضعـنه ارواحنـه لابـت
شفـنه كبـورهـم وكـلوبـنه ذابـت
جن شفنه سهم بعين الكمر نابت
تـذكرنه الاعـادي شلـون تسبـينه

       ᯽┈⊰᯽┈⊰᯽┈⊰᯽┈⊰᯽

جـن  شفـنه  شباب  أتحـنه  بخـضابه
وطفـل عطشان سهم الغدر من صابه
وكفيـل  المـا  رجـع  والماي  ما  جابه
طاح عل النهر صوب أخته صد عينه

       ᯽┈⊰᯽┈⊰᯽┈⊰᯽┈⊰᯽

تِـذَكرنَـه الضلوع شلـون سحـكوها
وشـلون  الخيـم  بالـنـار  حـركـوها
الفواطم  تنسبي وبحـبال كيدوها
الشمـر يـا وسفه يحـدي بالضعينه

        ᯽┈⊰᯽┈⊰᯽┈⊰᯽┈⊰᯽

رجعنه من اليسر نشكيلكم الاحوال
تهـد  الحيـل  يهـلي  رفـكة  الجـتال
يـا  صبـر  الاحمـله  ما  تحمله جبال
بعـد ذيـج النـشامـه العـدا تـحديـنه

       ᯽┈⊰᯽┈⊰᯽┈⊰᯽┈⊰᯽

يـم كبـورهـم خـل نـجلب الـونه
ونـرَوِي عطشهم مـن مـدامـعنه
ونـسوي عـزا لـحسين الـمجــنه
وابـو النوماس أنـعتبه بنواعينه

       ᯽┈⊰᯽┈⊰᯽┈⊰᯽┈⊰᯽

شلـون ارجـع الـدار الاهـل مـا بيـها
خليـه ديـارهـم  والـحـزن  غاطيـها
منـازلهـم تبـجيـني مـن اصـد  ليـها
جـانـت مـزهـره بـوجـود اهـاليـنه

       ᯽┈⊰᯽┈⊰᯽┈⊰᯽┈⊰᯽

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده كأني بلسان حال مولاتي زينب عليها السلام
تقرأ بطور البحر الطويل وبعدة أطوار


يا عيني على الاحباب هلي دمعتج هلي
راحوا بعد ميعودون وبشوفج أنا شلي

     ❁•••؛؛؛؛؛؛{{{•⬛•}}}؛؛؛؛؛؛•••❁

رجعـت الكـربله يحسـين وبيـا حال أنه رديـت
بس گبور اشوفنكم يخويه بعيـني من صديت
نـاديت ابگـلب مجمـور اويـاكم ميـته يا ريـت

يخويه من شفت لكبور منظر حيل هدمني

     ❁•••؛؛؛؛؛؛{{{•⬛•}}}؛؛؛؛؛؛•••❁

حاربنـي الوكـت بيكـم وعنـكم فارگاني البين
وبـكـربلـه عفـناكم فـوگ الـتـرب متـوسديـن
جثثكم ظلت اعله الگاع مشينه بيسر مسبيين

ونـار الفـگد للوليـان ظـلت بالـحـشا تسـري

     ❁•••؛؛؛؛؛؛{{{•⬛•}}}؛؛؛؛؛؛•••❁

شلون ارجع يبو لسجاد وعيني تصد منازلكم
وبيـا عيـن آ يـا خـوي خليـه أشوفـهه مـنكـم
شـلي بشوفـهن العـيون اذا بيهـن مشوفـنكم

راح النظـر ويـاكم فگـدكم هـل حنـه ظهري

     ❁•••؛؛؛؛؛؛{{{•⬛•}}}؛؛؛؛؛؛•••❁

لا يـوكف أبـد دمعـج ومـن البـجي لتبـطلين
اريـد وي الدمـع شوفـج ينزل كـون آ يا عين
يا شوف البعد يحله عكبكم يخوتي الطيبين

دمعتي لفگد اهل بيتي تهل شما بقه بعمري

     ❁•••؛؛؛؛؛؛{{{•⬛•}}}؛؛؛؛؛؛•••❁

أريـد أعميـج آ يـا عيـن ولتـشوفيـن منـازلـهـم
خليه من اخوتي لطيبين تذوب الروح فركتهم
شلـي بيـج آ يـا عيـن إذا مـا شـوف النـحـبهـم

جفنج كون لا يغفه ودمعج خل يظل يجري

     ❁•••؛؛؛؛؛؛{{{•⬛•}}}؛؛؛؛؛؛•••❁

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده كأني بلسان حال مولاتي زينب عليها السلام
تقرأ مربوعه وبأطوار اخرى


رجعت الكربله يحسين شفت كبور كدامي
رديت بحرم واطفال أصيحن وين ولياني

     ٭★•••٭★٭•••★٭•••★٭•••★٭

عمـه يا علـي السجـاد دليـني بأبـو اليمـه
أشكيـله هظـم وهمـوم مـن اكعـد أنه يمـه
أحجيله عن الانذال شلون بسوط تضربنه

يهظموني ويشتموني 
وصيحن وين ولياني

     ٭★•••٭★٭•••★٭•••★٭•••★٭

شجـاوب لـون ينـشدني رقـيه ليـش عفتـيها
شكـله ماتـت عل الراس مـن شبكـته بيديها
مصيبه عل المصايب هاي الاختك لفت ليها

رقيـه زيـدت هـمي 
وصيحن وين ولياني

     ٭★•••٭★٭•••★٭•••★٭•••★٭

رجعـت لكربـله يحسين جبـت الراس ويـايه
أخبـرك باليـسر يا خـوي جانـت بيـه سلـوايه
احاجي لراس يبن أمي واشكي هظم دنيايه

رديته الك يا مظلوم 
وصيحن وين ولياني

     ٭★•••٭★٭•••★٭•••★٭•••★٭

يخويه من ادخلت للشام شفنه الناس فرحانه
خـوارج خويـه سمونـه واحنـه الديـن واركانه
احنـه بس حـرم واطفال وعليل ألي بقه ويانه

حرمه اتمحنت بيهم 
وصيحن وين ولياني

      ٭★•••٭★٭•••★٭•••★٭•••★٭

دليني عل الشبان اريد اكعد وحاجيهم
وكلهم باليسر شحال عمتهم وبجيهم
لا خوان لا وليان بس عدوان تحديهم

صفوا نومه عالتربان 
وصيحن وين ولياني

     ٭★•••٭★٭•••★٭•••★٭•••★٭

أخذني للكمر عباس بكافل ضعني دليني
اشلع سهـم البعيـنه واخلي مكانهن عيني
وأرد جفـوفه لزنـوده واكـله كـوم وديـني

نخيته بس صدى يرجع 
وصيـحن ويـن وليـانـي

     ٭★•••٭★٭•••★٭•••★٭•••★٭

صبرج آ يـبت حيدر درس تتعـلمه النـسوان
بطلة الطف يسمونج ويبقه هالاسم عنوان
بهيبة فاطمه أمج خطبتي بمجلس العدوان

أهتـز الـقـصر بيـهم 
وصيحن وين ولياني

    ٭★•••٭★٭•••★٭•••★٭•••★٭

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
آآآه يا زينب
من قصائد عودة موكب الإباء الى كربلاء

قصيده لرجوع مولاتي زينب عليها السلام من الشام الى كربلاء وعزيزة أخيها رقيه عليها السلام ليست معها 😭
تقرأ بطور فزاعي جنوبي وعدة اطوار 


من الشام أجت زينب
رقيه موش وياها

      ▬▬▬▬ ◆ ▬▬▬▬

كومن  وتلكنهه
بفكد الاهل عزنهه
خل نون مثل ونهه
ونبجي مثل مبجاها

      ▬▬▬▬ ◆ ▬▬▬▬

وصلت كربله ونادت
زينبكم  تره  عادت
مصايب باليسر شافت
وتجري دموع عيناها

      ▬▬▬▬ ◆ ▬▬▬▬

جبت الروس يخواني
وجنت اشكيلها احزاني
يبو   الاكبر   تلكاني
وعتبت عله ولياها

      ▬▬▬▬ ◆ ▬▬▬▬

بس  كبور  شافتهم
الحرم هلت مدامعهم
ينشدون عله كافلهم
أتعاتب كمر دنياها

      ▬▬▬▬ ◆ ▬▬▬▬

طاحت فوك كبر حسين
كالتله  ينور  العين
عفتكم عل الثره موذرين
وهسه كبور شفناها

      ▬▬▬▬ ◆ ▬▬▬▬

صوت من الكبر سمعت
رقيه  ليش  ما  ردت
وين  أبنيتي  ظلت
عليه كلف فركاها

      ▬▬▬▬ ◆ ▬▬▬▬

راسك  شاف  حالتهه
فوك  النحر  موتتهه
بارض الشام دفنتهه
وحيده هناك عفناها

      ▬▬▬▬ ◆ ▬▬▬▬

يم كبور اهاليها
تشكي جور اعاديها
تون تنعه غواليها
زينب ياهو عزاها

      ▬▬▬▬ ◆ ▬▬▬▬

سوت الاربعينيه
والدمعات مجريه
نار الكلب مسريه
تبث للاهل شكواها

        ▬▬▬▬ ◆ ▬▬▬▬


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

لبيك يا زينب
الحمد والشكر لله والشكر لمولانا الحسين عليه السلام
متابعيني الاعزاء عظم الله لكم الأجر
وفقنا الله لمسير وزيارة الأربعين وكان لكم نصيب من الزياره نيابه والدعاء واهداء خطوات لكم داعيه الله أن يتقبلها مني ويكتبها لكم
خادمتكم الأصغر شأن والاقل قدر ما بين الخدم
أزهار جبار الجياشي

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين كأني بلسان حال مولاتي زينب عليها السلام تخاطب الناقه التي تحملها لتسرع بها الى كربلاء تقرأ بطور الرجالي الثكيل وبعدة اطوار


يا ناگه سرعي بخطوتج مشتاگه حيل الإخوِتي
يـا نـاگـه لا تـتمـهلي مـخـنـوك گلبـي بلـهـفـتي

جيت ذابحني الحنين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

جنحـان  اتـمنـه  ألـج  وبـيـه  تـطيريـن الـهلي
كلريح كون اسرع بعد اتوَصلِين للطف محملي
اتـنـزليني ما بين أخـوتي حسين ويـاه كافـلي
افـراگـهـم كلـش صعــب  لـو طـال هـو كاتـلي

الگلب ينبض بالونين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

أبحنانج آنه احلفج   بيج مضروب المثل
كلمن ايفارك احبابه او يحن لملاكه الاهل
أنتي يا ناكه الوسيله لشوفة اهلي والامل
الدمع جَرَح اجفوني دِمه يسيل من المُقَل

وهـذا يـوم الأربعـين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

اوياج ريت النوگ تسرع ابعجل نوصل كربله
اتريـد  اتـشوف الغـوالي  ابلهـفه كـل العـايله
تـدري هـاي النـوك تحـمل جـم عزيـزه امـدلله
وانـتي  يـا ناگـه عرفـتي  آنـه بت عقـد الـولـه

أيـام جنـه اميـسريـن
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

الموت اهون عليه من افراگ اهلي الغوالي
حيل صعبه اعليه مرت موحشه كل الليـالي
على  حـالي آ  ينـاگه  الصخـر  حـن وبجالي
ابعيله متمحنه وبغربه حرمه ما وياي والي

دمـع ما بطـلت العين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

كـل دقيـقه تمـر عليـه ايـزيـد شوگي والعـذاب
الغـربـه تسعـر نـار بيـه فـوگـهه فـراگ الـحباب
مدري شحمل من زماني جم جرح وشجم مصاب
كـون يا نـاگه خطـوتج اسرع من الهـوى الهاب

الكربله اوصل الحين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

ارفيـف گلبي حبس انفاسي واحس بيـهن جمر
كون اشوف اخواني هسه بعجل ما عندي صبر
روحـي  متـلهـفـه  علـيهـم  ابـو الاكبـر  والگـمر
واليـفارگ  اهـل  گـلبـه  الشـوفـهم  مـا يـنتظـر

يبقـه مهموم وحزيـن
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين على طور قصيدة (عذبني درب الشام ) لخادم المنبر الحسيني المله باسم الكربلائي


جيـت وجبـت الايتـام
يحسين وعفت الشام

گبرك اگـبالي
هدم احوالي 2
♾️▪️♾️▪️♾️▪️♾️

عفت الاجساد موذره ودمهه يفور
ارجعت هسه وشفت گدامي گبور
اعليكم انشد ابدمـع عيـني المنثور
وين الكفلني او وين العفته منحور

جــاوبني يالسجاد
انت ادفنت الجساد
گبور الغوالي
هدم احوالي 2

♾️▪️♾️▪️♾️▪️♾️

أرد اشتكيـلك عالـــيسر وايـامـه
أختـك غريـبه أمحـيـره باليـتامه
راسـك اگــبالي ابكربـله العـمامه
ابگطعة وريدك طاحت من الهامه

ظلت يم الاجسام
تحرس أثر الخيام
وشمر اليبرالي
هدم احوالي 2

♾️▪️♾️▪️♾️▪️♾️

من يا كتر ابدي الحجي خويه وياك
يـوم المشـيت اميـسره ويـه اعـداك
لـو عـن الشـام ودخلـته المنـظر ذاك
لو عـن ايزيـد وضربـه الـراسك أذاك

رحـلـة حـزن وآلام
بروحي نامت السهام
فگدك يوالي
هدم احوالي 2

♾️▪️♾️▪️♾️▪️♾️

مـن اطلـعت مـن يمكم وروحي تنوح
غصـباً عفـتكم والگـلب مملي اجروح
امشي جسد يمكم بقت خويه الروح
يـا جـرح اخلي وإلـك يا جـرح أبوح

اصعب هاي الجراح
بينـه يحـدي الذباح
حزن الصفالي
هدم احوالي 2

♾️▪️♾️▪️♾️▪️♾️

يـا ريـت شافـت عيـنك الخــرابه
والعيـله گعدت خويه عل الترابه
وتسمع رقيه من اصرخت يا بابه
والراس جابـوه منصبغ بخضـابه

شافـت نحـرك مذبـوح
طلعت من عدهه لروح
دمع اليلالي
هدم احوالي 2
♾️▪️♾️▪️♾️▪️♾️

رديـت يا خـويـه إلـك وشرديـت
ذبلـت اعيوني الكـثر دمـع الهليت
يبجي الصخر يا خويه لون ونيت
ورده إلـك ذبلـت بالخـرابه خلـيت

طفله وغفت عالراس
انگطعت كل الانفاس
راسك يوالي
هدم احوالي 2

♾️▪️♾️▪️♾️▪️♾️


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

قصيده للاربعين بطور الفزاعي الجنوبي وبعدة اطوار


من الشام اجت والعيله وياهه
زينب باللطم خــلي انتلگــاهه

{{{{{{{{{{{{{{{💔﴾}}}}}}}}}}}}}

رجع ضعن السبايا اليوم من الشام
اتلگوه ابعراضه وارفعوا الاعلام
نلطم  عالصدر  خلي نِطَبر الهام
نفدي ارواح لام عون ويتاماهه

{{{{{{{{{{{{{{{💔﴾}}}}}}}}}}}}}

اجتي الكربله بت علي هذا اليوم
اتلگوها واصرخوا ويلي عالمظلوم
خل ننحب اوياهه نهل دمع ادموم
ونعزي  العقيله  ابفگد  ولياهه

{{{{{{{{{{{{{{{💔﴾}}}}}}}}}}}}}

ويه العيله أجت مكسورة الخاطر
من ضيم اليسر جــور العساكر
مو جادر عزه ننصب جــــوادر
كون عيون نبجي المبجاهه

{{{{{{{{{{{{{{{💔﴾}}}}}}}}}}}}}

نلاگيهه ونلطم حـيل عالوليان
اعله هلهله وياهه نبجي ولدمع نهران
نصيح بصوت يحسين وگمر عدنان
الله  ابعونهه  اليسر  أذاهه

{{{{{{{{{{{{{{{💔﴾}}}}}}}}}}}}}

اذاهه اليسر كل حـيل ما بيهه
محنية ظهر جـــتي لهـــاليــهه
بجويات الجمر متأذيه رجليهه
متگبعه ابحزن الدهر خـلاهه

{{{{{{{{{{{{{{{💔﴾}}}}}}}}}}}}}

يم اگبور اهلهله اتصير لطـميه
نـــواسيهه ابــيوم الاربعــينيه
نصرخ بالطفوف الصرخه شيعيه
نقسم بالكفيل الاخته نفداهه

{{{{{{{{{{{{{{{💔﴾}}}}}}}}}}}}}


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

من قصائد رجوع موكب الإباء الى كربلاء

نعي للاربعين ابوذيه + مجاريد

الدنيـا اطش عليـه الحزن ولماي
شفـت اگـــبورهـم وزداد ولمـاي
على المذبوح وينه انشدت ولماي
المـشـه عباس إلـه ومـا رجـع ليه


نعي المجاريد

من درب الـرزايـا الكربـله جيـت
لحـباب الگـــلب هاليـوم رديـت
اشوف اهل الحميه شگد تمنيت

❀❀❀❀❀❀➠❀❀❀❀❀❀

امشي بالدرب يهلي وظنكم
تتلگــوهه من توصل اختكم
تالي  اگـبور ولياني شفـتكم

❀❀❀❀❀❀➠❀❀❀❀❀❀

شفت اگبوركم ولطمت عالراس
محنيـة ظهـر گــوه اجـر النفاس
هـا يحسين صحت وهـا يعـباس

❀❀❀❀❀❀➠❀❀❀❀❀❀

جبــت الـعايلـه يـحسيـن ويــاي
اجيتك يبن ابويه همومي اهواي
اريد اشكي لجرالي برفجة اعداي

❀❀❀❀❀❀➠❀❀❀❀❀❀

يحسيـن اجيـتك بعد الغيـاب
شفت الگبر خويه الگلب ذاب
ذبيـت  روحـــي  فوگ التراب

❀❀❀❀❀❀➠❀❀❀❀❀❀

احظنت تراب گبرك خويه يحسين
اجيـت وگـلت يتلگـانـي الـحنـين
شفـتك بالـگــبــر زيـدت الونـين

❀❀❀❀❀❀➠❀❀❀❀❀❀


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد رجوع موكب الإباء الى كربلاء

قصيده كاني بلسان حال مولاتي زينب عليها السلام بعد ما ودعوا رقيه عليها السلام وبطريقهم لكربلاء...تقرأ بطور الرجالي الثكيل وبعدة اطوار


بــــألم وبـدمعات ودعناهه
من رجعنه الكربله وعفناهه

ــــــــــــــــــ❀•▣▣•❀ـــــــــــــــــــ

حيل صعبه انعوفهه بديرة غرب
ابحالة التوديع ظل يبجي الگلب
طفله بين اغراب تبقه شگد صعب
امودعه الله ارقيه نــــاديناهه

ــــــــــــــــــ❀•▣▣•❀ـــــــــــــــــــ

زيـــدت همنه رقـيه والمصاب
على الراس وماتت بديرة اغراب
اتحملت لوعات وانواع العذاب
اشكثر شافت جور من دنياهه

ــــــــــــــــــ❀•▣▣•❀ـــــــــــــــــــ

ابد ما هجعت ولا بطلت ونيــن
بقت تنشد عــن ابوها راح وين
شكثر هظموها بعد عين الحنين
ايدهـــه اصـــغار وحــبل أذاهه

ــــــــــــــــــ❀•▣▣•❀ـــــــــــــــــــ

مثل ورده وذبلت ابدرب اليسر
بالخرابه اونينهه ايفسر الصخر
ابــلزمة الــراس المنيه تنــتظر
آخــــر انفاس اطلعت شفناهه

ــــــــــــــــــ❀•▣▣•❀ـــــــــــــــــــ

صعبه مـو هينه نخليها ونروح
جملتني اهموم هالطفله وجروح
ودعتهه بونه وبحسره ونــوح
لـــــو بديه جــت اظــل وياهه

ــــــــــــــــــ❀•▣▣•❀ـــــــــــــــــــ

من عفتهه اهمومي ثكلت خطوتي
امشي محنية ظــــهر  يا حـــالتي
صرخ گلبي اشلون اعوف ابنيتي
وارجــع الطف كــــربله بلياهـــه

ــــــــــــــــــ❀•▣▣•❀ـــــــــــــــــــ


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
من قصائد رجوع موكب الإباء الى كربلاء

قصيده كاني بلسان حال مولاتنا زينب عليها السلام تخاطب ابن اخيها علي السجاد عليه السلام لوداع رقيه عليها السلام يوم الرجوع
تقرأ بعدة اطوار


يا علي السجاد خلي انشوفهه
اختك رقيه اليوم عمه انعوفهه

اوحيده تبقه وبگبر
ابغربه وصغيرة عمر
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

عمه بيه وجع يلجملي الجروح
اشلون ويانه رقيه ما تروح
جني اسمعهه تحاجيني وتنوح

لا تخلوني ابغرب
الوَحَدي تحت الترب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥

ارد احــاجيهه بــكلمات الـصبر
الخوف بلكي يروح منهه والذعر
حايـره يــا عمه وبـيش اعتذر
ابيش أنه احاجيهه
وشنهــو اليــهديهه
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

يا علي حاجيهه بلـكت تطمَئِن
ايسير هــذا اليوم لازم الضعن
من بعــد كربله نرجع للـــوطن

ترد هاي العايله
بالهموم امحمله
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

شلون حيره لو وصلت الكربله
وشاف اخوي حسين كل العايله
ناقــصه بالضعن وحده امدلله

لو سأل شنطي جواب
ظلت ابديرة اجناب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

يا رقـــيه عمه ادري تسمعيني
للگبر جينه أنودعج نظر عيني
هـنا نعـــوفج يا رقيه اعذريني

اعلينه هالموقف صعب
نعوفج ابديرة غرب
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

راح اعوفج فتره وارجعلج بعد
عمــه بارض الشام ابــقه للابد
الـــج مني ارقيه يا عمه وعــد

اظل بالغربه وياج
آنه ابگبرج ارعاج
عمه راح ابقه احس ابخوفهه

❥✿•┈┈┈• • °{} • •┈┈┈•✿❥ 

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://t.center/azhar979