قيام الليل ودموع صادقة كافية تغير كل أقداري.. بتقول توصل للي ٩٧ حتي يعني أخرى ٩٥ دعيت في كل وقت إنه ربنا يستجيب دعوتي ويحقق مطلبي بإني اجيب ٩٩ رغم انه كل الأسباب بتقول لا، بس انا كنت بدعي بيقين وافاجأ ان بصدر قرار من المؤسسة التعليمية بتغيير حسبة المعدل وكان الفصل الأول حسبته قليلة وقتها كنت طايرة من الفرحة وفعلا جبت ٩٩ اخر السنة والاولي علي المدرسة، وكان عندي امتحانات مطلوبة بمعدلات معينه علشان أدخل الجامعة فدعيت ربنا بالرقم اللي انا عايزاه في كل مادة والله مقليتش عنه بل جبته بالظبط، ودخلت كليه الطب صحيح حياتي بعدها ممشتش اوي زي مانفسي لانه جالي اكتئاب بس الدعاء برضو طلعني منه، قيام الليل ودموع صادقة كافية تغير كل أقداري، ودايما بقول الحمد لله نعم الرب ربنا والله، بقيت اركز علي آخرتي مع دنيتي، ماهو مش كل حاجه دنيا دنيا وربنا وفقني ولبست النقاب وبطلت ذنوب كتير صحيح اه برجع ساعات بس بتدارك نفسي ورحمة ربنا فوقي وهتشملني وهتشملكم بإذن الله.. أخضرية القلب غفر الله لها ولوالديها..💚