هوالحق
تقدیم به دوست بزرگوارم، شاعر توانا
#حسین سنجیده (نجات)
✍ #سعید_سلیمانپورسنجیده قوربانام سندهکی آدا
بو گئجه من سنی سالمیشام یادا
دمین ایستی شاعر که ائل اوبادا
اورهگلرده گزیر ایستی نفسین
اوخورسان بیزلره سئوگی نغمهسین
*
دورولوقدا طبعین بنزیر زمزمه
یئنهده شعرییین ائیله زمزمه
دور کیشی آیاغا، فیلیم بزهمه!
ناخوشلوق آدیلا یاتیبسان جانیم
تا بیرآز نازییین چکه حاج خانیم!
😊*
بختیمه دئییبلر: یات آی بالا یات!
آی نجات! شعر اوخو بختیمی اویات!
نیسگیللی کونلومو غمدن وئر نجات!
قولاغ وئرسه اگر بختیم سؤزوین
سؤزوم یوخ، وئرمهسه گؤتو اؤزوین!
**
سنجیده، قلمین شیریندیر شیرین
بو شیرین قلمه مینلر آفرین!
روحومی تزهلیر، تزه دفترین
عطر آلیب سوزوندن گول-چیچیکلی یاز
بولبولون نامهسین سن گوللره یاز
98/9/28 / ارومیه
@arturmia