🙏❤️ سلامیمی یئتیرین
منیم سلامیمی یئللر اؤجاقلارا یئتیرین
گلنمیرم بویاخیندان اوزاقلارا یئتیرین
باهارگلیبدی نه فایدا چیخانمیریق باییرا
بونو چیخان چیچه یه،قؤل بوداقلارا یئتیرین
واراقلاماق نه گوزلدیرطبیعتین کیتابین
منیم بوحسرتیمی او واراقلارا یئتیرین
بیزه آچیبدی قوجاغین بوتون گوزللیکلر
سلامیمی بو آچیلمیش قوجاقلارا یئتیرین
سیزین کیمی دورولوب منده آخماق ایسته ییرم
بوآرزیمی او دورولموش بولاقلارا یئتیرین
چالانمادیق غلبه آنجاق آرزی زیروه سینه
چالانمادیق، بوآغیردردی داغلارا یئتیرین
بو ایل بیزی
#کرونا حسرت ائتدی سیزدَهه ده
بونو چؤله، گوله، گولزارا، باغلارا یئتیرین
کرونانین بئلینی ائوده قالما سیندیراجاق
اسین بونو یاساق اولموش قوناقلارا یئتیرین
یئنه کوچه باجامیز های کوی ایله جان تاپاجاق
بو مژده نی آپارین تئز اوشاقلارا یئتیرین
✍ #حمید_واحدی - ارومیه
@arturmia