الشباب في العلاقات الغير شرعية يبحثوا على اللي عندها تأثير عالِ "جريئة، سليطة اللسان، قليلة الحياء، تفتقد للخجل".. هو يبحث على يلي تأثيرها واضح خارجياً لإن حاب يشبع بيها خياله ورغباته وتكون مُطعية ليه مش لإن راجل ومسؤول عليها، لإن يبيها تكون موجودة في وقت فراغه بس، لإن يبي يدوي وينشغل بأي حاجة، الراجل المُتزن مش حيختار الأ بنت متزنه محافظه على نفسها، حاب عفتها وإحترامها وهذا قادر ياثر فيه ويشوفها زوجة وأم صالحة، ويكون واثق أن الجانب المغري منها حيكون بينهم في دار النوم لا غير، وبعد الفاتحة وعقد القران.. غير ذلك الله أعلم شن قاعدة توهمي في روحك معا اللي قاعد يستنزف فيكِ وواخد منك إحترامك لصالحه ويبيك تكوني سد للفراغ وللشهوات..!! هل تقبلي ذلك؟ أعتقد الاجابة "لا" والأنثى المتشافية هي اللي قادرة تحط حدود لإني مُدركة أن كمية الصدمات والإحتياج العاطفي والواقع المؤلم، والكثير غيرهم، هاذم اللي أنتِ معرفتيش تتعاملي معاهم، يخلوك ترضي وتنجسمي مع علاقات ليس لها أي قيمة وتكوني الطرف اللي ظالم لنفسه، في كُل الحالات أدعوك لي مسامحة نفسك وأن تبدي من أول وجديد وفي كُل لحضة إنتِ قادرة تكوني أخترتي قرار جديد بس ممكن تتراجعي صح لكن لازم تحاولي لإن الأساس ضروري يكون قوى جدًا.. ومن هذا المنطلق يعني ضروري تشتغلي على نفسك وتفهمي العلاقات ولعبتها والمخادع والمنافق وللي قاعد يظلم ويهين فيكِ ومازال تعتقدي إنك تحبيه !! عارفة أن الكلام قاسي جدًا وجارح وأن لي أول مرة كلاماتي ما تكونش لطيفة ومرهفة ولكن ما يكتب بحُب وإدراك يصل للإخرين كذلك.