مِـشّـآعَرَ راقية

لاتحتري من بارد الحيل هقوات
تبطي الهقاوي ماتجي محتريها

هيهات انا اقنط من الهي وهيهات
ارجي سواه امن البشر وارتجيها

مير الجواد اللي شكا كثر كبوات
وده عصا موسى معه يرتكيها

بين المشاوير وكثرة الالتزامات
حتى تواير موتري تشتكيها

من مدت الداني وياخس مدات
لامدها طول العمر ما نسيها


تقضي سنينك في تعدد رفاقات
في كل بلد فيها زماله تجيها

مهما تحاول او تكون علاقات
يصفى ثلاثه اربعه تعتزيها

يالله تساعدني ف رد الجمالات
في وقت يحتاج الجماله ذوييها

ياجفني الساهر وياقلبي الحساس
والقلب من زود همه ساهرن جفني

الناس تجني وتحصد زرعها فالناس
كلن حسب ما زرع في غيره ابيجني

بعض العرب ليت لي من شوفته حراس
من واسع الحنجره تحمي وتحرسني

ماني بكامل ولاني قدوة و مقياس
الكامل الله وهو وحده يقايسني

قل للذي جابلي مبنى بدون اسواس
ماني من اللي يصدق كل مايبني

إذني ليا صابها في سمعها وسواس
اناطح الوسوسه ماترتخي إذني

لو ناسب الناس واحد عالبشر جساس
جساس الاخبار انا ماهو مناسبني

في كفوف المقدّر طاح حظ الاماني
يازمان العجايب نطلب الله معونه

الزلايب تهنّا والذيابه تعاني
الكفو يكرهونه والردي يمدحونه

اواجه اصعب ظروف الوقت و اتعابه
وارفع لها همتي وارفع لها كمي


مهما يكشر زمان الهم ب انيابه
ماهبت نابه وانا عندي بني عمي

والمنافق ياعسى الله مايخلي له بقايا
كنه االقطران دمه ماتصفيه الفلاتر

انخدعنا بالمظاهر كم غدا منا ضحايا
فعلهم هو لي فضحهم يوم ربي كان ساتر

ليت بالدنيا مغاسل للصدور وللنوايا
مثل مافيها مغاسل للملابس والمواتر

لي ثلاث اعوام في صدري رساله
ما تُوَصِّفها حروفن ابجديه

مثل مظلومن بغا حكم العداله
وانقلب ضده قضا حكم القضيه

مثل عودن ما يطيعونه عياله
الفقر يغشاه و عياله غنيه

مارضى يدعي عليهم بالازاله
امتنع يدعي حنان وعاطفيه

مثل تاجر راح منه راس ماله
كان يكرم من يجي والدار حيه

جارت الدنيا شكا من جور حاله
هاجروا داره مجالسها خليه

تمسك في سلا اللحظه تراباكر
يجي وتقول ياقهري على الماضي

توكل عالقوي وقت الهوا العاكر
وخلك دوم بكتاب القضا راضي

قلت ارحبوا يالهوا الغربي
لاقد هزل بالعرق نحرك

حب الهوا لاعبر جنبي
نسنس محمل معه عطرك

اكبر قهر لحتاج من سد حاجه
عني وانا عيت ظروفي تسده

عجيب امر الغثا لاصاب صدري
يضيع الهاجس اللي كنت احبه

وليش الضيق ذا والله مدري
عجايب ضيقتي من دون سبّه

بعض القصايد مالها اي تبرير
تاتي بلا سجه ومن دون هوجاس

متبعثره تاتي كذا دون تفكير
لا عاطفه فيها ولاتوجع الراس

احيان تبهت مثل بهت الطباشير
واحيان تتفرعن على كل قرطاس

راحت ايام الهواجس وانطوى حب القصيد
واختفى من وسط راسي الف مجراء للشعور

يا سقى الله يوم حرفي كان مثل ابن الوليد
في فيافي كل جـــبهه يجـــعل الــدنيا تفور

ما بقاء للـــيوم الا حـــرف من هــمي وحيد
شاخ في وسط الحناياء يرتجف فوق السطور

حرف خايــــن للمــــحبه نذل متخاذل بليد
حرف في ابسط مهمه يختفي خلف الحضور

حـــرف كاره للــــقوافي كُره من قلبه شديد
غاب عـــن رادار فكري واختفى عدت شهور

وبعدما ضنـــيت يرجع يحيي المجد التليد
عاد له عـــينين عمــيا بـــل وله اذنين دوور

ما يشــرف فــي حضوره او به احد يستفيد
ب اعــلن اللـيله وفــاته وادفنه ب اخر ضهور

#الملك

‏جعلني م اطيح فـ اللي م يقدر جاهي
‏وجعل راسي م يطيح إلا لرحمة ربي .

واختاره صح لسانك

هو المرهم هو البلسم علاج الروح والتخدير
هو الضحكه هو الفرحه امان القلب واسراره

تبارك من تفنن في جــــماله وابدع التصوير
ويهناء قلبي اللي باع هذا الكون واختـــاره

#الملك

انا محتار كــــيف اوصف جماله واوجز التعبير
من اين ابداء وكيف انهي وعقلي حارت افكاره
#الملك

جــماله. معجــزه ربانيــه تتـــحتاج للتــفسير
وحسنه حسن ما مثله بتصـــميمه ومقـــداره

#الملك

عليك الله يا مـــرهق احاســــيسي من التفكير
ويا وجه انعكس في الشمس حسن الخد وانواره

#الملك

كلما شديت عزمي شدة الضيقه علي
ضاق صدري والفضا ماعاد يقدر يوسعه

كل خيبه مقنعه تقتل امل قد كان حي
بعد مامات الامل خيبتك تصبح مقنعه

كل خطوة موجعه تهدم بقايا كل شي
كل شي فيني تهدم... كل خطوة موجعه

كن اذني دون سمع وكن عيني دون ضي
لافرح يلمع واشوفه لا خبر زين اسمعه

ياصاح ضرب النار للجيد تهييج
صوت القوارح يطرب الراس لاهاج

كلن تجهز يدبج الارض تدبيج
واللي تعذر يطبع الوجه مكياج