قالو لو لقيت الارض البتسد جوعك ارقد وغز كوعك😂قبل كم سنة بالتحديد اتعرفت علي واحده قيافة كده وابوها وزير🙂اها زولتي دي عندها كل اسبوع قعدة بتعملها وبتعزم كل اصحابها طبعا كلهم طبقة برجوازية ما عد انا😂 وبكون ظاهر في وسطهم بس ما مشكلة المهم البابور العامل القعدة دا حقي😂طبعا القعدة كل مره في محل شي عبود ومره القرند ومره الفلة بارك وغيرو❤والصراحة مستمتع من الخروجات دي لانو بملا فيها بطني واهم شي عندي بطني دي😅اها اخر مره بعد القعدة خلصت قامت زولتي قالت لي عبدو القعدة الجاية علي ذوقك يا بيبي 🥰واصحابها كلهم وبي صوت واحد قالو ااااي ااي😅قالو التور ان وقع بتكتر سكاكينو وانا سموني الوقعته😂قلت ليهم خلاص ورجعت البيت ومحتار في محل القعدة🤔في الاخر قلت عيال الذين ديل اعزمهم طعمية في محل حمد لي الطعمية عشان اندمهم علي القعدات زاتو😅طبعا حمد دا عندو كشك صغيرون كده بعمل فيو طعمية لو ادوك قروش ما بتاكل عندو😂 وفي اليوم المحدد جات زولتي والشلة حقتها 🤗اها في واحده كده مكشوفت حال قالت لي عبدو دا شنو المحل اللوكال دا 😂 قلت ليها انتي شفتي حاجه بعد تجيك الطعمية بتعرفي اللوكال دا😂 قالت لي قلت شنو قلت ليها لالا ولا حاجه يلا اقعدي عشان اجيب الاكل🙈 وانت يا حمد شيل طعميطك المعموله بي حب دي وتعال وزعها علي اولاد الوزراء ديل وطبعا حمد يقصر الملح ما صدق اليوم داك جاء وزع طعميتو دي 😂 اها القعدة خلصت وكل الناس رجعت 🤗 اها قلت اتصل اشوف زولتي دي كيف لقيت تلفونها بديني توووت تووت اكيد م حظر بيكون من الشبكة 😅 قلت خلاص اخش القروب اشوفها فتحت الواتس لقيت كاتبين لي لقد تمة حظرك من هذا القروب للأبد💔 يلا احسن زاتو بلا عيال وزراء بلا فقر😂 المهم يا جماعة حاليا قاعدين نعمل إعلان لي محل حمد لي الطعمية ياريت تشرفونا وشكرا💔😂😂 #عبدو #طبخاتنا_السودانية