عــبق الرياحين💞

عايزه تاجر يكون في عطبره ببيع دفايات جودته كويسه شديييد بسعر مناسب عايزه بى الجمله لعمل تطوعي ❤️لو زول بعرف او زول هنا يتفضل يدخل لي خاص اوريهو التفاصيل

@Nasobto

السلام عليكم ورحمة الله وبركاته عندنا مبادره بإسم ولايات الشماليه حاتمشي لصالح ناس الجزيره فلو في زول عايز ينضمه يتفضل خاص ارسل ليهو رابط القروب


او ألقى زول يوصلني بربطه أبناء الشمال بالخارج أكون ممتنه جدا😭💙والمبادره تخصني أنا شخصيا💙ياريت تساعدو معانه



@Nasobto


#Nosiba

أنّ تمنحني ‏البصيرةَ ‏لأرى الأشياءَ ‏كلَّها ‏كما تُريدني أن أراها ؛ ‏بشكلها الحقيقيّ ‏لا مثلما يُريدها قلبي .

تم💙

شيروا❤️

بسم الله  الرحمن الرحيم( مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِئَةُ حَبَّةٍ وَاللهُ يُضَاعِفُ لِـمَنْ يَشَاءُ وَاللهُ وَاسِعٌ عَلِيمٌ)

#السلام عليكم
نحن طلاب جامعة المناقل للعلوم و التكنولوجيا الدفعه السادسه تمريض
عندنا مبادرة صغيره من الدفعه الى طلابها اللي عانو من الحرب والتشرد وأصبح من الصعب عليهم سداد الرسوم الدراسيه المطلوبه لى أسباب خاصه.... عايزين نتكاتف يد واحده نعمل البنقدر عليوو عشان نساعدهم اكملوو دراستهم رغم الظروف
محتاجين  نجمع630 الف جنيه
اوعى تكسلوو من عمل الخير شيرو ع اوسع نطاق اتخيل طالب واقف بينه و بين مستقبله مبلغ مالي!!!!💔
لو علم المتصدق حق العلم وتصور أن صدقته تقع في يد الله قبل يد العبد، لكانت لذة المعطي أكبر من لذة الآخذ🔥💛
بنكك
3406446
بإسم ضحى عبد القادر
تحويل رصيد 0113139136
إرسال الاشعار 0124365450
أو 0113139136

ذهبت السبع العجاف
(2017 - 2024)
وبدأت سبع سنبلات خُضرْ بأذن الله ... تفائلوا ♡゙.

ليست المشكلة في الأيام التي ضاعت
إنما المشكلة في الأيام القادمه التي ستضيع
إذا استقبلتها بنفس العقليه


لقائله.

من لايفهم النبرة لايفهم الشرح الطويل .

يحتاج الانسان إلى مخبأ كلما اسرف في الظهور عاد إليه  مُنفرداً .

ال

دراسة عملتها جامعة ويسكونسكن في أمريكا، على 88 زوج من الأصدقاء الشباب، يعني 88 شاب وصديقته!، وفصلوا الرجال عن صديقاتهم، وسؤال كل واحد فيهم عن مشاعرو العاطفية اتجاه صديقه من الجنس التاني المُشارِك في نفس الدراسة!، والنتيجة كانت إنو الرجال كانوا أكتر إنجذاباً لصديقاتهم، وكانوا أكتر إستعداداً إنو يحوِّلو علاقة الصداقة، لعلاقة رومانسية، وطبعاً جنسية!
مُش كدا وبس!، كانوا فاكرين إنهم صديقاتهم ببادلوهم نفس الشعور!، وطبعاً ثَبَت إنو دا وَهَم، وإنو البنات ما كانوا عارفين بإنجذاب أصدقائهم الرجال ليهم، و دا نفس الأكَّدَتُو دراسة تانية، عملتها الجامعة النرويجية للعلوم والتكنولوجيا سنة 2014،على 308 راجل وبت،بين سن 18 و 30 سنة!، وقبل دا كلو، في دراسة عملتها جامعة شمال انلوي سنة 2009،واتوصَّلَت لنفسِ النتائج!..
دا غير دراسة عملها باحث في هارفاد على 249 حالة، العاوز يقرأ الدراسات بالتفصيل، ح يلقى الدراسات تحت الكلام دا،و روابط الأخبار الإتكتبت عنها في الصحافة، والمواقِع الغربية..

بعد كل العرفناه دا، كدي نحاول نركِّز إنو الكلام الجاي دا، ما مُوجَّه للسلفيين ولا للمشايخ، ولا كل المسلمين!
والموضوع دا اتعرض من نظرة غربية بحتة، ما عشان نقول إنو الغرب أفضل من الإسلام، لكن عشان الناس تصحصح شوية من الإنهزامية، وتعرف إنو في ناس متقدّمة، ما بتخجل تقول حاجات زي دي، وبتناقشها مجتمعياً، وبتثبتها علمياً، زي ما عرفنا فوق..

ونحن بنتحرِج نقولها، وهي من ديننا لمُجرَّد إنو ديل (الغرب)، بيختونا في محل الدفاع، ويحسِّسُونا إننا مُتَخَلِّفِين، ومُتطرِّفين!
يلا هاه قولوا على أمريكا مُتَخلِّفِة!!

حبيبنا صلى الله عليه وسلم قال :"ما خَلَا رَجُلٌ بامرأة، إلَّا وكان الشَّيطان ثالثهما"!

{زُيِّن للنَّاسِ حُبُّ الشَهَوَاتِ مِنَ النِّساءِ والبَنِينَ والقَناطِيرِ المُقَنطَرَةِ مِن الذَّهَبِ والفِضَّة والخَيلِ المُسَوَّمَةِ والأَنعامِ والحَرْث. ذلِكَ مَتَاعُ الحَياةِ الدُّنيا واللهُ عِندَهُ حُسنُ المئآب}

فمافي حاجة إسمها أنا ما عندي صحبات، وما بثق في البنات لأنهم خذلوني كتير، والأولاد بهتموا بي، والكلام دا كلو مجرد وهم،، وهم،وهم.. انتي لو شايفة إنو ما عندك صحبة كويسة، يبقى تجتهدي تكوني انتي الصحبة الكويسة، وكما قيل يعني:
"كُن التغيير الذي تحب أن تراهُ في العالَم"
فموضوع الصحبة دا غلط فادح جداً، و لو معتبراه بي حجة أنا ماف زول يفهمني ولا حتى ناس البيت، علاقتهم معاي سيئة، وما أدري إيش و... إلخ،دا برضو أحب أقول ليك وهم..
أقفلي تلفونك حبة، وأقعدي معاهم، ودا كلو ما ح يبقى ليك مُبرِّر بعدين لما ربنا يسألك، ليه انتهكتي حرماتي؟؟
ح تبقي تقولي ليو شنو؟

كونك بتعمل غلط، لازم تعترف، وتجتهد تبطلو، بس ما تتمادى وتصنع لي نفسك أعذار من مافي، دا كلو ح يكون ضدك في النهاية.. وإني قد بلغت، اللهمّ فاشهَد..❤️

واللهُمَّ أبو راشِد عاجلًا،وارزقنا سكنًا أبديًا في مكّة.❤

ممكن نكون أصحاب؟

واحد من الدُّعاة المعروفين، كان بيتكلم عن موضوع الصداقة بين الجنسين،وذكر سؤالين مهمين جداً في بداية كلامو، وقال :
-فيها شنو لما الرجل والمرأة يبقوا أصحاب، ويتعاملوا مع بعض بإحترام من غير شهوة؟
-وليه الشيطان دائماً حاضر في تفكيرنا ونحن بنتكلم عن العلاقة بين الرجل والمرأة؟

في عام 1989 اتعرض فيلم أمريكي بعنوان When Harry meets Sally،أبرز حوار في الفيلم كان بين الممثل بيري كريستال، والمُمَثِّلة ميغ رايان!
الحوار كان كالآتي :
-بيري كريستال:انتي عارفة طبعاً إننا ما ممكن أبداً نكون أصحاب!.
=ميغ رايان: ليه ما ممكن؟.
-أنا ح أقول ليك،و دي ما محاولة مني عشان أستدرجك للجنس بأي شكل من الأشكال.الرجال والنسوان ما ينفع يكونوا أصدقاء لأنو الناحية الجنسية دائماً بتبقى عقبة في طريق الصداقة دي.
= كلامك دا ما صاح، أنا عندي أصدقاء أولاد، ومافي أي جنس في الموضوع!.
- لأ، ما عندك أصدقاء أولاد.
= بل عندي.
- ما عندك قلت ليك.
=عندي قلت ليك.
- انتي بس الفاكرة إنو عندك.
=يعني انت بتقول إني بمارس الجنس مع الأولاد ديل من غير ما أعرف؟
-لأ، أنا بقول إنهم كلهم عايزين يمارسوا معاكي.
=ما عايزين.
-لأ عايزين.
=ما عايزين.
-لأ عايزين.
=عرفت من وين انت؟
-لأنو مافي راجل ممكن يبقى صديق لي بت، هو شايفها جذَّابة، دائماً بيكون بيفكِّر في الجانب التاني.
=كدا انت بتقول، إنو الراجل ممكن يبقى صديق للبِت، لو هو ما شايفها جذَّابة!.
-لأ، لأنو في الغالب ح يبقى عايز يمارس معاها برضو (".
=طيب لو البت ما عايزة تعمل كدا؟
-ما فارقة، لأنو الموضوع بقى موجود،ولو تفكير!، وعشان كدا الصداقة محكوم عليها بالفشل في النهاية، و دي نهاية القصة.

الفيلم دا فتَح نقاش مُجتمعي كبير، وبقى السؤال البيشغل كتير من الأمريكان :
?! Can men and women be friends
يعني: هل ممكن الرجال والنسوان يكونوا أصدقاء؟!

اتعمَل على السؤال دا دراسات في الغرب، واتناقش الموضوع في برامج، وكُتُب على مدار 25 سنة!، وبقى محل إهتمام علم النَّفس التطوّري..

في كتاب لشيرلي جلاس،اللي بتُعتَبَر واحدة من أكبر المُتَخَصِّصِين في أبحاث الخيانة الزوجية،والجنسية،والكتاب بعنوان "NOT JUST FRIENDS"..
بتقول في الكتابة دا، إنو تعرُّضَك للإنجذاب في علاقة، يعني إنك ما زلت بتتنفَّس!.، وبدوا ناس كتيرين جداً في الغرب، يظهروا رأيهم بإنو مافي صداقة بين راجل وبت!

في جامعة ولاية يوتا الأمريكية،عملوا مقابلات مع الناس في المكتبة، عشان يسألوهم إذا كان ممكن يكون في صداقة بين الرجال والنسوان!، وكانت كل الإجابات إنو مافي، دا غير اللي بيضحك من غريب السؤال، ويجاوب بكل ثقة:"ههه أكيد لا توجد!"
واحدة سألوها قالوا ليها، هل ممكن صديقك يُعجَب بيك؟، قالت أنا أصلاً عارفة إنو مُعجَب بَيّ !
و واحد بس قال ممكن أيوا، بس ح يكون واحد من الطرفين مُنجَذِب للتاني جسدياً!! ( دا بيدل على تناقُض إجابته، وطبعاً ماف يعني طالما الموضوع كدا 😂).

وفي مُمَثِّل كوميدي، ومؤلِّف، ومُقدِّم برامج في أمريكا إسمو استيف هارفي!، بيتكلم في حوار مع CNN، سنة 2010 عن الموضوع دا!
فقال إنو كل أصحابي رجال، ما عندي أصحاب بنات، ما بقدر أصلاً!
حتى ضرب مثال بمُقدِّمة البرنامج، وقال ليها انتِ بت وبلا شك للرجال جاذبة، وفي واحد في مكانٍ ما ح يقول ليك أنا صديقك!، لكن لأ، الكلام دا غلط..
هو صديقك بس عشان انتي وضَّحتي ليو إنو مافي حاجة بيناتنا غير الصداقة دي، و ح نفضل أصحاب كدا، على أمل يجي اليوم البيحصل فيه فتحة في الباب، أو شق في الدرع، واتأكَّدي إنو الراجل الفاكراهو صحبك دا، ح يدخُل من الفتحة، أو الشق دا نفسه، بِمُجرَّد ما تجيهو فرصة لأننا رجال!
فقالت ليو: انت شايف إنو أغلب الرجال بفكِّروا كدا؟
ردّ وقال: 99.9% مننا بيفكر كدا، قولي كلامك دا لواحدة عندها أصحاب رجال، ح تقول ليك لأ، أنا عندي أصحاب، وعشان هم عارفين إنو الصداقة دي ما ممكن تتحوَّل لشئ تاني في الوقت الحالي. لكن أقول ليك كل أصحابك الرجال، أسأليهم بس شكل وُدِّي كدا، "لو عايزة (تبقى علاقتنا غرامية) توافق؟"
واتفرّجي على الجميل اللي ح يحصل!.

عالِم الكيمياء الحيوية تيم هانت، الحاصِل على جائزة نوبل سنة 2001، قال بصراحة، إنو الرجال والنسوان في المعامِل، بيقعوا في حُب بَعَض!، وطبعاً الدنيا اتقلبت رأساً على عقبة، وخصوصاً العاملين بالمجال النسوي، لحد ما الراجل استقال، واعتذَر عن أيّ إهانة غير مقصودة للنِّساء!، لكن أصرَّ على تصريحاته بخصوص الحُب بين الرِّجال والنِّساء في المعامِل..

بس دا كلو في الأوَّل وفي الآخِر، آراء، يعني ما كلام عِلمِي!
وينو الكلام العلمي؟

"ما قالَهُ هاري لسالي كانَ صحيحاً"، دا كان عنوان لصحيفة ديلي ميل البريطانِيَّة، النقلت في 2012 نتائج أبحاث، اتوصّلت لإنو صداقة الرجال بالنسوان بيحرّكها الإنجذاب الجنسي، وإنو الإنجذاب دا شائع، وليهو آثار سلبية على الصداقات طويلة المدى!..

ظهر نظام التعليم - بشكله الحالي – في القرن التاسع عشر، ومعه امتدت مرحلة الطفولة ولم تعد قصيرة كما كانت في السابق.
تأخر سن الزواج لكل من الشاب والفتاة، وما زال.
ولكن أثر هذا التغيير على المرأة أقسى وأشد!
.
بشكل عام، ترغب المرأة في الزواج بمن هو أكبر منها بسنوات قليلة وأعلى منها – بدرجة ما – في المستوى المادي والاجتماعي. هذا يضمن لها فرصة أفضل في الحصول على رجل قطع شوطاً في حياته العملية توفر لها قدر معقول من الأمان الاجتماعي والنفسي والمادي. تتعرض المرأة لتقلبات مزاجية وعاطفية وتريد من يتفهمها ويتحملها.
.
((الأمان قيمة مهمة عند المرأة))
"رفقاً بالقوارير".
..
في المقابل فالرجل – بشكل عام – يفضل الزواج بمن هي أصغر منه، وهو ما قد يمنحه فرصة في تجنب الاصطدام بمن تتعامل بٍنديّة، الأمر الذي - إن حدث - سيهدد راحة البال عند الرجل. هناك تصور عند أغلب الرجال أن صغيرة السن أسهل في الانقياد من الكبيرة، وبالتالي أقل فرصة في تعكير مزاج الرجل بالدخول في جدالات طويلة تنبع من رغبتها في تحقيق "المساواة والندّية" مع الزوج. لاحظ أن هذا لا يسري مع رئيسها في العمل إن كان رجلاً!
.
((السكن أو راحة البال قيمة مهمة عند الرجل))
"لِتَسْكُنُوا إِلَيْهَا"
..
ما عواقب نشأة نظام التعليم الحديث، وتغير نظرة المجتمع؟
وقعت المرأة تحت ضغط مستمر من المجتمع وخاصة الحركات النسوية، بضرورة تحقيق مركز تعليمي مرتفع كما الرجل "=المساواة".
تغيرت بوصلة "النجاح" عند المرأة من (الزوجة والأم) إلى (الأنثى)، وهو ما يُسمّيه الدكتور عبد الوهاب المسيري بـ "التمركز حول الأنثى". دور الزوجة والأم يعني بداهةً أنها ستقدم تنازلات وتضحيات، وهو ما يقف على النقيض من دور الأنثى التي لا ترى إلا نفسها.
.
نتيجة لهذا الضغط، تأخر سن الزواج عند المرأة لما بعد الانتهاء من دراساتها العليا ويُفضل حصولها على وظيفة تمنحها شعوراً بالاستقلالية والأمان الذاتي. حسنٌ، لا بأس في هذا.
تفهّم المجتمع هذه التغييرات.
ولكن في المقابل، نست أو تناست الحركات النسوية ودعوات المساواة وجود ضغوط من نوع آخر، لا تبالي بهذه الآراء، بل ولا تتفهّم التغييرات المجتمعية، لأنها ضغوط بيولوجية عبارة عن قوانين وسنن إلهية، تعمل بصرف النظر عن قناعاتنا!
المرأة تأتي للحياة وعندها عدد محدود من البويضات القابلة للتخصيب، مرة كل شهر، في فترة زمنية محددة.. لا علاقة لها بالمراحل الدراسية وسعي المرأة لتحقيق ذاتها كأنثى.
كلما زاد سن المرأة – سعياً وراء الدراسات العليا والوظيفة وتحقيق مصدر دخل، ورغبة في تكوين خبرة حياتية – كلما اقتربت من سن انقطاع الطمث، وبالتالي قلّت فرصتها في الزواج وتكوين أسرة!
هذا لا يسري على الرجل! فالرجل – بشكل عام – لا يعاني من ضغط بيولوجي كما هو الحال عند المرأة، وبالتالي كلما زاد سنه – إلى حدٍ ما بالطبع – زاد احتمال تأمين وضع اجتماعي ومالي محترم يشكل فرصة أكبر له في الزواج.
.
ضع كل هذا مع حقيقة أن أغلب حالات الزواج تسير في اتجاه فارق عمري لصالح الرجل، عندها ستكون دائرة اختياره لشريك حياة مناسب أكبر بالتأكيد من المرأة التي وصلت لنفس عمره ونفس درجته الوظيفية والعلمية.
.
إن كان الزواج وتكوين أسرة شيء مهم في حياة الرجل،
فبشكل عام، تكوين أسرة ناجحة (أطفال) هو أهم شيء في حياة المرأة.
وإن كنا نرى رجالاً حققوا نجاحات في الحياة وحققوا ذاتهم دون زواج، فنادراً ما نرى ذلك في عالم النساء.
.
الأمومة غريزة، والأبوة مكتسبة.
.
حتى تحت مظلة الزواج، لن تتوقف الضغوط! فعلى المرأة الاختيار بين رغبتها في الحمل والانجاب - تحت ضغط عدّاد البويضات الذي أوشك على النفاذ - مقابل تحملها للتراجع وظيفياً بعد سنة على الأقل من الانقطاع عن العمل.
الفخ الذي أوقعته فيها الحركات النسوية هي المقارنة بزميلها في العمل!، مع أن العقل والمنطق يقول بأن تقارن نفسها بزميلتها التي ضحت بالأمومة في مقابل تحقيق نجاح وظيفي. هل تود أن تكون مكانها؟ لا أن تقارن نفسها بالرجل الذي يمكنه الانجاب والعمل دون توقف. هذه مقارنة ظالمة للمرأة!
..
ملاحظة على الهامش: لا تفضل المرأة الاختيار بين شيئين تضطر للتضحية بأحدهما! فكرة الخسارة مرعبة لأنها تعني "الفشل". النساء تسعى للفوز بكل شيء! ولذلك غالباً ما تلجأ لتحميل طرف آخر (الزوج، الأسرة، المجتمع، الظروف) قرار الاختيار بين أمرين، حتى يتحمل "فشلها" في تحقيق أحدهما!
..
النتيجة، توارت السعادة وتعالت أصوات الصراخ من الظلم الذي وقع على الجميع. "مَعِيشَةً ضَنكًا"!
وأزعم – وقد أكون مخطئاً – أن النماذج الناجحة هي لرجل وامرأة كانت "بوصلتهم" للنجاح هي "الأسرة" وليس الذت

‏"وارفع يديكَ إلى السَّماءِ
ففوقهَا ‏ربٌّ إذا ناديتهُ ما ضيَّعكْ"

-
‏"يارب إن هذه الدنيا كبيرة وقلبي صغير.. رحمتك واسعة، وصبري يضيق، أعلم أن علمك بأمر الدنيا وأمر قلبي لا يعجزك، فتولاني.. فإني أرجو السير عن هذه الدنيا بقلبٍ سليم، وقلبًا تحبّه."

اللهم صلي وسلم ع نبينا محمد وع اله وصحبه اجمعين 💙.

يسعد أيامكم يارب💙


بالنسبه لى موضوع حايم كتير في الفتره دي وكلام كتييير بتقال سبب بين الناس مشاحنات وزعل وكان سبب في قطع علاقات ومشاكل ماليها أول ماليها اخر

إنو الولايات ونقعد ننتقد فيها وفي طريقة العيشه أو في ناسه أو تفكيرهم أو كده يعني بتلقى لمن تقول مثلا الخرطوم مافي زيها بلدكم دي ماسمحه الناس بتاخد الموضوع بحساسيه زيادة إنو طيب وقت الخرطوم عاجباك الجابك شنو؟؟بلدنا لمتكم وبلدنا فعلت!


مافي زول ناكر إنو الولايات ضمت ناس كتار والولايات إستقبلت الناس بصدر رحب

فأنته ي إنسان الخرطوم لازم تعرف وتخت في بالك إنو الانسان مهما مشا ولفه ماحايحس بى إنتماء زي المكان الاتربى فيهو .بيتك سريرك تفاصيل يومك كلها المواصلات الجامعه المرمطه الجري وكلو

الليله لمن يجي زول مغترب ونلقاهو زعلان ويقول كرهته البلد دي والبلد دي ماسمحه بنقول ديل ناس جاحدين خليهم يجو يقعدو هنا ويضوقو الضقناهو عشان يعرفو

الحكايه كلها مافي البلد ولا في الناس ولا في غيرو الحكايه جواك الإنسان ابن بيئته يعني مكان اتربيت فيهو وقمته فيهو ماف مكان في العالم بضمك غيرو ولا يكون ليك راحه زيو

ونخت في بالنا برضو إنو انت اتربيت على نمط معين وأسلوب حياه معين وناس معينين مجرد مامشيت مكان تأني حاتلقى اسلوب حياه مختلف ناس طريقه تفكيره مختلفه فالازم تتقبل الحاجه دي ماتلاقيها بنفور وإنو اتصدمت في الناس دي وتنفر وتخلي علاقاتك ركيكه . خليك إنسان متقبل لفكره إنو انت ماكنت عايش مع الناس ديل ولا فاهم طباعهم فماتجي في فتره بسيطه ترفض فكره انك تتقبل بالنفور والمقاطع والمشاحنه والزعل 💙

وإنت برضو لمن تسمع زول يقول لي والله أسمح الخرطوم ماتاخد الموضوع شخصي خت برضو إعتبار ده مكان اتربيت فيهو وكل تفاصيل حياتي كانت فيهو الموضوع مامشاحنات ولا مكان احسن من مكان ولا ناس افضل من ناس كلنا مميزين وكلنا عندنا عيوب ومزايا بس العنصر الوحيد البشاركنا نتحد التقبل.

ماتخلي الفتره دي تخلي نسيج العلاقات ضعيف حاول اتقبل الناس بى بيئتم وبي طباعهم خليها فتره تكون فيها علاقات سليمه لا القريب البضر ولا البعيد المقاطع خليك في الوسط لا تأذي لا يأذووك في النهايه دنيا ماشين منها

مانرسخ مفهوم إنو الحرب صدمتنا في ناسنا وإنو كانت سبب في قطع علاقات وغيرو اتقبل الناس واتغاضى عن عيوبهم وخليك عارف انها كانت سبب في تقوية صله الرحم وسبب لباب من أبواب الجنه فما تقطعو بسبب مهاترات وكلام ساي


#Nosiba

كل يوم الصباح أسأل نفسك السؤال دا..

(شنو ابسط حاجه ممكن اعملها اليوم تخلي يومي دا احسن من امبارح؟؟! )✔️

و ركز كويس على كلمة (اعملها ) يعني م حاجه تحصل ليك او الظروف تجي معاك ❌

ممكن تكون حاجه بسيطة او مجهود زيادة المهم حاجه تخليك احسن من امبارح 🧡🌸

_ حاول م يعدي يوم الا و انت احسن من القبلو صدقني ح تفرق كتير 🧡🔥

عندما يكون الفأر في جَـرَّة مليئة بالأرُز ، فإنَّـه يعـتقِـد أنَّ الحيـاة ممتعة وآمنـة لأنَّـه لديه ما يكفي من الطَّـعـام.. لذلك سيبقى في هذه الجَـرَّة يسـتمتِـع حتَّـى نفـاد الأرُز..

يومًا ما سينـفَـد الأرُز وستكون الجَـرَّة فارغة وسيُلاحظ الفأر أنَّـه محاصَـر داخِـلَـها ولن يَتمكَّـن أبَـدًا من الخُـروج منها..

طالَـما لديك القوة والحافز والصِّحة والوقت ، اقتًنع بما لديك لكن لا تكتفِ به.. قَــاتِــل من أجـل حيَـاة أفضـل، من أجل وظيفة أفضل ، من أجل منصب أفضل ، من أجل مكانة أفضل ، افـعَـل هذا بدلًا من اختيار الرَّاحة والبقاء في منطقة الرَّاحة الوهـميَّـة..

عندما تُـخاطِـر بمغادرة منطقة الرَّاحة الخاصَّـة بك ، سوف تكتـشف حياة مختلفة تمامًا..

النَّـاس دائِـمًـا ما يلومُـون ظروفهم فلا تكن مثلَـهم إن لم تجِـد الظُّـروف المناسبة اصـنـعهـا بنفـسك..

‏سأكتب يومًا على جبين الحياة، بأنها حاولت مِرارًا أن تسرق مني شغفي، حُبّي، أحلامي، عطائي، أملي، ولكنّها أمام إصراري على التمسّك بهم لم تتمكن من فعل ذلك.🌼☘️

اييي زول محتاج استفسار صوره من الاوراق يدخل لي خاص بفيدو❤️شيرك بفرق 💙