لكل أم ولدت بالجديد " ام جديدة " عادي تحسين نفسچ ضايعة ومشاعرچ مخربطة راح تكونين تعبانة من الولادة وتحسين ماكو وقت ترتاحين اكو طفل ينتظرچ ترضعي تهتمين بي تخافين علي ... تريدين تبچين وتحسين نفسچ مخنوكة وحياتچ تخربطت ومسؤولية طفل وزوج وبيت كل هذا عادي وطبيعي فترة وتخلص إحتمال يكون ضغط عليچ من المحيط وناس تكول اضعفي شسمنچ صرتي وجهج تعبان عيونج تعبانة بطنج شكبرها وسوي هيج ولتسوين هيج ولتشيلي وخلي يبجي ويسكت ولتهزي يتعلم على الهز ويتعلم على الحضن لتسمعين كلامهم حبيبتي شيلي واحضني ترتاحين وهو يرتاح شعنده غيرج والمن يعرف غيرج؟ انتِ كل شي بالنسبة لطفلج اكلي واشربي واهتمي بنفسج وصحتج علمود نفسج وعلمود طفلج انتِ عظيمة وبطلة سواء ولدتي طبيعي أو عملية سواء رضعتي طفلج طبيعي او صناعي سواء ولدتي بحكومي او اهلي او قابلة بالبيت لتقللين من قيمة نفسج وجسمج وطاقتج راح يمشي الوقت بسرعة والطفل يكبر ويبدي يهدأ وتقل كعداته بالليل وتنامين ويا وتكعدين ويا وتتونسين ويا. استشعري نعمة الأمومة وانو گمتي بالسلامة انتِ والطفل