- مُرهِقَ.

٤:٤٤

عطَرك بده يختفِي
من ياخة هَدومي
وشلون بيَّ بعد ؟
لا عطَر مِنك بُقى
لا جية رسومِك
صح آنه مشتاگِة الك
بَس والله ما ألومك
والموت لو ينشگِف
چان شگِفت عنك
دورتك بكِل كتر
بس ماكو أثر منك
تريد الصِدگ والصدگ ؟
مشتاگِة اشوفنك
وياريت هسّه تجي
ونگِعد سوا وتبتسم
وياريت ذاك الحِلم
يطَلع صِدگ مو حِلم .

٣:٠٣

لجَزيرة المشَاعر.

أنَا الخوَاف يادنيّا
أنَا الخوَاف مِن كُلشِي
ولو أحَلم حِلم موزين
أنَا أرجَف قبل رمشِي
يهزنِي اللِيل ألف مرَة
وأفِز باللِيل ألف مرَة
وتعز رُوحي واگِل للخِوف
ظل بالبيَت وأنَا أمشِي
أنَا الخوَاف يادنيّا
وحَال المبتلِي حَالي
أعبُر عالنهَر عطَشان
والمَي مو على بَالي
مِن أولهَا وجفيتِي وياي
شِترجاچ مِن تالي؟
عيُوني وچَذبن وياي
وين الگِه الصدگ عدمَن ؟
بَس طيُور تعبَانات
يمي بليّل يلتمَن
سوالف همِي و دنيّاي
بيمَن هالگِلب أمّن
وتعز رُوحِي وأگِل للخِوف
ظِل بالبيّت وأنَا أمشِي .

١:٢١

‏﴿وَلَا تَيْأَسُوا﴾

٦ يُوليَو.
{ اللهمَّ توفني وأنتَ راضٍ عنِي }.

أهُوجس فَيه وأنسَى إننا بَعاد عَن بعَض.

٢:٠٢

بين وبين نفسي شگد افكر بيك
واگول شمعنى انتَ الشاغل ضنوني
مو أول عشگ خاطر تشل الحال
ولا أول جمال اتشوفك عيوني
شجاها الروح يمّك ذبّت الأسرار
وليش ارجف عليك وينخطف لوني
وحتى الناس گامت تعرف بهالحال
ما اعرف شگلهم من يسألوني
يطبّون بصفنتي وعنّك يدوّرون
ويلگوني افكّر بيك يلگوني
كلها صاحت انتَ بگت فلان
موعندي لگوك وبيك تهموني
تهموني بمحبتك والله لو يدرون
علىٰ ضيمي العلية يضل يواسوني
ما يدرون عايفني بمهّب الريح
وآنة ويّاك عفت المايعوفوني
اليحبّوني شكثر والجيّتي يتانون
واخجل من كثر ماگام يتنوني
عفت الي شروني ومن أرّد شلون
هم أسوى بعد ونوب يشروني
حبيتك شجاني وماحسبت حساب
خيّعونك علَيّ مو آنة خيّعوني
متحبني واحبك، والمصيبة انوب
اريدك وانهزم اليريدوني.

٣:٠٣

متغَير عليَّ مو الأولي وياي
أفك ريج الرَسايل كلهَا تهَديد
عَليمَن نتعَب ونربّيك وتروحَ
خسَرتك وانتهَت مَرتين ما عَيد
انطَيتك فوگ حجمَك بالغِت بيك
فعِل ماضِي وبُقت ذِكرى المَواعَيد
الشعر مو باب رزقِي لخاطَرك چَان
ذهَب جوه إيدي أصوغِه شلون ما اريد
جازفت بسُمعتِي بعشرتِي وياك
هَملت إسمِي ودِست فوگ التقاليد
مو نفِس العُمر بَس چَنت أداريك
ما حَسستك بفِرق المَواليد
ومحَسب للزمَن تِنسانِي وأنساك
سُبقتك خطَوة بالمُستقبل تفيد
أثَر عايف خطَر مَتغيره الأيام
حَفر نحّات مَتمسحه التَجاعَيد
والـ ببالِك بعيدَة انساهَا مَتصير .