نحن معاك لإسناد طلاب الشهادة السودانية 🌱

طيب نجاوب ل سؤال سؤال .

1_قال:انا ما قريت بسبب ظرف/وقفت قرايه عشان م كان ف تحديد للامتحانات/كنت بشتغل شغلي ووقفت قرايه/انا عايد/متوتر خايف شايل هم /انا ماري بصدمه نفسيه فقدت من اهلي نفر م قادر/انا لي فتره ما بديت باقي ٢٨ يوم و ناس البيت بقولو لي محتنجح م تقرا/ كل م انظم جدول م بلتزم وبجيني تانيب ضمير اني محقدر وما عارفه اموري جايطه يخي .

شايفين كل جمله اتقالت فوق؟
سؤالها واحد
هل ح اقدر الحق؟

تعالو نجاوب سؤال سؤال.

1_قال يخ ي حنين انا عندي ظرف وما قدرت اقرا اعمل شنو؟.

ج_اولا تتقرب من ربنا وادعي كتير
م تخت ف بالك انك محتقدر وشيل الفكره دي .
حياتك الدراسيه حتكون حياه عمليه
وما لازم تدخل حياتك الشخصيه ف حياتك العمليه وتوازن بينهم.
عندك اي شي حصل معاك ف البيت
لمن تجي تذاكر حاول بقدر الإمكان م تخليه ياثر ع قرايتك ومستقبلك
وحاول تتجنب الكلام .
م تخلي ظرف واحد يمنعك من تحقيق مستقبلك وهدفك.
وحتتفوق وحتنجح صدقني بس انت عافر، م هو انت م تعبت ساي عشان تستسلم للظروف ولا شنو؟❤️.

2_وقفت قرايه عشان م كنت واثق هل اصلا حيكون ف امتحانات ولا لا وحسي لمن الموضوع اتاكد اتزنقت وجاطت معاك صح؟

ج_لكن اعرف م جاطت الا عشان تترتب !
يمكن دي كانت اكبر مشكله بتواجه الطلاب قبل تحديد الامتحان
واي طالب فكر بالطريقه دي ووقف قرايتو ندم ع نفسو وشال هم كيف حسي اقدر الحق
حابه اقول ليك حتقدر والله
اي م تعاين لي كدا وتستغرب
حتقدر عادي وين الصعب؟
تجتهد وتسعي وتبدا بدايه جديه مع نفسك وتحارب عشانك ❤️.

3_كنت بشتغل ووقفت قرايه؟

ج_وين المشكله ف الأخير استفدت من وقتك لمن كنت لسع م عارف انو فعليا الامتحانات حتتم بإذن الله
ترجع ل قرايتك عادي، شهادتك سلاحك ي مدير يا رهيب
ترجع وتتحصل ع شهادتك وتجيب أعلى الدرجات وتشتغل ال عايزو وتبقى شخصيه رهيبه بتلحق م تشيل هم بس شد حيلك❤️.

4_انا عايد تفتكري ح اقدر انجح؟

ج_تنجح وتجيب مئه كمان رايك؟
م حيكون صعب عليك شديد طالما حتكون متذكر ال قريتو ولو شويه
حتي لو م متذكر حتقدرر وتجيب النسبه ال مقدرت تجيبها واعلى منها كمان
وهوووي ابعد من الكلام السلبي وركز بس ع قرايتك وحتتتجيبهاااا تحت اي ظرف عانيتو خلاك تعيد،د خير من ربنا وحكمه وانت حاليا عندك فرصه تانيه حتكسبها؟❤️.

5_متوتر، خايف،شايل هم؟
ج_ي حبيبنا وكل امرك لله وخليك وااثق ف ربنا وربنا م بظلم عباده خالص
الح ع ربنا شددديد بالدعاءء واقييم الليل وادعي ال ف قلبك كلههه، صدقني حتنجبر وحلمك يتحقق ودرجتك ال بتحلم بيها بإذن الله بتتحصل عليها بس عافر عشانها وأسعى ليها ❤️!.

6_انا ماري بصدمه نفسيه فقدت من اهلي نفر م قادر؟

ج_يعزيزي جبر الله قلبك ❤️
اول دي دار فناء كلنا عباره عن جنازات مؤجله وحنفارق دنيتنا دي
بس!
انا فاهمه الفقد حااار وشديد كمان م هين
خصوص فراق الوالدين
بس اتذكر؟اجي انت نسيت؟
نسيت انو ابوك عايز يشوفك اكبر دكتور ف البلد دي؟
نسيت امك واحلامها ال بانياها معاك
م عايز تحققها ليهم؟
نسيت اصحابك ال راجيين فرحتك؟
نسيت نفسك ال تعبت ال سنتين دي كلها؟
فقدت عزيز ليك؟اخد راحتك مع نفسك وطلع الجواك وارجع من تاني عشانو وعشانك وعشان ال راجيينك وما تتراجع ابدا ولو وقفت فتره؟تعال راجع تاني ،حتقدر صدقني وخليك واثق ربنا معاك يعزيزي❤️.

8_انا لي فتره ما بديت باقي ٢٨ يوم و كلام الناس بقولو لي محتنجح وماف داعي تقرا اعمل شنو؟

ج_لو مشينا بكلام الناس عمرنا محنتفوق ف حياتنا ولا حنتقدم ل قدام.
والناس عمرها محتوقف تدخلها ف خصوصيات غيرها واراها السلبيه ال اخير عدمها.
ف انت ابعد من التعليقات السلبيه بتاتاااا
ويا سيددي ال بقول ليك مبتقدر ومحتقدر وريهو انت ومنو ولمن تجي واكيد حتقدر تعال ورييهو منو ال م بقدر.
خليك بقرايتك ومع نفسك والكلام الس لبي دخلو ب جاي وطلعو ب جاي
ولا تزعلو ولا تضايقو
لا الزعل بشبهككم ولا الضيق،انت قدرها صدددقني❤️.

9_كل م انظم جدول م بلتزم وبجيني تانيب ضمير اني محقدر وما عارفه اموري جايطه يخي?.

ج_اقعدي مع نفسك دي وقسمي براحههه وبروااق ونظمي وقتك وجدولك بنفسك واعتمدي عليها
اقعدي بهداااوه كدا وقسمي تقسيمتك ال رهيبهه م شرط تسوي جدول اذا ف حاله م بتعرفي ليهو بس حددي جزئياتك واقري وما تقعدي تقولي يخ م لاقيه جدول وما عارفه أقسم وتقعدي مكتفه يدينك وقاعده .
لا ما ينفع اتخيلي انك قاعده ف مكان براك وما معاك ولا زول شن حتسوي؟
لازم الشخص يعتمد ع نفسو ويخت حل وحساب لكل شي بسويه وخطه محكمه وكويسه❤️.

10_عارفه طولت كلامي بس بلاحظ أغلب الاسئله بتكون زي كد.

يجماعه باقي ٢٨ يوم ماف وقت لللتبريرات ال بتعملها لنفسك وماف وقت للاعذار الواهيه وال غير حتضيعك محتسوي شي،اقنع نفسك ب انو ماف حل ولازم تقعد مع نفسك وتقسم موادك بنفسك لأنك ادري ب ال قريتو وبالعكس.

1.5K views20:34