في فرق كبير أوي بين صفة "الكويس" و "المناسب"
الكويس ينفعك وينفع ألف غيرك لكن المناسب ده معمول ليك أنت لوحدك بظروفك وأحلامك وطموحك وقدراتك
المبدأ ده ممكن يتطبق على الشخص اللي هتكمل معاه حياتك، أو مجال دراستك و علاقاتك مع الناس أو حتى فرص الشغل
اتأكد إن كل الحاجات دي "المناسبة" ليك ولطموحك وأحلامك ما يكفيش إنها تكون كويسة وخلاص، ﻷن ده اللي هيصبرك عليها وقت الإحباط
الكويس هيروح ويجي عشرين غيره إنما المناسب هيخليك عايز ومستعد إنك تمسك فيه بإيديك وسنانك عشان باقي عليه ﻷنه مش هيتعوض ..
واللي كنت فاكره كويس وراح ...طلع كويس أوي إنه راح
خليك واثق إنك لو فقدت "الكويس" فأكيد هتقابل "المناسب" في الوقت المناسب والمكان المناسب..💙💙
