قناة النعي (رائد الاسدي)

جديد نعي   بعد مرور سنه على فراق الاحباب الحسين و َال الحسين عليهم السلام
____
مظلمة وموحشة يديار اهلنه
شو دارت سنه ومحد وصلنه
شيعودة العزيز ألراح منه
من يوم المشيتوا أظلم نزلنه
تجافونه سنه يهل المحنه
___
ماچنها سنه چم يوم ظنها
لهسه رسومكم بالدار چنها
تنوح أعله العزيز الراح منها
تون الدار ما يهداش ونها
اعزاز الروح كلها بعيد عنها
__
حزينة الروح ياخوية حزينة
اهنا نگعد سوية و سولفينة
تمر ايام هجرك ما نسينة
عمت عيني على الراح من ادينة
ياوسفة الزمان اشسوة بينة
علينا بعاد متردون لينة
____

نعي  عن الام الفاقدة الولد بعد مرور سنه ام الأكبر ام القاسم ام عبدالله آلرضيع
__
يا يمة الولد نارك سرية
سنه مرت ولا مريت بية
أظل انعاك حد يوم المنية
مر بالطيف ماهي امك خطية
اباب الدار اتانيك أعله جية
___
اطلع بالهدوم ودمعة اصبها
ترة التفگد ولد يفطر گلبها
تتيه ما تظل تندل دربها
وعلى هدوم الولد يكثر عتبها
عيون امك ترة شيب هدبها
__
ايا فگد الولد أكبر مصيبة
ينصاب الدليل ومالة طيبة
چا صبري عليك منين اجيبة
تخلي امك يبعد امك غريبة
فلا يگطع حزن گلبي ونحيبة
__

نعي  عن الإمام السجاد بعد مرور سنه على فقد ابوه وعمه وإخوانه
_
هالدارت سنتكم ها يزينين
ما تدرون بينا يالبعــــيدين
نهار وليل انحب بوية يحسين
انحنة ظهري عليك وراحت العين
چا مثلك يبوية يحصل منين
_
عمي الراح مني وراحت الروح
اخذ وياه گلبي ودمعي مسفوح
يالماكو بحنانك گلبي مجروح
ابوي الثاني دوم انعاك بالنوح
من كثر البواچي صوتي مبحوح
_
احا يالاخو يالتسوة الونين
أظل انعاك خوية بطول السنين
يبن امي اجيبن مثلك منين
الاخو لو راح مايحصل بعد وين
هالمره سنة يهلي الحنينين
__
يحزام الظهر يالاخو الثاني
ابن عمي واخيي فارگاني
يبن عمي غيابك دوهناني
سنة دارت عليه وما اجاني
حنه ظهري اخيي من جفاني
___

نعي  عن أم البنين بعد مرور سنة
____
صدكَ مرت سنة وما شايفتكم
وانه لتالي عمري رايدتكم
ياحيف اعله غفلة مفارگتكم
لما اموتن ييمة متانيتكم
عمت عيني من ادية ظيعتكم
_
دارتلك سنة يا ابعيد عني
ييمة حسين ما يهداش وني
اشوفن صورتك كل ساع چني
مهو سباح گلبي وراح مني
حسبت حساب يمة وخاب ظني
___
يا محلى الليالي الچانت وياك
يلب حشاي تمرد روحي فرگاك
اخذني للگبر يا يمة وياك
طول ايام عمري بدمعي انعاك
لما يطمني الگبر بلساني طرواك
_
أسألكم الدعاء رائد الاسدي

نعي من رؤية هلال محرم الى ليلة الوحشة جديد
……………………………… ....
هل عاشور ها يهل المحّنه
وانتم بالگبور ابعيد عنه
فگدنا الچانوا ويانه من اهلنه
ياوسفة الدهر طشر شملنه
دليلي من جفاكم ما تهنه
ها يطياب ما بطلت الونه
چنه ابيا وضع وشلون صرنه
كل واحد كتر يالرحتوا منه
-------------------------------------

نعي بحق ام البنين عليها السلام
-------------------------------------
اشو كلكم مشيتوا يا ميامين
اظل شلون وحدي يمة يحسين
خالي البيت منكم ياضوة العين
شالوا كل هلي وبعيد ماشين
افگدمن وانوحن واحد اثنين
كلها اعزاز روحي تسوة الونين
خذتهم يادهر چي اهلي زينين
-------------------------------------

نعي عن فاطمة العليلة
---------------------------------------
شديتوا الضعون وعيني تربي
شو محد يگلي گومي اركبي
اصدلكم واحط ايدي اعله گلبي
على الزينين ها يعيون صبي
خالي البيت منكم موش حسبي
تيهت الدرب ما اشوف دربي
اعاتبكم فلا اسمعون عتبي
-----------------------------------

نعي بحق مسلم ابن عقيل عليه السلام
--------------------------------------------
المالة اخوان وكت الضيج حيرة
اشلون البالغريب وابغير ديرة
لالة اخوان بيها ولا وعشيرة
مسلم وحدة وضايع نصيرة
طاح ابين ناس ابلاية غيرة
من فوكَ القصر شوفة يديرة
صوب حسين وبحسرة چبيرة
سلام اعليك وبنيتي الزغيرة
--------------------------------------

نعي بحق الانصار
--------------------------------------
وي حسين يا محلة المنية
نقدم ارواحنا لجلة هدية
وخل تشهد علينا الغاضرية
طلگنه النسا ودنيا الدنية
ابلايا حسين ما تسواش هية
نطيح وياه لازم عالوطية
انصار وفدة لبن الزچية
--------------------------------

نعي وداع الحسين مع ابو الفضل عليهما السلام
--------------------------------
ها يحزام ظهري الله وياك
وحگك ينكسر ظهري بلاياك
من گبل اللسان الگلب ناداك
اوكف يالكفيل واشبكَ عضاك
ارد اشتم يمينك ويه يسراك
وحبن هامتك وانوب عيناك
واشمن ريحتك والعين تبراك
ما بيهم رحم ياضنوتي عداك
--------------------------------------

نعي بحق القاسم عليه السلام
--------------------------------------------
يا شم الهوة يا ضي العيون
دليلي يالشباب عليك محزون
تكتل ونته وليد الزغيرون
يا جسام يبني بمك اشلون
تخليني وحيدة وعني تمشون
يولادي فرد شيلة تشيلون
انته وكل اخوتك عني ترحون
الگلب مجروح يولادي تخلون
--------------------------------------

نعي بحق علي الاكبر
-------------------------------------
جرحك يالولد ظل يدي ما طاب
شباب وما تهنه من الهوة الهاب
راح ابعز شبابة وچالنجم غاب
يالاكبر ياحسافة ايطمك اتراب
رحت عني بعجل يا تالي الاحباب
اعاتب بالدهر شيفيد العتاب
دمع مصيبتك لليوم سچاب
------------------------------------

نعي بحق عبدالله الرضيع عليه السلام
-------------------------------------
الوليك و اون والمهد خالي
يعبدالله انفطر گلبي يغالي
يبعد رويحتي يا بعد حالي
اعد بغيبتك والدمع هالي
ابفگدك يالزغير اسهر ليالي
غير الحزن والنوح مالي
ردتك للكبر وتصير والي
انوح عليك يا مدلول تالي
----------------------------------

نعي بحق الامام الحسين عليه السلام
--------------------------------------
وحيد حسين والعدوان گثرة
وسهم الموت اجاه وصاب صدرة
ولحيتة من نزيف دماه حمرة
ما طخ راس زاد اضعاف صبرة
اجته خيول موش خيول عشرة
تدوس اعله الصدر گامت تكسرة
تروح وترجع اعله حسين جسرة
ياوسفة بحقد مگطوع نحرة
--------------------------------------

نعي بحق السيدة زينب عليها السلام في ليلة الوحشة
--------------------------------------
اجاني الليل خوية وچل ظلامة
ادير العـــين شو نومة النشامة
يــــبو الايتام افزع لليــــتامة
بعد هاليوم ماتحصل سلامة
ولا ليل اليـــــمر اگـــدر انامة
خوية وللسبي لاحت علامة
وحشة الليل ها يهل الشهامة
-------------------------------------
أسألكم الدعاء رائد الاسدي

نعي محرم
زينب عندما ترى الهلال

-------------------------------------
هل اهلال حزني وزاد وني
اعيش بكربله لليـــــــوم چني
خذاك البين خوية بساع مني
عليكم ماكَطع نوحي اونيني
---------------------------------------_
على الزينين ماتبطل دمعتي
شد وياي شنهي يريد وكتي
ترة فراكَ الاهل فتت مهجتي
ليل انهار بس اتسيل عيني
---------------------------------------
نتكَابل على هدومك نــــــــشمها
ورسومك حسافة تراب طمها
ودارك تنتـــــحب ماهم زلــــــمها
تكَول الراح مني هم يجيــني
---------------------------------------

لسان حال زينب بعد فقد الحسين
---------------------------------------
الجنازة اتريد من يبچي لجلها
وكل غالي على مـــتونة حملها
شـــــلون البالغرب ظــــــلوا اهلها
احشم ما فـــــزع واحد دفنهم
-------------------------------------------
يــــــتخير الزيــــــن المـــــــوت مالة
والفاكَد عزيــــــزة شـــــــلون حالة
يجــيم النوح والمــــــــدمع حلالة
وانة ليل ونهار اندب لـــــــــجلهم
--------------------------------------------
عادت كل نعش من بيتة يطلع
اوراه اولاد والـخــــوان تفــــــــزع
ظل بارض الغرب جسمة تكَطع
حسين واخوتة واولادة كلهم
-------------------------------------------
رملة ام القاسم
**************
يبعد رويحتي يابعد شيبي
اشمن بيك چن شمة عذيبي
ييمة اذكر رباي ودر حليبي
خذاك البين ياوسفة من ادية
*********************
يشمعة بيتي ياضي البالعيون
يبعد امكم فرد روحة تروحون
الفاركَها ضناها تصبر شلون
بطول الليل دمعتها جرية
**********************
اسهرلك ليالي وانـــــحب ايام
يبو طول الحلو دلالي محتام
اشوفنك يغالي بس بالاحلام
صارت شوفتك حسرة علية
*****************
اليروح وليدها يزرف كَلبها
مسيل عيونها ايشيب هدبها
تظل انوب ما تندل دربها
ادور عليك ويكَودون بية
*********************
ليلى ام علي الاكبر
*****************
چنت بالبيت يامدلول شمعة
طفت واليوم بس ظليت دمعة
لون كَلبي تشوف شلون وضعة
يكسر خاطرك بالبيت حالي
********************
افرشلك فراش ابجية الليل
وهدمك اشمها يالولد حيل
اغطيها بعباتي ودمعتي تسيل
اخاف من الهوه تبرد يغالي
*****************
الله ايعين من فكَدت ابنها
شباب وبالكَبر وبعيد عنها
يبعد امك نحل امك بدنها
لا هادت نهار ولا ليالي
*******************
أسالكم الدعاء رائد الاسدي

نعي اول ايام محرم


ياجدي ارد اودعك مالي جية
واجيت اتوادع وي امي الزچية
0000000000000000000
يجدي كربلة راح امشي عنكم
وداع افراكَ هذا اليوم منكم
راح ايروح ما يرجع ابنكم
وهذا اخر وداع وهاي هية
--------------
الكفالة بشاربك يا ابو المراجل
تچوة وسند ها يا ابو فاضل
طول الدرب ابرة الحامل
ترة زينب عزيزة وهاشمية
----------------------------------------
جواب العباس
==============
سبع الكنطرة ياخوية تديرني
ادللهة وحطن زينب بعيني
انة الكافل وانتي تعرفيني
ياهو اليوصلج والسيف بيدية
----------------------------------
السيدة زينب
كفو منك مجرب ساعة الشدة
خنشوف ابواليمة شعدة ماعدة
ليش حسين طالع من وطن جدة
وشوفنة تحظر هلمسية ويصير السفر سفرة طويلة
==================
أسالكم الدعاء رائد الاسدي

نعي اول ايام محرم


يهل الضعن يحيود يكرام
بوجودكم ما يوم ننضام
يالدايرين اعله النسا حزام
ما ندري الدهر يخواني شضام
خاف تعيل بينا الگوم ظلام
=================
عزيزة ابين الاخوان العقيلة
تحامي ضعونها حيود الجبيلة
عليها صارت السفرة طويلة
شوفتها لهلها الهم تزيلة
عليهم تنتچي حمول الثجيلة
==================
الاخت بخوانها مرفوعة هامة
من كل صوب حاطتها النشامة
ما تدري الدهر سدد اسهامة
وبعد هاليوم ما تحصل سلامة
تفاركَ وين ابو الغيرة وشهامة
===================
يطشر ضعنهم بأرض الطفوف
وتتحزم عليها الناس بسيوف
ومن عزها وخدرها اتعيش بالخوف
وطول ام الخدر العسكر تشوف
وبيهم ديرة ديرة الوادم اتطوف
====================
أسألكم الدعاء رائد الاسدي

نعي اول ايام محرم عن السيدة زينب عليها السلام.. جديد

دلالي انعصر والروح حنت
لخواني ولا مر يوم چنت
ليل نهار للطيبين ونت
اشوفن بيين هلال الرزية
-----------------------------
بفراكَ الاخو خلة شيسدها
وفراكَ الولد روحي مردها
عدلة خلافكم روحي شجلدها
اموتن من تهل وكت المسية
--------------------------------
يهلال الحزن ما كف ونيني
عمية ولاتشوفك ريت عيني
راح الزين مني وما يجيني
وينة اوينة راحوا من ادية
---------------------------------
بس رسومهم ظلت علامة
يهلال شكثر عدنا اليتامة
هذا الراح ابوه هذا عمامة
علينا بعاد بارض الغاضرية
-------------------------------
دليلي اعله المشوا عنه حن الهم
اخوتي.وظهري للراحوا حن الهم
المـــــــوت بكربله اعزازي حن الهم
اخذهم كل هلي بالغاضرية
++++±+++++++++++++++

ليلى ام علي الاكبر عليه السلام
______________________
هلال البالسمه بين هظمني
اخذ مني العزيز وما رحمني
چم لچمة بوسط گلبي لچمني
يهلال الحزن فتيت روحي
___________________
شيصبر الوالدة الفگدت ولدها
لو راح الولد يمرد چبدها
راح الچان حاسبتة سندها
والاكبر راح مني وزاد نوحي
___________________
يا حلو الجهامة وحلو الرسوم
احن لريحتك واشتم بالهدوم
عني بعيد يبني وماكو علوم
كل يوم اليمر تكبر جروحي
____________________
جرح گلبي من جروحه والاكبر (والله اكبر)
لتالي العـــــمر حاسبـــته والاكبر (الى ان اكبر)
عليلة ونحلت عظامي والاكبر
سكن بأرض الغرب وابعد علية
_______________________


أسالكم الدعاء رائد الاسدي

نعي اول ايام محرم
-----------------------------------------
اجا شهر الحزن وتكدر الكــــــــــــــــــــون
ودموع الحزن هلت بالعيــــــــــــــــــــــون
كل شيعي بمصاب حسين محزون
شلون بحال مهدينا ابهامصــــــــــــاب
--------------------------------------------------
صباح وليل ينعى مصاب جـدة
عليه من دم تسيل دموع خدة
ياله الكون شو طالت المــــــــــدة
عجل بالفرج مليــــــــــنة الغيــــاب
----------------------------------------------------
توالتنا المصــــــــــــــــايب ياولينــــــــة
هل عاشور بــــهلالة علــــــــــــــــــــــينة
وفكَدنا احباب راحوا من ادينــة
على جدك ننوح وفكَد الاحباب
----------------------------------------------------
چم شاب انحرم من هاي الايام
چانوا بالمجاس همــــــــة كل عام
شباب هواي شــــــــال وبالكَبر نام
يحيون المجاس چانوا اطــياب
----------------------------------------------------
هذا الراح ابوه وهذا اخــــــــــــية
وهذا الفاكَد ابنة ابهالمــــــــــسية
مواكبهم بكت وحشة وخــــلية
ناموا بالنجف يم داحي الباب
----------------------------------------------------

أسالكم الدعاء رائد الاسدي

جديد نعي  للإمام علي عليه السلام عن اولاده


كأني بالامام الحسين عليه السلام ينعى اباه
===================
يعينه الله اليشيل ابأيدة ابية
على امتونة ويون ونة شجية
غرب للنجف وسفة الشفية
لجيم النوح والدمعة جرية
احنن ليك يالمبعد علية
=================

الإمام الحسن عليه السلام
==================
غبت والبيت صار اظلم علينة
احنن لك يبو روح الحنينة
نصفجلك اسف بثنين ادينة
بغيابك فلا يگطع بچينة
شگل للي يگلي العود وينة
===================

السيدة زينب عليها السلام
================
سكن بارض النجف يا وسفة ابونة
يبو وجه الحلو يا محلة لونة
صعب بوية العزيز ايفارگونة
ايتامك يبوية ايناشدونة
وتذرف بالدمع لجلك عيونة
=================

ابا الفضل العباس عليه السلام
==================
ربيت وتعبت اعلينة برباك
يبوية اليوم رايح الله وياك
نشتاكَ لضحتك ولمُحياك
تمرد بالگلب يا بوية فرگاك
يطيب الذات بوية ما نسيناك
================

أسالكم الدعاء رائد الاسدي

نعي بحق الامام علي عليه السلام عن اولاده

ياوحشة الوالد روحي تمرد
اشوفة بكل كتر لاوين ما صد
يبو كَلب الحنين شلون تبعد
احن لشوفتك واشتم بالهدوم
_
اطب للبيت واتعنة لمچانك
تفارگني وانة بعازت حنانك
ياوسفة الزمن يابوية خانك
بعد عينك لحرم لذت النوم
____
الابو خيمة وتأمن حدرة ولدة
يفيّ الراح وسفة شلون بعدة
مثل ماي ابرمل منة وتبدة
ما انساك بوية بعيني مرسوم
_
شما نكبر نظل بعينك زغار
تغمرنة بحنانك ليل ونهار
ندور عليك وحشة ياعلي الدار
لنوح عليك خلة اللايم ايلوم
___
يطشر شملنة خلاف عيناك
يالحدر الترايب الله وياك
حنين ولا تظن ابيوم ننساك
حد الموت بوية عليك مندوم
____
تنشدنة اليتامة اتشوفك اتريد
وينك يا علي هالجاينة العيد
ما ساعة عليك ارواحنة تهيد
نايم بالگبر ما توصل علوم
_

أسالكم الدعاء رائد الاسدي

نعي الامام علي عن السيدة زينب عليهما السلام جديد

امدد والوجه اصفر يوالي
انة بلياك حال الضيم حالي
عليك النوح والمدمع حلالي
تفارگنة نويت وهاي هية
_________________
تلوج من الالم وتدير العيون
اولادك عليك الكل ينوحون
بفراش المنية مغير اللون
فك عينك يبوية وحن علية
_______________
تدك الباب وتنوح اليتامة
وعليها الحزن اصبح علامة
شگلهم وانته ما منك سلامة
ايتامك تگوم الهه خطية
_______________
مايحصل بدية وحتى اداويك
ولا ينباع عمرك خاطر اشريك
ولكونك تنفدة بالروح لفديك
اموت وياك لو يحصل بدية
________________
أسالكم الدعاء رائد الاسدي

نعي بحق الامام علي في وداع زينب لابوها
-----------------------------
تريد اتروح يابــــوية هضيمة
يبو الايتام تــــــــتركني يتيمة
عليك النوح يابــــوية لجيمة
وخليها الدموع اتحفر خدي
------------------------
بشهر رمضان متعــــــودة يغالي
من يمسي المسه ويانة يوالي
ادور شــــو مچانك ضال خالي
فلا ظل ماي وسط العين عدي
---------------------------
تفاركني يـــبوية ولا تجيــــني
ما تســــمع بواچـيي اونيــــــني
لعمــــــيها لجل فـركَاك عيـني
احمل هالمصاب شلون وحدي
--------------------------
لا ام التساعدني اعله وني
تعالن يالحبايب ساعــــدني
عباتك والهـــدوم وياي ذني
اشم ابريحتك يابعد چـبدي
-----------------------------


نعي زينب تعاتب العيد
---------------------------
ياعــــــــيد اجيت شلـون جية
يتــــيمة ولا بعد عـــدي تچية
اجاني العيد بوية شلون بية
تعايدني چنت مصباح عيدي
----------------------------
متعودة اليــتامة عليك بالعيد
اذا اجوني وعلي كَالولي انريد
بس اصفك علـــيك الايد بالايد
يا دمعــــــتي البالعــين زيـــدي
------------------------
عيد الله اجة يالحـــــدر التراب
تفك الباب منــــــته داحي الباب
اعاتب ماهي ظنة تسمع عتاب
اموت اعلى الكبر لو صاح بيدي
-----------------------------


نعي وصية الامام علي لابو الفضل
---------------------------
تعال اكَعد يــــبو فاضل اريدك
ايد اخــتك احطها اليوم بيدك
تظل وياك حد كَطعت وريدك
عزيزة مخدرة زيــــــنب وصية
---------------------------
يبــوية ام الخدر عـدك امانة
بعــد لحظات ومــفاركَكم انة
تشيعيوني وتظل تبچي ورانة
حنينة اختك يبو فاضل علية
-----------------------------
يبو فاضل تظل بعدك غريبة
واشوفنها على الهزل سليبة
تنوح عليك ما تلكَاش طيبة
سبية تروح بارض الغاضرية
----------------------------
اسمعيــــني يزينب وانتة عباس
اخوكم بالحـوافر صدرة ينداس
احفظولي الخدر مااريد ينجاس
واريـــــدنچ عزيــــــزة وهاشمـية
-----------------------------

أسالكم الدعاء رائد الاسدي

نعي بحق الامام علي عليه السلام
من إلارشيف


-------------------------
سمعت الويد كَلبي رجف وحدة
وصلت الباب واتنوع ابســـــــدة
اتراجف كَمت كَلبي شيــــــهودة
شفتك يا علي راسك مظمـــدة
------------------------------------------------
يحسين وحسن بهداي حطــــــوه
على فراش المنية خوية نيمــــوه
وظمدوا جرح راسة ولاتلچمـــوه
وداع فراكَ كَبل الموت ودعــــوه
-----------------------------------------------
چنت تكعد بيوية كَبالي وتكَـــــوم
بعد ماشوف طولك بعد هاليــــوم
من فراكَ امي كَلبي ملجـــــــــوم
كلبي شيحتمل احزان وهمــــــوم
-------------------------
چنت امن الصبح بوية تلمـــنة
تعايدنة وتــــفرحنة وتـــحبنة
هل العيد يابويــــــــة وكَعدنة
ذكرنة كَعدتك وشلــون چنة
------------------------------------------
الوادم تكَــــــعد اتعيد اهلها
وانة ادموع الحزن يابوية اهلها
الون ياعلي بتك كتلـــــــــــها
يتيمة واليتيمة ياهو الـــــــها
-------------------------------------------
اجانة العيد واهــــل العيد ماهم
شحلات الكَعدة من چنة وياهم
هنا چنة انتسامر ذكرناهم
وحشة البيت واظــــلم بلاياهم

==================

أسالكم الدعاء رائد الاسدي

نعي بحق الامام علي عليه السلام جديد


وصل لية الخبر مصيوب ابو حسين
لطمت اعله الوجه بيدية الثنين
صحت الله ولحد يا مسملين
مشى ايصلي واجاني الراس نصين
===================
اصد لوجه ابوي انگلب اصفر
بصفار اعصابتك لونك تغير
بغفل چنك نويت تروح حيدر
عزيز الوالد لفرگاه مگدر
==================
اجت ليك اليتامة اتريدك اتگوم
محزنة عليك لبست سود الهدوم
وفلا عين ابمصابك شافت النوم
مصابك چمل اعله همومها اهموم
==================
(ابو ذية)

شدت دنيتي وياي شدة
مصابك ما احملة وعلي شدة
بعصابة اشوف الراس شدة
الحسن وعليك دمعاتة جرية
===================
أسألكم الدعاء رائد الاسدي

نعي جديد عن الإمام علي عليه السلام وهو يودع اهل بيته في لحظاته الاخيرة

ها يعزاز گلبي ادنو لية
نتوادع اريد وهاي هية
اشبگكم واشبگوا انتم علية
هذا وياكم اوداع المنية
==============
اولادي وعلية اعزاز كلكم
شيحملة الوداع اليوم منكم
اخر يوم بوية اليوم يمكم
حملوني سلام اهواي لمكم
==================
انة ادري الابو توديعة يصعب
اصبر يالحسن موتي تگرب
يبوية فراگكم نيران تلهب
لچن امر الجليل وماكو مهرب
===================
بسك يا عزيزي حسين بسك
گطعت الگلب اوصيك نفسك
يعذب الروح والدلال حسك
بالدلال فگدي اليوم مسك
==================
يا بوية اشكثر بعدي تنوحين
يزينب من ونينچ ما تبطلين
كسرتي خاطري بس لا تونين
اودعنچ وادير اعليچ الايدين
==================
يبو فاضل دمع عيناك ينثر
بخدوك اشوفن گام يحفر
اريدنك يبوية اليوم تصبر
وانة ادري بوداعي تجرع المر
================
گلب ام البنين انچوة ابنارة
ما هود يون ليلة ونهارة
دمعچ ما نشف دوم ايتجارة
كافيچ بعد يم الغيارة
================
(ابو ذية)
دمعي وي دمعكم گام   يهلاي
الموادع صعب بالموت   يهلاي
عزيزك لو تراب الگبر    يهلاي
عليه اصعب واشد من المنية

===================
أسالكم الدعاء رائد الاسدي

نعي بحق السيدة خديجة عليها السلام عن الزهراء عليها السلام وهي تنضر الى امها وهي تحتضر كأني بها تقول


شلون بية.. شلون بية اديها امددة واشلون بية

وداع المنية.. وداع المنية.. ييمة امودعة وداع المنية

افرك بدية.. افرك بدية .. اوننلچ وسف وافرك بدية

يصعب علية.. يصعب علية.. يفگد الوالدة يصعب علية
======================
امددة هاي..امددة هاي.. يهاي ام المحنة امددة هاي

يبچي اعله مبچاي.. يبچي اعله مبچاي ابوي المصطفى يبچي اعله مبچاي

يتگابل وياي..يتگابل وياي..على امي من اون يتگابل وياي

يا يمة دنياي..يا يمة دنياي..مظلمة وموحشة يا يمة دنياي
======================
يا نعش الحنينة..يا نعش الحنينة..جفاني وشال يا نعش الحنينة

موحش علينة.. موحش علينة.. ييمة البيت ظل موحش علينة

رحتي من ادينة.. رحتي من ادينة..يشمعت بيتنة رحتي من ادينة

اشگد بچينة.. اشگد بچينة.. بوداعچ ييمة اشگد بچينة
======================
ما شافت النوم.. ما شافت النوم.. يعيني ابفرگتچ ما شافت النوم

اشتم بالهدوم.. اشتم بالهدوم.. شما گلبي يحن اشتم بالهدوم

شما لايم ايلوم...شما لايم ايلوم.. ما ابطل البچي شما لايم ايلوم

ما منچ علوم.. ما منچ علوم.. يالحدر الترب ما منچ علوم
======================
اسالكم الدعاء رائد الاسدي

نعي بحق الامام الكاظم عن ابنته السيدة معصومة عليهما السلام (جديد)
====================

اتاني اخبار منة وگلبي ممرود
اثاري بالسجن والسجن مسدود
يا يوم الفرج ولبيتك تعود
يون گلبي عليك وما ظن ايهود
====================
أولادك نريدك ترجع النة
يبو طبع الحلو يا ابو المحنة
طالت غيبتك يبعيد عنة
بغيابك نون ونة اعله ونة
===================

وبعد وصول خبر موت الامام الكاظم عليه السلام للسيدة معصومة كأني بها تقول
====================
افكر بيك يا حالة يغالي
حزنانة و اون مشدوه بالي
علية يالمشيت البيت خالي
انعصر گلبي واحس ارتاب حالي
===================
ابوچ اطاچ عمرة يالحنينة
ميت بالسجون وسامينة
وعلى جسر الرصافة حاطينة
مرضوض الجدم ما راحمينة
===================
عمت عيني عليك اتلوج بالسم
لا خي الفزعلك لا ابن عم
حياتي من بعد عيناك تعدم
اضل اجري عليك دموع من دم
====================
أسالكم الدعاء رائد الاسدي

نعي بحق الامام الكاظم عليه السلام عن ابنته معصومة عليها السلام


متانيتك ترد للدار يا يوم
ييوية وفرگتك حرمتني النوم
وسل سلتني يا ريحتها الهدوم
ولا طارش يجي ويجيب العلوم
==============.==
خبر موتك يبوية من وصلني
فت الروح يا بوية وهضمني
تمنيت الگبر وياك طمني
ياوسفة الدهر منك حرمني
==================
البنية حنينة بهاي تدرون
يا ناس لونيني لا تلومون
عزيز الوالد واغلى من العيون
ليل انهار اخلصة شلون بشلون
===================

كأني بها تخاطب اخيها الامام الرضا عليه السلام وتقول له

شال بعيد يا راعي المحنة
يبو محمد نون ونة اعله ونة
ليالي السود من بعدة لفنة
من يوم المشى اظلم نزلنة
================
من غرب الوالد تاه مني الراي
ما يهنالي زاد ولا هنة الماي
ما شبعانة من ملگاك عيناي
اريدن شوفتك ما ريد دنياي
==================

بسجن طامورة من ذبه وخلاه
ما تعرف هلة وناسه وخلاه
لا حاظر ولد نعــشه وخلاه
يچلب بالنعش ويون لخية


أسالكم الدعاء رائد الاسدي

نعي (گرناوي) بحق الامام الكاظم عليه السلام عن لسان ابنته فاطمة المعصومة عليها السلام


محتاجتك اترد يا ضوة الدار
مظلمة والحزن بعدك نزلها **
اصبحها بصباح النوح ودموع
صباح الخير ما ترهم نگلها **
چنة لجيتك نحسبلك حساب
تتلگاك بوية الدار كلها **
نركضلك نركض يم عتبة الباب
نفرح من تطب يا نور اهلها **
البنية عزيزة وتختلف حيل
حنينة وبالمحنة من مثلها ***
تعال ارجعلي بوية هواي تشتاكَ
روحي ومن رحت حزنك كتلها ***
===================

سنين هواي شخصك ماشفينة
يـــــفي الـچان الــــنة ماشفينة
تدي اجـروح هـــجرك ماشفينة
اظل انعاك كل صبح ومسية
===================

اسالكم الدعاء رائد الاسدي

ابيات ابوذية بحق الامام الكاظم عليه السلام

سنين هواي شخصك ماشفينه
يــــــفي الـچان الــــنه ماشفينه
تدي اجـروح هـــجرك ماشفينه
لهسه ابكل سنه تنعاد هية
____
بسجن طامورة من ذبه وخلاه
ما تعرف هلة وناسه وخلاه
لا حاظر ولد نعــشه وخلاه
يچلب بالنعش ويون لخية


أسالكم الدعاء رائد الاسدي

نعي للامام الكاظم
______________
سادات البشر والكون مظلومين
لو سم لو كتل هذا الدرب ماشين
بمصيبة موسى ابن جعفر محزنين
غريب ومحد من اهلة يحظرة
_______________________
بسجن اظلم وكيد مكيدينة
ريت اهلة بمنيتة حاظرينة
دنت ساعة وفاتة ودار عينة
لا ابن لا اخو ظل وحدة يون
_____________________
صوب الجسر بي طلعوا ينادون
من السم والسجن متغير اللون
يوم الفرج شيعتكم يتانون
بالتابوت لنة يطلع الهم
_____________________
اليريد ايموت كون اهلة يحضرون
واخير وداع للغالي يودعون
___________________
اليريد ايموت اهلة تلتم عليه
ويكَبلونة وخوتة اتسبل اديه
الكاظم وحدة والالم كاظيه
اتشاهدوا ابوجهة ماتفزعون
---------------------------
اليريد ايموت يمة اولادة تلتم
واخية يفزع ويفزعلة ابن عم
الغريب اشلون من ايموت بالسم
ياهو اليخبر اعيالة يلحكون
___________________
اليريد ايموت امة كون يمة
اوداع الموت اتودعة وتشمة
يدير العين ويعالج ابسمة
واهلة بعاد عنة مايسمعون
_________________
اليريد ايموت اهلة يشيعونة
وخوتة على الچتاف اليشيلونة
بس موسى ابن جعفر يحملونة
حماميل اربعة للجسر يمشون
___________________'

أسالكم الدعاء رائد الاسدي