Биламизми? Араб тилида علم (билмоқ) сўзидан ясалган ва ўзбек тилига ўзлашган сўзлар: 1. Илм علم - билмоқ, билим; 2. Олим عالم - билувчи, билимдон. 3. Маълум معلوم - билинган, кимдир билган нарса; 4. Муаллим معلم - билдирувчи, билим берувчи; 5. Таълим تعليم - билим бериш, билдириш; 6. Маълумот معلومات - билинган нарсалар, "маълум"нинг кўплик шакли; 7. Аллома علامة - ўта билувчи. 8. Уламо علماء - билувчи, олим (аслида бу сўз "олим" сўзининг кўплиги - олимлар дегани. Лекин, бизга кўплик шакли бирлик маънони англатадиган сўз бўлиб ўзлашган); 9. Олам عالم - билинган, ёки билиш мумкин бўлган борлиқ; 10. Алам علم - билдириб турувчи, белги, яъни байроқ. "Аламбардор" дегани "байроқдор" дегани. 11. Аълам أعلم - билувчироқ. "Аллоҳу аълам" ибораси "Аллоҳ билувчироқ" дегани. 12. Аломат علامة - билдириб турувчи нарса, белги. ©Устоз Ҳусан Хидирбоев сахифасидан олинди Muslim Mind – ақл юритадиганлар учун!