خادم الرباب علي الحبيب️

((شوگ الرضا))


شوگ الرضا ماينحمل نشّدوّني عن شوگه
روحي اعله شباچه بگَت ياناس مخنوگه
وعيـــوني ماتبچي دمع يمكن خيم هلت
دخان احس بحسـرتي وعيوني محروگه

حبيبي وشتــــياقي أله
يغالي يــــاخيم كـــربله
عشگتك ياعذاب الهزل
عفتـــني دربــي مااندله

عشت بروحتك وبردتك حـسره
تنضرلي واحس بنضرتك جمره

حبيبي يالرضا ...

"""""""""""""""""""""""""""""""""""''''''''''

بالـــرغم مـا آنه بعــدم وما استحق حالك
بس انت حاسبني طفل من جُملةّ عيالك
توكلني بيدك سيدي وآنه اصفن بروحك
رازقــــني شـــوفت گبتك ومرتب بجالك

يجـــرحي ابابـــك وانتچي
بدمعتي يحلا بيك الحچي
وابــــــاوع گبــــتك بالسمه
واسمعك هايم اعله البچي

المناره تصيح مــن أتصيح ياعمه
جرحك ينزف حچايات ابو اليمه

حبيبي يالرضا ...
                  
"""""""""""""""""""""""""""""""""""''''''''''

مــــديت اديه بحضرتك رايد جمر خيمه
ورايد اعيــــشن غــــربتك مولاي وبهيمه
يالدمعتك ليل اهدعش ومذعوره ايامك
كل لحضه مجلس للسبي ياسيدي تقيمه

تناشغ والمدامع حــــبل
هيامك صعدن عالـهزل
رقيه خدهه ازرگ غـده
بخدودك تلطم وما تمل

ليلك ينگضي وماتنگضي جروحك
عشت بكربله واعـــله النهر روحك

حبيبي يالرضا ...

"""""""""""""""""""""""""""""""""""''''''''''

نشـــــدوني عن زيارته وعن الكرم بيها
زوار ابــــــو محمد ترى بروحه يغطيها
يابو الجواد برحمتك وكل زاير بخيرك
حتى الحمامه البالصحن انت التداريها

لگيته چلمه مـالت عشگ
وعشگته وبمحبته احترگ
گلـــتله يالرضا الــمرتضى
احبك ياهـــــواي الصدگ

يناموس السمه ومن حيلك انطيني
محـــــرم باچر ورايد تچـــويـــــــني

حبيبي يالرضا ...
      
"""""""""""""""""""""""""""""""""""''''''''''

ودعـــتك وچــان الدمع يحچيلك اوداعي
وهاجن جروحي سيدي وغطتني اوجاعي
شميـــتك بگلبي الغده مـــن فرگتك هايم
وبعتبتك گمت انحني هاك انشد اضلاعي

خطوتي بيه تمشي وترد
اتاني سيدي اعله الوعد
تردني والضريحك اجي
وامـــــوتن يمك وانسعد

هذآ آخر كلامي ومنيتي اقبـــلها
اريدن روحي يمك سيدي تحلها

حبيبي يالرضا ...

عبد زينب
محمد الابراهيمي

سالفة الحسين ع

لا ترتاح يا كلبي

كل يوم الأعيشنه

الحب لا اكراه فيه

وين أهلنا

المهدي حاضر

المهدي هل ليله حاضر وابوه  اليحتضر
العسكري اليله تخلص حياته بسم غدر
بسمهم يموت الحسن  بس بناته منسبن
____
العسكري بسم نغدر وشكثر بل هم صبر وهاي عاده لو قتل لو سم يموتون
واني سهله مصيبتي يمشي سم بجبدتي واني بين اهلي اموت مصيبتي تهون
وكلها عندي العايله مو مثل طف كربلا ولا مثل زينب اسيره ذيج الضعون
ولا يركبوهم هزل ولا يشدون الحبل كلشي اهون من مصيبه جدتي ام عون


الصار بل طف مصيبه ولا مثله حصل
ولا حوافر ولا سيف على نحري وصل
ولا ضلع صدري انسحن.... بس بناتي منسبن

__
واهلي يمي جاعده ولا بناتي مشرده ولا شمر يركض عليهن شايل السوط
ولا حبال ولا هزل ولا يطك بيهن نذل ولا عساكر دايرتهن بيهن تحوط
ولا مثل ذاك الطفل الراسه شدوه بحبل فوك رمح العاليات الراس محطوط
وابني حي ما منذبح ولا رفع راسه الرمح ولا الراس اعله الرمح بل حبل مربوط

حالي اهون ولا شوفن  الي شافته
شلون زينب اسيره وي عالم شامته

ولا اسيرات بوطن    بس بناتي منسبن

_

من ينزلوني الحد استحي عندي زند ولا جفوفي مكطعه مثلك وتنباس
كون راسي ينكطع حته اكف ذاك الدمع وكون كلها سهام ترمي عليه هل ناس
وكون اموت من العطش وبل حوافر انفرش وكون كل الصار بيكم بيه ينقاس
وكون عين التنفجع ماتكف من الدمع يلي خوتكم عضيمه وانته عباس

خوتك ضل صداها يعيش بكل زمن
والها تلكه معاني عضيمه بكل وطن
عايش اسمي بل زمن... بس بناتي منسبن
____
يبني يل مهدي تعال وخل اسولفلك احوال شلون جدك من وكع فوك الوطيه
شلون خيل السحكته وبل حوافر طحنته شلون من انداس صدره باعوجيه
شلون كطعو منحره شلون طبرو بل سره الجان سبعين الف واحد جيش اميه
بسجمه لمو كل رمح من بعد وكت الذبح وجان عطشان ويدور على اميه

شلون خيل اعوجيه بحقدها داسته
وبل   حوافر   يبويه  تراها طشرته

وبحوافرها ندفن.... بس بناتي منسبن
_
ومن بعد ذاك الفجع صار اصعبهن وضع وضع عماتك يبويه من سبوهن
هوه بيت الله النبي شلون اهله تنسبي شلون من فوك الهزل من ركبوهن
الهزله كلفه تنصعد بس يركبوهن عمد شلون اوصف حالهن من صعدوهن
شلون حال التنسبي وسوط من فوك العبي يجلد متون النساوين وضهدهن


شلون حال ال اسيره ولا عدها حمه
حيره محتاره   ضلت يبويه ولاطمه

والحزن بل هم خزن.... بس بناتي منسبن



ضرغام منعم الكربلائي

طول غيابك

زاد الحنان _ وطول غيابك
من الزمان _ تشتكي احبابك

يالمهدي وينك _ ادورك _ بالدروب
كل جمعه اتاني _ واناطر _ للغروب
_
يالمهدي مشتاك وعلي _ طك كلبي اريدن شوفتك
كلب اليحبك مبتلي _ بين اشتياقه وغربتك
ايام عاشورك كضت _ الله يعظم مصيبتك
تحضر شكو مجلس عزه _ تبجي اعله زينب عمتك

ليلك عذاب _ تلطم وتنحب
اعظم مصاب _ عمتك زينب

معذوره عينك _ تهل دم _ دمعهه
ويهدم الحيل _ يزينب _ وضعهه
_

هيج انه وتلاكه بدرب _ وياك صدفه بلا وعد
واكعد واسولفلك عشك _ فرحة العاجر بالولد
وانشد عليك بياوضع _ والطلعتك واشظل بعد
بس انه اعرفك منهضم _ طف كربله بكلبك كعد

لازم اكول _ دمعك شلونه
حزنك يطول _ ع اليسلبونه

نحجي المصيبه _ ونسولف _ ع الماي
ذابل وردكم _ عطاشه _ يمولاي
__

يومك يخلص بس دمع _ و الليل تكضي بالقهر
شما تلتفت يمك خيم _ مشتعله واطفال بخطر
ايام عمرك خلصن _ بين المخيم والنهر
وترد للحسين بحزن _ وتسوي مجلس ع النحر

يم الرضيع _ ينعصر كلبك
بحزنك تضيع _ وتيهت دربك

كل هل مصايب _ ولاكن _ الادهه
تبجي اعله زينب _ دمعتك _ بعدهه
...............
كل المصايب مرتك _ واعظم حزنهن ينحمل
وتكول هينات وعلي _ الطف حزن كلش سهل
بس موقف اليكسر ظهر _ وتكول ابد ماينحمل
زينب عقيلة حيدرا _ صعدت يوادم ع الهزل

ام الخدر _ وسفه مجتوفه
فرهه الشمر _ شام و الكوفه

فوك الهزيله _ وتنادي _ يخوتي
جاوينه عباس _ نساني _ ابلوتي


الخادم موسى البطلي ___

اللَّه يعظم أجرك

مواساة الامام الحجة عج باستشهاد الامام الحسن العسكري..

يعظم الله اجرك يمهدي بـهل رزيه
مـات ابـوك العـكسري بـَسم المنـيه
الليلة گـلبك منكسر
الله ينـطـيك الصبر
.. يابو صالح ..
……………………………
مـرت اعلـيك بحـزن لـيلـه عـصيبه
يساعد الله گـلـبـك بـهـاي المـصيبه
عودك ادفنـته وبـقت روحك غريبه
وما گـطع گـلبك ابـد نوحه ونحيبه

عالابو من دم بقت تجري دموعك
فرگـة الوالـد حـنت منـك ضلوعك
يصعب عليك الهجر
الله ينـطـيك الصبر
.. يابو صالح ..
……………………………

چــبـد ابـوك العـسكـري  شفـتـه تـگـطع
بجـسمـه كـلـه الـسـم  يمـهـدينـه تـوزع
يلـوج شفـتـه من الألـم  والـونـه تسمـع
وشفت روحه الطاهره من جسمه تطلع

بـيـن اديك او والـدك  سلمـهـا روحه
وللحشر گـلبك يضل يبچي وينـوحه
تعيش بالنوح العمر
الله ينـطـيك الصبر
.. يابو صالح ..
……………………………

شيعـتك يبن الحسن  جينـه نواسيك
نريـد مولاي الحـزن انـخـفـفـه اعليك
ندري مو هـين فگـد يالمـهـدي والـيك
يعـينـك الله چـم جـرح خله اثـر بيك

جروح گـلـبك سيدي نـدريـهـن اهـواي
واصعب اجروح الگلب عالماشرب ماي
جرحه ينزف للحشر
الله ينـطـيك الصبر
.. يابو صالح ..
……………………………

انـتـه زيـن او والـدك بـيدك دفـنـتـه
سالـم وما بـي جـرح لمـن حـضرتـه
بـس اويـلي عالذي حـضرتـله اخـته
بلايه راس وعالترب مرميه جـثـتـه

انته بيدك راسه شـلته وفاض عمره
وبـيـن اديها شالـته بـلا راس نحـره
وهلـكـسر ما ينـجبر
الله ينـطـيك الصبر
.. يابو صالح ..
……………………………
سيدي ولمـن دنـت ساعـة منـيـتـه
غسلـت بـيـدك ابــوك  وچـفـنـيـتـه
وتـعـزيـه سويت الـه وي اهل بيته
وحضرت الشيعه تواسيك ابعـزيته

وبالبچـي والنوح اله صارت عزيه
وبالحـزن تـنـعـاه كـل الـهـاشمـيـه
ويجرن ادموعك حمر
الله ينـطـيك الصـبر
.. يابو صالح ..
……………………………

لكن احسينك بقـه عالغـبره عاري
ضل ثـلث تيـام مرمي بالصحاري
ماحضرله واحـد وجـسمـه يواري
عـيالـه مسبيات يمـشـن بالبـراري

محد ايدفـنه وبقـه عالغبره مطروح
والفـواطم عالهـزل  يـنـعـنـه بالنوح
ينوحن عليه باليسر
الله ينـطـيك الصبر
.. يابو صالح ..

الشاعر عقيل الحسناوي..
.

رجوع الضعن