З 17 чэрвеня Мікола знаходзіцца ў ШІЗО, што складае болей ста дзён пазбаўленняў: ані лістоў, ані кніг, ані шпацыраў, ані адносна зручнага ложку. У той жа час супраць яго ўзбудзілі новую справу па артыкуле 411 КК РБ. Мікола перадаў з засценак пару сказаў: “Гэтае пытанне ўздымаў яшчэ 9 гадоў таму, але тады ўсім было ўсё адно, а цяпер гэты артыкул ужываецца масава. І мой адкрыты ліст, напісаны ў сакавіку 2015, дагэтуль актуальны”. Прыводзім тэкст ліста ніжэй.