#معلش_طويله_بس_حقيقهناس بتسالنى يا ربهام
ماذا نفعل عندما لا يتحقق حلمنا
بالرغم من سعينا و عمل كل جهدنا
و فى الاخر لا نصل لما نريد
انا اتعلمت كتير من مواقف حدثت لي
طالما عملت ما عليا
لا أنتظر النتيجه
لو فيه خير فى هذا الوقت ربى سيرزقنى به
💕ساروى لكم حكايه من حكاياتى
🤗 صلوا على النبي محمد
كنت زماااان
كان نفسى اتعلم العلم الشرعى
لنفسى قبل ما افكر انى أعلم اى حد
لفيت و بحثت كثيرا فى انى التحق بمعهد دينى
فيما مضى لم يكن الامر ميسر كما الآن اللهم بارك فيه فى كل حى معهد دينى فى مصر
و كنت اسال فى كل مكان يقولوا لازم تكونى تعلميك ازهرى أو تتعلمى فى مجالك فقط
المهم لن اطيل قولوا طولى
كنت بسأل كالعاده فى التليفون واحده لله قالت لى فيه معهد الدعاه ذهبت قدمى فيه
المهم ذهبت لقيت باب التقديم اغلق من ٣ أيام و علشان اقدم لازم اقعد سنه
وقفت فى وسط الميدان ابكى لكن فجأه مسحت دموعى و قلت يارب انت اخرتنى لحكمه انا لا اعلمها انت عالم نيتى و انا راضيه بقضائك و لعله خير
و ذهبت
نسيت اقول لكم انى ساعتها كنت بدأت احفظ القرآن الكريم مع معلمه جميله النفس و الخلق
كنت فى جزء عم
و انقطعت عن الحلقه لانى اشتغلت
فكلمتنى المعلمه في الفون و قالت لى ليه انقطعتى انتى مجتهده
قلت لها اشتغلت و الله و نفسى ارجع للحفظ
قالت لى فيه حلقه يوم الجمعه عند معلمتنا الكبيره معلمه معلمات القرآن روحى يمكن تقبلك عندها
فرحت لها و انا قلبي بيدق و خايفه انها لن تقبلنى
المهم وافقت معلمتنا و قالت لى اجلسي انا متذكرة جيدا انهم كانوا متقدمين عنى بسورة قريش
بالوقت تعرفت عليهم و كانت المفاجآت
كلهم بدون استثناء فى سنه اولى فى معهد الدعاه الذى كنت اريد الاتحاق به
عرفت ان من شروطه انى اكون حافظه ٣ أجزاء من القرآن على الأقل و انا لا كنت حافظه و لا شى
لن استطيع ان اصف لكم كم ساعدونى و حفظت فى السنه دى ال٣ أجزاء بالتجويد و اتعلمت اكون معلمه قرآن
و كل المحاضرات و الملخصات و الكتب اعطوها لى
و دخلت المعهد
و عرفت حكمه ربنا ساعتها فى التأخير
#ريهام_محمود