ایما بُرّیی دِ یَک تیچسه ایم لر
یکی شاعر, یکی چی تش گُرگُر
یکی کُرّ کورش و ریشه هخایه.
او باقی نقره و ای یک طلایه
یکی ماد و یکی فکر فریبه
یکی پی پایتخت و بی نصیبه
یکی مون میزنه طبل جگایی.
یکی نادونَ خو, خواهی نخواهی
یکی دٍ لیغن آو ,وِ فکر ماهی
یکی سردار بی اسب و سپاهی
یکی شو خاو میینه, کردسونی.
بیه واش دس برار ,جون و جونی
یکی دِ قورسو کیخا می جوره
یکی تا. صوُ میاره پا وَ موره
بُرّیی شیرَ جوون دِ ای حوالی
وِ دَلیا دِل زِیّه وا دس حالی ,
درین شو کوه غیرت سَر پُرّ هوش
نه پا موُنَن نه. مِفتَن دِ تک و توش
یکاگیری فقط چاره لرونه
یکاگیری بهار لُرِسُونه
دِ ایلام, بختیاری لر فقط لر
اگر پشت دِیّیَن وِ یک وا سینهء پُرّ
تُونُ , مِنّیّ اگر دِ نوم وریسه
اگر پشت دیّین وِ یک بی خاصه پیسه
قسم ! سربرزی و دورِ لرسو
وِ دس میا چنی آسون آسو
بزه سرنا د ایلام ,تآسماری
دِ خرماوه وریسه بخت یاری
زِلِ بخت لُرون باید دِرآیه
یکاگیری سی زخم لر دَوایه
#رضا_جهانی_نهاوندی #مینجایی@zakhmea#کانال_لرتباران_تهران_نشین 🆔 @lorhayetehran