فيه معلومه كدا كنت مفكر انها اختفت من زمان لكن للاسف اتفاجئت النهارده انها موجوده لسه وهي ان المسكنات الي مادتها Diclofenac sodium بتعلي الضغط عشان خاطر الصوديوم والي Diclofenac potassium مبتعليش الضغط طبعا المفهوم دا خاطئ ميه في الميه تعالو اقولكم ايه الفرق 👌 _____ عارفين اقراص الكالسيوم والحديد بيبقي فيه منها صور كتيره في صوره املاح يعني الكالسيوم Calcium carbonate Calcium citrate Calcium gluconate المهم انواع كتيره هل تاثيرهم مختلف على الجسم ؟! لا كل الفكره ان دا ملح يعني بيدوب في الجهاز الهضمي والماده الي هي الكالسيوم هو الي بيمتص عشان كدا بحسب لكل قرص elemental calcium كذلك الديكلوفنياك بوتاسيوم وصوديوم دا ملح الفرق الوحيد هو التالي الذوبان في الجهاز الهضمي ديكلوفيناك بوتاسيوم اسرع واحد من نصف ساعه لساعه بس فترته في الجسم صغيره اما الديكلوفناك صوديوم بيمتص في ساعتين الي ٤ ساعات علي ما يوصل لل peak لكن بيفضل في الجسم فتره اطول شويه عشان كدا لو chronic use الصوديوم هو الافضل اما لو عاوز مسكن سريع دور على البوتاسيوم في النهايه الاثنين بيعلو الضغط زي بعض عن طريق تاثيرهم علي البروستاجلاندين في الشريان الكلوي بتقلل انتاج البروستاجلاندين هناك فيقلل الدم الي واصل للكفى فيقلل الفلتره ويحسب المياه ملهاش علاقه بصوديوم او بوتاسيوم -------------------------------------------- نكتفي بهذا القدر ولا تنسوني من صالح دعائكم لا تنسو مشاركة البوست لنشر الفائده https://t.center/Medical1world