عيد الغدير كل شيعي هالليله افتخر صار الوصي شيخ البشر مولانه مولانه صوت المحب كبّر حيدرنه يا حيدر مولانه مولانه **** تتعايد الاكوان كلشي انخلق فرحان ويانه حتى الجان صفگتها وحده اشمحلاها هل ايام بيها اكتمل الاسلام الوالينه احلى احزام هادينه شده ناده الچنت مولاه حامي الحمه مولاه تاج الولايه انطاه والرايه عنده هادينه وحيه كلمه مد چف علي يم السمه مولانه مولانه فرحتنه خل تفتر حيدرنه يا حيدر مولانه مولانه **** حفلتنه مو تجديد مو مره هذا العيد كل يوم اله تغريد من الولاده بينه العشگ مصبوب حيدر مِلك الگلوب عن حبه لا منتوب هاي الاراده الما يتبع الكرار ايعيش الدهر محتار وتاليها لسعة نار وين السعاده الرايد يبات ابجنته يكتب علينه ابجبهته مولانه مولانه بس احنه نتصدر حيدرنه يا حيدر مولانه مولانه **** يا حسرة العذال تبعو شخص محتال حصتهم الاهوال يوم القيامه اول علي يدرون بس رابع ايگولون بينه منو المجنون انريد استقامه ميهمنه حچي الناس احنه الرفعنه الراس والينه ابو العباس تاج الامامه مو رغبه اول نحسبه رب السماء النصبه مولانه مولانه بالمصحف المصدر حيدرنه يا حيدر مولانه مولانه **** والينه ابو الحسنين الرد الشمس مرتين دنيا ربحنه ودين هاي التجاره هذا القلع الاحزاب وبچفه شال الباب عمره گضه ابمحراب منجي الحياره حيدرنه قائد عام بس همه چان ايتام هذا الخليفه التام نعم الاماره لا ما لگينه ابدولته جائع يبات ابحسرته مولانه مولانه بالمرتضى نفخر حيدرنه يا حيدر مولانه مولانه **** الشاعر اياد الديراوي سيدي ياحسين عمري نذرته الخدمتك رابط قناة تلكرام👇👇 https://t.center/joinchat/AAAAAEOnUV6imLK-dTwaMQ رابط قناة اليوتيوب 👇👇 https://www.youtube.com/watch?v=ugFiDQkvfjQ&feature=share رابط حسابي بالتيك توك 👇 https://vm.tiktok.com/ZM2XyaqLA/ للتواصل @Hussein95iq