العالم اليوم كله غير مستوعــــــــــــب
كيف
اليمن أدَّب امريكا وهذَّبهــــــــــــا
ما كان مخلوق يجرؤ منّها يقـــــــــرب
واليوم قد جيشنا واصل بيضربهــــــــا
من كان يحلم ولو في نفسه يجـــــرّب
أن ينتقدها فكيف انه يحاربهـــــــــــا؟
واكبر شنب شعر راســـــه كان بيسَنِّب
مِن ذِكْرها مَن أبوه اللي يخاطبهــــــــا
كانت لها الأمر، ما في نفسها تطلـــــب
واليوم من تسأله ما عاد يجاوبهــــــــا
كانت لها كلمة، العالم لها يحســـــــــب
واليوم في ذل ملعونة أبايبهــــــــــــــا
لاقت ملاطيم من كــفّ ابن ابي طالب
ضربات يا ناس لوما بان صاحبهـــــــــا
جتنا تهنجم وتشتي شعبنا ترهِـــــــــب
واليوم يحيى سريع ان طلّ أرعبهــــــا
هو شعب بعضه على لِبنة عُمِر يحــرِب
معقولة ارضه لأمريكا يسيِّبهـــــــــا؟؟!!
هو شعب خلى وحوش الجن تستغرب
هولا بني آدم او لا أيش نحسبهـــــــا؟!
قلدني الله انا والكلّ مستعجــــــــــــب
كيف
اليمن هندم امريكا وأدبهــــــــــــا
معذور من ما قدر لليوم يستوعـــــــب
ما قد حدن هان هيبتها وسلحبهـــــــــا
الصدق والا ابن عمه تشتوا او نكـــذب
هي قشة اظهر لنا الواقع معايبهـــــــــا
لا سامح الله من كبّر لها المنصـــــــــب
وسنين خلى لها حبله بغاربهـــــــــــــــا
البيت الابيض قلوا له شَدَّته يقلـــــــب
ما احنا ممالك من اللي كان يحلبهـــــا
إحنا ملوك ان دخلنا المعركة نسلـــــب
أرواح الاعدا وندعس فوق شاربهــــــا
قولوا للامريك هذا الشعب لن تغلــــب
لا عاد تحاول ويكفيها تجاربهـــــــــــــا
والا ومن أوجد المشرق مع المغـــــرب
ما فات عاده ولا شي من مصايبهــــــا
<><><><><>
كلمات/ يوسف ابو طالب
#طوفان_الاقصى#لستم_وحدكم#اليمن_مع_فلسطين