نحن البينا عامرة، ذيّ ما كُنا أول..💚🌍!! _لأصحاب "الأساس، الثانوي، الجامعة، الحلة.." أو أي صاحب دخل حياتنا في فترة من الفترات وإنقطع التواصل بينا بسبب الظروف ومشاغِل الدنيا وما زال يهتم لأمرنا عايز أقول: لالا ما تقول نسيتك..! وما ممكن دا يحصل، نحن البينا عامرة ذيّ ما كُنا أول.. وما خُنتك يا غالي وبعتك لليالي.. ولا إستهواني فاتن، وقُلت عليهو أجمل.. صح أنا ما الصاحب البتلقاه 24 ساعة في وشك.. ولا أنا الصاحب البكون عارف كل تفاصيل يومك.. ولا الصاحب المحادثتو في أول قائمة عندك.. بس خليك عارف إني إستحالة أكون الإنسان البتناسى إنسان بمقصد.. ولا ببدل صاحب بصاحب تاني.. أحياناً الحياة بتخليك تختفي رُغماً عنك، وبتخلي وراك أغلب الناس البتهتم لأمرهم.. بس بنكون شايلين نفس المودة، نفس اللهفة، ونفس المشاعِر.. من هنا شُكراً لكل الناس الجمعتنا الأيام الحلوة والكعبة، وفرقتنا مأرب الحياة وكل ما إتلاقينا كأننا كُنا سو أمبارح.. شُكراً لأي زول كان الجندي الخفي في حياتنا بظهر بس في وقت الأزمات والأيام الصعبة.. ما بؤمن بالمحبة الظاهرية، البقاء لما هو أصدق ونقي وحقيقي💚. #محمد_ورق.