اوحش حاجه ممكن توجعك انك تشوف الشخص الي بتحبه قدامك طول الوقت ومش عارف تقوله ازيك او عامل اي مش هتفهم دي كسرة نفس ولا اي بس حاجه وحشه يارب محد يجربها..
مش شطاره انك تعلقها بيك و تبعد مش شطاره انك واخدها كفتره فحياتك ويجي وقتها وتنتهي مش شطاره انك واخدها كاحتياج و كأسم انك تعرفها مش شطاره انك تحط معاها حد ف نفس الخانه مش شطاره انك تخلي حد ف مكانه المفروض هي اللي فيها مش هو مش شطاره انك تبق حاجه غير اللي ظاهرلها بيه مش شطاره تبق مواعدها أو مواعد حد بحاجه ومتعملهاش أو ناوي تعملها مع حد تاني مش شطاره تبق مرتبط ب واحده و تكلم عليها ألف واحده في اللي بالنسبالك اعلي و في اللي اققل مش شطاره تعمل كاريزما قدامها وتبينلها انك اللي مفيش غيرك و احسن واحد هتقابله وانت اصلا ولا حاجه مش شطاره تحنطها جمبك كل ده يبق في واحده مش واحد لأنك كد متبقاش راجل 🖤✨
_أنا اسفه أني كلمتك بس أنا سمعت انك هتخطب دا صحيح _مين معايا _وكمان نسيت صوتي _قولي مين حضرتك _خلاص ولا حاجه أنا هقفل _استني أنا عارف انتي مين بس مش أنا قولتلك متكلمنيش تاني _اي القساوه دي انت عمرك ماكنت كدا معايا اي اللي غيرك _متغيريش الموضوع بتتصلي بيا ليه دلوقتي أنا مش قولتلك خلاص مبقاش فيه حاجه تربطنا ببعض _بس أنا فعلا حبيتك هيجيلك قلب تروح تتجوز واحده غيري _مش لما هي توافق الاول ادعيلي انتي بس _انت هتموت عليها اوي كدا _بحبها ياستي أنا حر _طب وأنا (بتتكلم وصوتها مخنوق من العياط) _وأنتي اي أنا اه قولتلك اني بحبك بس دا كان زمان فوقي وعيشي مستقبلك _ع فكره في واحد جاي يتقدملي النهارده _ياريت توافقي عليه _هوافق لو انت عايز كدا (قفلت وفضلت تعيط وصعبان عليها نفسها جدا)
(بعد حوالي ساعه أختها دخلت عليها)
_اي الي انتي عملاه ف نفسك داه عينك بقت شبهه البلونه من العياط _اسكتي انتي كمان _سكت ياختي بس اي ذنبه اي الي جاي يتقدملك النهارده يشوفك بالمنظر داه _مش فارقه كتير _طب قومي البسي يلا _مأنا لابسه _ليه هتقابليه كدا قومي البسي ومش عايزين فضايح العريس جه ودخلت علشان تقعد معاه _السلام عليكم _وعليكم السلام ورحمة الله وبركاته _اي داه الصوت داه أنا عارفاه رفعت راسها من الأرض لقيتو هو _مفاجأه مش كدا من الفرحه مكنتش عارفه تضحك ولا تعيط _سرحتي ف اي _انت بتعمل اي هنا _جايه اتقدم لحبيبتي ها دعتيلي توافق عليا _ طب ليه عملت كدا أنا مش فاهمه حاجه _انا هفهمك أنا عملت كل داه علشان حبيتك بجد واي شخص ف الدنيا لو حب بجد هيعمل كدا أنا فعلا كنت عايز احافظ عليكي مكنتش عايزك تتلوثي علشان كدا بعدت
_بس انت لو فهمتني ع الأقل مكنتش زعلت كدا دانا عشت اسوأ ايام حياتي بسببك _مأنا لو فهمتك كنتي هتفضلي متعلقه وهتفضلي تكلميني وانا مكنتش هقدر مردش عليكي كان لازم ابعدك عني علشان متحاوليش تقربي _طب وافرض اتقدملي حد وأنا وافقت عليه كنت هتعمل اي يعني _بصي أنا كنت واثق ف ربنا اوي مش ربنا قال من ترك شيئا لله عوضه الله خيرا منه أنا بقى تركتك لله وكنت بطلبك تبقى العوض بتاعي ف كل صلاه _انا مش عارفه ارد عليك بأيه انا مصدومه _وانا مش عايزك تردي كل اللي عايزه منك توافقي عليا علشان نعيش مع بعض ف الحلال ها نخليهم يزغرطو _امم _لا انتي لسه هتفكري زغرطي ياحماتي
#الحب_الحلال. (انا عيطت وانا بقراءة فاللهم يارب فرحة ذي دي يارب استجيب يارب 🥺♥️♥️✨
