في فستان معين في مكان معين إتشاكلو عليهو كم زول عشان يشتروه بس بقى معلق عشان مفِ زول ح يشتريهو ويلبسو غيرِك.. في وظيفة ومرتب اتقدم ليها كتير من الناس وناس تانيه كانت حلمهم بس بقت شاغره عشان مفِ زول ح يفوز بيها غيرك.. في شريك حياه ارتبط واتخذل من علاقات كتيره عشان مفِ زول ح يرمم انهزاماتو ويملأ عينو غيرك.. كل يوم بتصحى الصباح، في أكل معين مستنيك، في مقعد في المواصلات مستنيك، في مكان في كليه أو شغل مستنينك انت، في ناس ح تقابلهم صدفة مستنينك انت.. مفِ حاجه اتأخرت، ولا في حاجه حصلت والمفروض مَ كان تحصل، مفِ زول فات من حياتك كان المفروض يكمّل، ولا في زول مكتوب ليهو انو يفضل معاك ح يمشي!.. في مكان محدد، و وقت محدد، في حاجات مكتوبه من عند ربنا بأسماءنا، دي هندسه الرحمن الرحيم وكله محسوب بقدر ومرتب جدا عشانك فاطمئن..🧡!