قناة قصائد والحان منبريه

ناحت الدنيه برحيله والله صارت نايحه
يله خل نلبس سواد ويله ننصب فاتحه
يله نصبوه العزاء.        مات سيد الانبياء
،،،،،،،،،،.   ،،،،،،،،،،،،،.   ،،،،،،،،،،،،،،،.  ،،،،،،،،،،،،،
المات سيد الكون كله وياعضم هذا المصاب
الدنيه لبست لون اسود عل نزل لجله الكتاب
والد الزهره الحنينه الدنيه حقها ولا تغاب
ناح حته الطير لجله والحجر ون بعتاب
يله نصبوه العزاء.     مات سيد الانبياء
،،،،،،،،،،،،،،.    ،،،،،،،،،،،،.    ،،،،،،،،،،،،،،.   ،،،،،،،،،،،،
كلشي لجله انكلب شكله وصار معتم بالسواد
راحم الامه بحنانه وماكو منه ولايعاد
جان جفه جن مضيف ايشبع الطالبله زاد
مشبع الناس بحنانه الماكو منه بكل فواد
يله نصبوه العزاء.     مات سيد الانبياء
،،،،،،،،،،،،.     ،،،،،،،،،،،،،.    ،،،،،،،،،،،،،،.   ،،،،،،،،،،،،،
يله لطموها الصدور وفيضو العين بدمع
وخلي جفك فوك صدرك بلطم هم منطبع
نكلب لون الكمر اسود عل نبي ضل منفجع
بموتت الهادي الحبيب انطفه بلكون الشمع
يله نصبوه العزاء.   مات سيد الانبياء
،،،،،،،،،،،،،،.    ،،،،،،،،،،،،،،،.     ،،،،،،،،،،،،،،،

حزنت السبعه على شخصه ونصبت المأتم بكاء
بغيبت الهادي الحبيب اليوم قد حان العزاء
يافجيعه ويامصيبه كتابه طلعت بلسماء
النبي المختار مات ومطرت المدمع دماء
يله نصبوه العزاء.    مات سيد الانبياء
،،،،،،،،،،،،،،،،.   ،،،،،،،،،،،،،،،،،،.    ،،،،،،،،،،،،،،،،،،
الله حبه وراده يمه وصار من الله قريب
اليدعي الله بأسم طاها لجل طاها الله يجيب
حكه كل الكون يبجي والحزن والله عجيب
الكون كله بلامحمد تايه ويصبح غريب
يله نصبوه العزاء.    مات سيد الانبياء



لخادم محمد واله محمد
الشاعر محمد رسول الماجدي

قصيدة لاستشهاد الرسول ص

البگه براسك بهاي الليله مهدينه
بحزن نرفع الك خالص تعازينه
...................

نعزيك بحزن ياخاتم العتره
عله المختار جدك بالگلب جمره
چم مقتل الك يبن الحسن نقره
شبع كلبك مصايب الله اليعينه
.....................

بس انته الوحيد الكسرته بروحه
التتلاشه فرحته وتكثر اجروحه
يمهدي امنياتك كلهه مذبوحه
وعمرك بالهموم اتخلص اسنينه

………..

من يوم اربعين حسين والدمعه
بعدنه بثوب الاسود والحزن ينعه
اجه مصاب الرسول وصوتنه تسمعه
ونظل وياك ماتخلص بواچينه
......................

غريب ومن غربتك گلبك اتفطر
ويوميه عزه لهلك تجي وتحضر
وهلليله اعله جدك ينحب المنبر
محمد غاب نوره وغمضت عينه
........................

الليله نواسي اجينه عيونك الحمره
ونواسي الزجيه الطاهره الزهره
محتاجتك ماي كلبونه الصحره
عله دروبك نريد اللي يدلينه
.....................

دلينه اعله دربك وين نتعنه
يمهدي هل وكت كل خير مامنه
هل دنيه بوجودك احله من جنه
يكل الخير يملوحة محاچينه
..................

خسارتنه الچبيره بفكد ابو القاسم
ويظل هذا العزاء بنظرتك دايم 
الى ساعة ظهورك سيدي القائم
من ترفع الرايه وانته تحدينه

………

نسألكم الدعاء
حسين صادق العقابي

موشح في حق الرسول المصطفى (ص)

تهدّمت كل السمه وأركانها
والارض لبست ثياب احزانها
__
يامُحمّد انت سيد المرسلين
ياسراج المعرفه للمسلمين
ياملاذ وياشفيع المُذنبين
انت سدرة مُنتهى واغصانها
~~~
يامُحـمّد صاحبَ الخُلقِ العظيم
ياحبيب الله وصراطه المُستقيم
انت والد كل فقير وكل يتيم
جنت  تحكم بالعدل ميزانها
~~~
رحمة الله الواسعه طه الرسول
اشكد معاجز تمتلك حيرت عقول
انت دين الله وفروعه والأصول
والمبادئ والقيم عنوانها
~
يارسول الباري ياافضل بشير
نقتدي باخلاقك بنهجك نسير
انت شمس الأمة والوجه المُنير
والديانه الخاتمه وقُرانها
~~~~
هذا ابن عمي وأخي اوهوّ الوصي
تالي صاحوا يهجر اليوم النبيّ
خطة منهم حتى لاتوصي بعليّ
والوصية اشكد عظيمه بشانها
~
بعدك اصبح سيدي دينك غريب
والجماعه انگلبوا بموقف عجيب
لا رقيب اعليهم ولا من حسيب
أمّتك أرتــدّت بعـد ايمانهـا
~
احنه خدامك يخاتم الانبياء
كون نحضر يمك انقيم العزاء
تبجي ويّانه ملائكة السماء
والاكوان اتغيرت  الوانها
~~~~
ابوصالح من يجي الماء المعين 
يحارب الكفار ويه المعتدين
ويشتغل باحكام قُرانه المُبين
وهم يأسّس دولته وميدانها




خادم الرسول المصطفى (ص)
الشاعر حيدر الحيدري

قصيدة تقراء ثكَيل ونزال للنبي


امودع الله وياك ياهاديــــــنة
خيم الهم من مشيت علينة
----------------------------------------
اظلم الكون وعلى مصابك حزن
ويندب القرآن يالهادي ويـون
مكَابل المحراب ودموعة جـرن
ايتام من بعد النبي ظليـــنة
--------------------------------------------
العدل والتوحيد بيك اتصـوبن
النبوة والامامة اشـــــــكَد بچن
وبسمك الميعاد صاح وكَلبة حن
تنوح اصول الدين وتواســينة
-------------------------------------------
ذن فروع الدين جنك لاطـمات
ينوح اجاك الصوم وتنوح الصــــلاة
الخمس يندب واجة الحج والزكاة
ياهو بعدك يالنــــــــــبي يحــيينة
-------------------------------------------
الامر بالمــــعروف وياه الـجهاد
ونهي المنكر رفعوا اعلام الحداد
والموالات بحزن لبست سواد
والتبري لجلك اتـــــهل عـينة
-------------------------------------------
بعدك الاسلام ظل ابلا مــــــــعين
يامحمد يندب الدين وحــــــزين
تلطم اعلى الراس كل المسلين
بعدك الاســلام ﷲ ايعـــينة
-------------------------------------------
نزلت الاملاك تذرفلك دمــــع
وبالسماوات السبع ون ينسمع
والارض صاحت دليلي منفجع
فراكَك بسهم الحزن راميــنة
-------------------------------------------
اظلم الكون وحزن حتى الهـوة
من الكَمر والشمس محجوب الظوة
والانس والجن عليه ناحوا سـوة
اعلى النبي ثوب الحزن غاطينة
----------------------------------------
انبياء الله حظـــــــــرت بالعـزاء
تواسي اهل الارض بالون والبكاء
وترفع اصوات العزة لهل السمــاء
اه من يومة شكــثر ياذينــــــــــة
-----------------------------------------
أسألكم الدعاء    رائــــــد الاسدي

قصيدة بحق النبي (ص) عن الزهراء عليها السلام


بوية خذني وياك ما احمل بُعد
من مشيت الروح ممرودة مرد
--------------------------------------------
يانظر عيني يســــــباح الكَلب
دمعي من فركَاك مابطل يصب
ماخذتني وياك يا بوية شعجب
تدري بي كَلبي حنين ومو جلد
-------------------------------------------
تدري بي كَلبي حنين اعلى الاهل
والابــــو لو راح الـــمدمع نزل
يا مُحمد چا بعد المــــــــن اظــل
حزني بوية عليك ما شافة احد
---------------------------------------------
حزني بوية عليك ما شافة بشر
الدمع نهران عالوجنة انحــــــدر
من ونيني عليك دلالي انفطــــــر
من رحت لليوم كل ساعة نشد
---------------------------------------------
من رحت لليوم كل ساعة اون
ليل وي نهار ما ابطل الحــــــــزن
وياك يابوي تمــــنيت اندفــــــن
بوية من تغيب ماشــــوفك بعد
----------------------------------------------
بوية من تغيب ما شــــوف الفرح
من الحزن والنـــوح دلالي انجرح
عليك بس بيت الحزن بيتي صبح
كَمت اشوفك كل كتر لاوين اصـد
-----------------------------------------
كَمت اشوفك كل كتر وبكل مچان
بوية يل كلك على كبــــــرك حـنان
اشــهدُ أَن محــــــــــــمد بـــالاذان
تمرد الروح وتــــــفت مني الچـبد
----------------------------------------
تمرد الروح وتفتت مهــــــجتي
بوية يا ذخري بدنيتي وسلوتي
من رحت عني شسوي بدنيــتي
حالي حال الضيم للهم اســــتعد
----------------------------------------------

أسالكم الدعاء رائد الاسدي

https://t.center/dfhfes

معلومات دينيه الي يحب يستفاد يجي بعد وفاة الرسول راح نبلش وخيركم من نفع الناس ❤️🌹

رحل سيد البشر خاتم...رسل لها

بس دمع وحزن فاطم....رسل لها

وناس التهجم اعليها......رس الها

من خيبره بغضنآ للزجيه

✍نور الولايه الفاطميه


https://t.me/+63HK-Y3_SrQzZTEy     رابط قناة الشاعرة نور الولاية قصائد حسينية مكتوبة

شال من المدينه اليوم هاديها
وعلى مصابه الزجيه من يعزيها
╌────═❁═────╌

غفه.مشيد الرساله وخاتم الاديان
والباري اعله صدره منزل القرآن
نزل جبريل ينعه السيد الاكوان
والدنيا أعلى طاها الحزن غاطيها
╌────═❁═────╌

يا بحر العلوم ومنتهى الحكمه
تون الكهف ليك وتتنحب عمه
وتحن روح ام ابيها اعليك متعلمه
وتضل بعدك غريبه اعداك تاذيها
╌────═❁═────╌

غاب البيه جانت تحتمي البضعه
وضهره انكسر حيدر واختلف وضعه
ولفتها الا صحابه ابابها اتجمعه
النار ودارها شب العده بيها

╌────═❁═────╌
وتشب الدار وتحط بالضلع بسمار
ومتگيد علي بوصيه المختار
نحنه ضهره لهذاك البحرب كرار
الاسمه من يمر تحتار اعاديها
╌────═❁═────╌

انكروها اوصيته بل قران والعتره
بعده ما غمض وتوسد ابكبره
هجموا على الدار وسطروا الزهره
وعلي مجتوف ما واحد يحاميها
╌────═❁═────╌

✍نور الولايه الفاطميه

https://t.me/+63HK-Y3_SrQzZTEy

ابوذيات شهادة الرسول " ص"
..........
البـرية بنور طه من براها
يون أصل النبوة من براها
جروح الألم بعده من براها
ولا تبره جروح الفاطميه
.......
ثبـت هسه الألم بينه يجدنه
صدك ترحل تودعنه يجدنه
ويتامى خلافك العالم يجدنه
واه بكل وكت ننصب عزيه
........
العـقيلة تنسبي خلافـك يجدها
شمر حادي ضعن بيها يجدها
وبدواوين الغرب زينب يجدها
اليريد يشوف زينب وين هيه
........
النعم بيك أنت يالهادي يتمها
برحيلك سيدي الزهره يتمها
الوديعة تحـضر وياها يتمها
خديجه بالهضم تلكه الزجيه
........
حسن وحسين بغيابك من الهم
وتشاهد يا حزن بيهم من الهم
يريدونك طلب عدهم من الهم
ترد الهم يبويه بهل مسيه
.......
بألم ون الخلق ميت وحيها
محمد وادع ألزهره وحيها
جبريل بحزن يبجي وحيها
والله يعظم أجرج يالزجيه
........
أبأنين الشجن وينوح يانوح
ينوح الحزن هم بنوح يانوح
لحبـيب الله يـأدم نـوح يانوح
بمحـمد كوم وستقبل عـزيه
.......
أهل بيت النبي المعروف ياهم
خبر موت الرسول اليوم ياهم
ورحيله بيا هضم يا نوح ياهم
يحل بيها الحزن زهره الزجيه
.......
الك حزنت سمه الدنيه والأفلاك
الف حسره على فكدك والأفلاك
الك اللطم عـلى راسي والأفلاك
وأدورك بالنفس يابو الزجيه
........
عظمتك كل جبل راسي رسلها
وحـروفك بالرسل ربك رسلها
رسالات الوحي بنورك رسلها
العرف نورك عرف رب البريه
.......
عظيم ومحـد اليعـرف عظمتك
الوعـظ ما فاد ابامتـك عظمتك
لان كسرو يبو الزهره عظمتك
لمـن كسرو ضلع من الزجيه
........
يمولاي العرش صله بصلاتك
ولا واحد وصل عنده بصلاتك
يوصي الباري الوصل بصلاتك
النكًـر وصلك نكًـر رب البريه
.......
الشاعر
اياد الفرح التميمي

اليوم بويه بيتي كــــبت نايحه
عليك مدري عليه أقره الفاتحه

بدمعتي طه صحت
انت لـــــو انه المتت  يارسول الله

ــــــــــــــــــــــــــــــــــــــــــــــــــــــــــــــــــــــ

انت قرآني من اشوفك صدري بويه ينشرح
جان وجهك بويه يشرق احلى من وجه الصبح
ياحنين الله بغيابك راح اشوف اشجم جرح
مثل نحر حسين عمري بس تغرب ينذبح

اليوم كون اتموت روحي اشوالي
شنهي ضلته اللــــــــي يفارك غالي

والله بويه اتعذبت
انت لو انه المتت يارسول الله

ــــــــــــــــــــــــــــــــــــــــــــــــــــــــــــــــــــــ


لا تهاجر  من تهاجر كول ماتت فاطمه
الخيط مايندل الابره اله واحد يلضمه
الدنيه بلف احزام بعدك علي بويه محزمه
شنهي ذنبي بزغر سني ودمعتي تنزل دمه

فاطمه انه العاشت بنص روحك
ميت ولفراكي اسمع نوحك

انه البروحك عشت
انت لو انه المتت   يارسول الله

ــــــــــــــــــــــــــــــــــــــــــــــــــــــــــــــــــــــ

انه فاطمتك يبويه جنت تشتمني هوه
ليش جا هسه عفتني جرح وبعازت دوه
انه وانت بروح وحده ليش مامتنه سوه
ياضوه بيتي بغيابك بيتي ضل بلا ضوه

روحي ذبلت حيل سلاها الحزن
شنهي ضلت الوركه اذا مات الغصن

بس هضم بعدك شفت
انت لو انه المتت   يارسول

ــــــــــــــــــــــــــــــــــــــــــــــــــــــــــــــــــــــ

راح اعلم الناكه بعدك شني معناة البجي
تكضي ايامه مناحه العله غيابك ينتجي
سالفت هجران طولك سالفه الما تنحجي
محد يعوض حنانك يلي مثلك مايجي

بعدك عينك عيني ابد ماغافيه
شوفة عيونك تردلي العافيه

ردلي يالمني رحت
انت لو انه المتت   يارسول الله

ــــــــــــــــــــــــــــــــــــــــــــــــــــــــــــــــــــــ

باجر اصحابك يبويه ماتراعي حرمتي
باجر يكسرون ضلعي الوكلتهم خبزتي
باجر يفرحون كلهم لمن توكع دمعتي
باجر البسمار يشهد عن وكعتي وكسرتي


عذبوني من الله لا يرعاهم
ليش ماغزر  ملحنه وياهم

منهم انه اتمرمرت
انت لو انه المتت   يارسول الله

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

العطش فطر دليله....وشافه لحسين

دوه مايصح عندي....وشافه لحسين

لون عباس يمي........وشافه لحسين.

اكو يكولون جانت غاضريه

✍نور الولايه الفاطميه


https://t.me/+63HK-Y3_SrQzZTEy رابط قناة الشاعرة نور الولاية قصائد حسينية مكتوبة

كـل خبر معلوم عندك     رادَوْ يضيعون جهدك 
التدّعي أصحاب بعدك       يــــــــــا نبينه 
**** 
يبو الزهره أريــــــــد اليوم أخبرك 
ابّعض اللي جره من خلص عمرك 
مــن بعض الصحابه الغثها نصرك 
عــــادت للوصي المهيوب صهرك 
وحرب شنّت على اللي بيهم أجرك 
بعداوة كـــــــــل أهل بيتك بظهرك 
وسفـه تتسمّه صحابه      لهجرت الهادي بغيابه 
وعادت الوحي وكتابه       يـــــــــــا نبينه
* 
كبل مــــــــا بالثرى يوارون جثتك 
هجْمَوْ على الــــدار وضربوا بنتك 
تركَــــوْ حيدره المنصوص حجتك 
وهجْرَوْ كـــــل عمل شرّعته لمتك 
عادَوْ كل فــــــــرد ون أعله ونتك 
ويقتلونه قــتــــــــل للحب مهجتك 
الوالـه والحب الزجيه        دوم محفوف بأذيه 
مـــن هذوله الناصبيه       يــــــــــا نبينه 
**** 
الثاني بعــــــــــــدك الأسس سقيفه 
وهـــــــــــوّ النصّــب الأول خليفه 
غيّـــــــــــــر منهج الــسنّه الحنيفه 
عاده العتره يـــــا لهــادي الشريفه 
وأذّه البنتك الحــــــــــــــرّه العفيفه 
وشيطانه صبح كــــل وكت ضيفه 
باع للشيطان عمره        يأمره ينفّذ الأمره 
والتبع نهجك يغدره       يــــــــــا نبينه
** 
جعل أمتك بعــــــــد وحدتها أحزاب 
وسن سُنّه جديــــــــده كطع الركاب 
حارب كل فــــــــرد يتبع أبو تراب 
ونعرف ليش مــو مجهوله الأسباب 
وبعد خل أخبرك عـن أفجع مصاب 
دفع بنتك بأيــــــــــــده وشعل للباب 
بنتــــك الوصّيت بيها        ضربها وتجاسر عليها 
من دره موصّه وليها       يـــــــــــا نبينه 
**** 
كل اللي جــــــــــــــره وبالأمّه داير 
مــــــــن هاي الزمر أهــــــل الكباير 
وتبعهم نــــــــــاس معدومه الضماير 
عادت دينكم وأهـــــــــــــــل الشعاير 
بلا ذمّه بقـــــــــــــــــت والت الغادر 
مــــــــــــدري شتعتذر بالحشر باجر 
بالحشر باجــــر كبالك      لون وجهتلهم سؤالك 
عن عترتك عن عيالك       يــــــــــا نبينه
**** 
أسأل بالنبي والـــــزهـــــــره بنته 
فرد واحد أحــــــــــــــد بيهم نشدته 
يعجّــــــــــــل طلعته وينهي غربته 
الإمامـــــــي المنتظر مهدينه حجته 
خل يجلي الخطــــــــر وينجّي أمته 
من أبن صهّاك وأفعالـــــه وزمرته 
أمّن ويايه دعائي       يا رسول الله وندائي 
للمقدمله عزائي        يــــــــــــا نبينه




الشاعر
قاسم حتروش البلداوي 
خادمكم 
أسألكم الدعاء 

ذهيلـه وفـاگــده حگـهه وگـلــب مجـروح

بطرف دامع ترنو المعين * اليك المشتكى فـقـد الجنين

والموؤد المحسنا * والقرآن قد كفنا 

******* 

أظـــن قـــرآن مــو مـحـسـن عـلــى اتـرابــــه

وجـنــح جـبريــل صـــار البابـچ اعـتـابـــــه

يـفـاطــم واحـــد اونـتــچ عـلـــى امـصابــــه 

اشحالـچ لــو نـظـرتـــي أبـنـحـــره نشـابـــــه

رضـيع حســين وحسيـــن السهـــم صـــابــه

بـدلـيلــــه الـداوي نــــــار ابحـرگــة اطـنابــه

قـتيل بالعـرى بين الاعادى * ورأس دامي طـاف البوادي

والاسلام فوق القـنا * والقرآن قد كفـنا

******* 

مـثـــل يحــيى شفــاه اتـرتـــل الـــقرآن

الكهـــف يقـــرأ بسيـــاط اتجاوبــه العـدوان

وعـلى اعــتـاب الهــزيلـــه صفــوت الـرحمـن

يسـيره آيـــات مـاچـن بـــالــيـسر نســـوان

وعـلـى صــــدر الـنــبــوه لـعــــبـة الـفـرىسـان

بـحـوافــــر خــــيـل طـحـنـت عروة الايمـــان

الا يادهـر اف من خليــــــل * رضيت بالردى يعلو الهـــزيـــــل

والا رجاس تحدوا بنا * والقرآن قد كفنا

****** 


لخادم خدمة الحسين (ع)

   ابو عمار الدراجي



















3
#قصائد_شهادة_الرسول_الاكرم_صلى_الله_عليه_وآله_١٤٤٢_هجريه


ــــــــــــــــــــــــــــــــــــــــــــــــــــــــ

لا تسافر.....بويه اظل  مشتاكه
لا تسافر.......كلبي مال  املاكه

 بويه   تقبلهه  يتيمه
زهرتك والله هضيمه
....................يارسول الله
********
احسب اهموم الكلب وتعد  النجوم
واني محتاجه  اشوفك بلكت اليوم
صرت شوف الباب بيه چنه مرسوم
باچر يصير الهجوم وظلعي  ملچوم

لا يروحي... ظلمه بعدك ليلي
لا يروحي...نوحي هدم حيلي

بغبتك  عمري سقيمه
زهرتك والله هضيمه
*******
لا تخليني  وحيده   بحسره ظليت
بلا ضوه ارجع  خرابه  طبت البيت
الشمس غابت علينه وانت ماجيت
باچر اتشوف العجايب  وانه ناديت

لا تهاجر.......بعدك انشوف العجب
لا تهاجر.......بابي مجموع الحطب

تنحرك  داري جريمه
زهرتك والله هضيمه
********
بويه  تدريني  بغيابك  دمعه هليت
بيتي ظل بلايه نجمه شعمه طفيت
مااشم بالبيت عطرك كلشي حسيت
عن  قريب  تروح عني زهره خليت

لا تكابر.........تدري  لوعة  فاطمه
لاتكابر.........اتوصي حماي الحمه

هالله  هالله  بالكريمه
زهرتك  والله هضيمه
********
ما شفت   مثلك ابد واحد يشيعون
يمشي بالتشيع عنده بهاي  مضمون
همه  كل  هذا  الخليفه  من يعينون
ليش من چف الغديربسرعه ينسون

 لا يباچر....چم سقيفه اظلوعي
 لا يباچر......طه تجري ادموعي

صحت يابويه الظليمه
زهرتك  والله  هضيمه
********
اه كدامي الزمن وتشوف الاصحاب
باچر يدفعون  ظلعي وينكسر  باب
ينوخذ مني فدك  كل هاي الاسباب
تفاجئت والنارتلهب جرحي ماطاب

لا تغادر........كلشي زحمه بغيبتك
لا تغادر.......تدري غدرت صحبتك

تحترك يابويه  خيمه
زهرتك والله هضيمه
********
تمت  بعون الله  
خادم الرسول الاكرم ص...
يوسف الفتلاوي