🎵🎼گُلوَنی💥Laki🎶🎶

شعر لکی در رثای حضرت علی (ع)

«کش مات»
شو دریژ ئو درده داره ل نیشدنه
لا برونه ، موگه ئاره ل نیشدنه

سیا پوشن کائنات ئو بی کشن
دنیا ئی خاو ئو ئساره ل نیشدنه

بار دردم تاقه ت ئژ کویل سه نیِ
ئر به نِ جیرم ، پژاره ل نیشدنه

شوئه زه نگه ئو بی ریه ،شومونگ نیه
هر دو دنیا سیِ ئو،سیاره ل نیشدنه

ئاگر ئج دنیا چِیه ، سوزی نیه
دُشمه نِ گل گله زاره ل نیشدنه

پژاره ،مجلسیِ گه رمه ئو خوشه
روژِ به ز میِ، خه مه باره ل نیشدنه

برگو داواره ئریِ نت،بی دله ل
ماتن،چوی به ردِ مزاره ل نیشدنه

ده سه زونی ،یه خه دریا، مه گیرن
کز ئو کورن، گل ئزاره ل نیشدنه

طلف دل ئیمشو بیِ خاویِ داسیِ سه ر
هلورک ساز ئو نه جاره ل نیشدنه

دا دنیا، دیه نماری، چوی تو نیِ
ئایم ساز ئو روی نگاره ل نیشدنه

بیه سه ئاخر دنیا ،که س نییه
وه خ گر ئو سائت شماره ل نیشدنه

هوز ده س پیچ ،نیشدنه ئه ر پشد ریِ
دو دلن ئه ر پا دیواره ل نیشدنه

یا علی ،شه مشیردو فاقت بکیش
ابن ملجم ئو نیِ سواره‌ل نیشدنه

#مهدی_زینی
#لکی_چر
#لکی_وش
#شعر_لکی

⚘ 🦋 به کانال #گلونی_laki بپیوندید.
@Alshtariii 🦋 ⚘

گُلَل بَعد اَژ تو بی گیونَه مَمینن
دَلل ای قـلب زَنـدُونه مَمینن
بِی تو روح عدالت کُوت کُوتا مـاو
یَتیمَل کُوفـه بی نُونه مَمینن

ترجمه:
بعد از تو گلها جان میدهند...
و دلها در قعر زندان تاریک میمانند
بی تو روح عدالت تکه تکه میشود
و یتیمان کوفه بی نان میمانند...😔🥀🖤

#مهران_غضنفری
#لکی_وش #لکی_چر
#شعر_لکی

⚘ 🦋 به کانال #گلونی_laki بپیوندید.
@Alshtariii 🦋 ⚘