السلام عليكم ي بنات💙 أنا عايزة اتكلم عن حاجة مزعلاني شديد في البنات والله و حتى لو ح اتردم أنا راضية بس المهم تطلع كلمة الحق حقيقي نحنا فقدنا القدوة الدينية بصورة بشعة شديد يعني مافي الأيام دي داعية بت كدا شابة تكون قريبة لسن البنات و لجيلنا الحالي دا بقت قدوتنا كلها الميكب ارتست الفلانية و المغنية الفلانية و المذيعة الفلانية و الممثلة الفلتكانية "و انا ما قصدي احجم من أي وحدة" بقينا نعمل الحاجات اللي فيها شبهات من دون أي خوف أو تردد و تجي وحده تقول (عليكم الله ناس حلال و حرام أختوني و اتجاوزو البوست دا) بكل الجُرأة اللي في الدنيا للأسف كلنا عارفين إنو أي حاجة تحجب الوضوء حرام (الاكليرك ) و ساكتين عادي جدا و بالعكس الناس مبسوطة بيهو جدا كلنا عارفين انو المايكرو شنو داك بتاع الحواجب اللي بيقعد اكتر من شهور و سنة دا ما صح و ساكتين و بنعملوا عادي كلنا عارفين الاكستينش للشعر بكل انواعه ما صح و بنعملوا عادي و بنتاجر بيهو و ما عندنا عوجة في الموضوع كلنا عارفين إنو الاأساليب اللي بتتعمل في التك توك دي كلها غلط و حرام و ساكتين و بنتداولها كمان و نشيرها في كل القروبات و بنضحك عارفين إنو اللبس اللي بقينا نلبسوا دا لا شبهنا ولا شبه ديننا الواحدة تجي تتكلمي معاها تقول ليك عليك الله بعيداً عن الدين أو لو أي وحده عاوزا تقول رأي في شي معين تقول والله انا رأيي دا بعيد عن الدين كانوا الرأي الدين بقى حاجة عيب ولا محرج ولا شنو ما عارفة الدين هو اساس كل شيء والله بالجد يا أخواتي الناس تراجع نفسها و تشوف الصح⁦ ، شنو و الغلط شنو ما معنى إنو الناس كلها بتعمل الحاجة دي معناها هي صح و خلاص ممكن و ما فيها حاجة لأنو هي ما زالت غلط... أنا عارفة إنو الوحدة لم تتمكيج كتير و تلبس لبس كدا بيظهر كل المفاتن و التفاصيل روحها بتعجبها و لما تسمع الكلام السمح منظر مبهج للنفس لكن والله دا كلو زائل و كلو كدا عبارة عن هباء منثور دا كلو تعب لنفوسنا والله يا ريت ننتبه و نكون واعين كل الوعي عشان بس ما نجي في الآخرة و نلقى روحنا دخلنا الدنيا دي و مرقنا منها ساااااي كدا أذكر نفسي و إياكم💙