Fikr yuriting va shukr qiling!Alloh sizga bergan ne’matlarni eslang. O’sha ne’matlar ustingizdan ham oyog’ingiz ostidan ham sizni o’rab olgandir. Alloh taolo aytadi:
“Agar Allohning ne’mat(lar)ini sanasangiz, sanog’iga yeta olmaysizlar”. (Ibrohim surasi, 34-oyat).
Tana sog’lom, yurt tinch, oziqa va kiyimlar muhayyo, havo va suv… Demak, dunyo sizning qo’lingizda-yu, uni his qilmayapsiz.
“(Ey insonlar!) Alloh osmonlar va Yerdagi barcha narsalarni sizlarga bo’yinsundirib qo’yganini va sizlarga barcha zohiriy va botiniy (moddiy va ma’naviy) ne’matlarini komil berganini ko’rmadingizmi?!” (Luqmon surasi, 20-oyat); “Bas (ey insonlar va jinlar), Rabbingizning qaysi ne’matlarini inkor etasiz?!” (Ar-Rahmon surasi, 13-oyat).
Tilingiz, labingiz, ikki ko’zingiz, qo’lingiz va oyog’ingiz to’kis shunday tugal hayotga egasiz-da, uni bilmayapsiz. O’ylab ko’ring-chi: kesilgan oyoq bilan yurish oson ishmi? Og’riq zabtiga olib turganida ko’zingizni yumib uxlay olarmidingiz yoki ishtaha tusab turgan ovqatni yeb yoki sovuq suvni icha olarmidingiz? Shunday kishilar bor, ovqat ularning ko’nglini xira qiladi, ichgan suvi zahar bo’lib, kasalga mubtalo etadi. Qulog’ingiz haqida fikr yuriting: siz kar emassiz eshitasiz. Ko’zingiz haqida o’ylang: ko’r emassiz. Teringizga boqing: siz peslik va moxovlikdan najot topgansiz. Aqlingiz to’g’risida tafakkur qiling: aqlingiz mukammal bo’lgani uchun jinnilik va dovdirlikka chalinmadingiz.
Bitta ko’zingizni tog’dek oltinga alishtirasizmi? Yoki qulog’ingizni bemisl kumush evaziga sotishni ep ko’rarmidingiz? Tilingizning soqov bo’lishi evaziga qimmatbaho qasrni sotib olishni xohlaysizmi? Qo’lingiz kesilishi evaziga gavhar va yoqutlar berilishini istaysizmi? Siz o’zi aslida eng Afzal ne’matlar ichidasiz, lekin o’zingiz bilmaysiz. G’am-g’ussa, mahzunlik va tushkunlikda yashaysiz.
Oldingizda issiq noningiz, sovuq suvingiz, tinch uyqungiz, benihoya ofiyat tursa-da, yo’qotgan arzimas narsalaringizni o’ylaysiz, boriga shukr qilmaysiz. Moliyaviy zarardan bezovta bo’lasiz. Aslida, ixtiyoringizda saodat kaliti, hisobsiz yaxshilik, iqtidor, ne’mat va boshqa ezgu narsalar
bor. “
O’zlaringizda ham. Axir (ularni) ko’rmaysizmi?!” (Zoriyot surasi, 21-oyat).
Shular haqida va o’zingiz, ahli ayolingiz, uyingiz, ishingiz, salomatligingiz, do’stlaringiz va atrofingizdagi dunyo haqida fikr yuriting.
“
(Ular) Allohning ne’matini biladilar, so’ngra uni inkor etadilar”.(
Nahl surasi, 83-oyat).
© S
hayx Oiz Qarniy "O'kinma"@AbbosAkramovich✅️ 
