Faynuustu ma hadasho. Waxay isku soo bandhigtaa iftiinkeeda. Kuwa guuleystay marnaba ma aha inay naftooda buun-buuniyaan, balse waxqabadkooda ayaa la rabaa inuu soo bandhigo oo hadlo
Dhamaan daaqadahaas waxaa ka danbeeya dareemo iyo xaalado kala duwan oo aan marnaba isku mid noqonayn xittaa aan isku xal noqon doonin.
Xasuusnow, adiga ayaa ka masuul ah dareemahaaga iyo xaaladahaaga kala duwan ku raaxayso, haday khaldan yihiina cidna dusha ha u saarin ee qaado khaladka xaaladahaas.
Imam Cali (RC) wuxuu leeyahay: "Wax walba waxay u baahan yihiin caqli, caqliguna wuxuu u baahan yahay akhlaaq { edbin}."
Imaamku wuxuu kawadaa in wax kasta oo aan samaynayno ay u baahan yihiin in aan si caqli ah uga fikirno, laakiin caqliga laftiisa wuxuu u baahan yahay in lagu hanuuniyo akhlaaq iyo asluub wanaagsan si uu faa’iido u yeesho.
Haddii caqliga aan lagu xakamayn akhlaaqda, wuxuu sababi karaa khaladaad. Marka, qofka wuxuu u baahan yahay in uu isku dheellitiro caqliga iyo akhlaaqda si uu u gaaro xikmad iyo go’aamo sax ah noloshiisa.
Ma garanaysaa micnaha dhaqanka wanaagsan? Akhlaaqda wanaagsani waa in aad noqoto noqoto 1. Qof xishood badan, aan waxyeello gaysan af iyo adinba, 2. Aad u dabeecad wanaagsan oo daacad ah carrabkiisuna run sheegid ku caan yahay,. 3. hadl yar balse, wax badan qabta hadal yar iyo hawl badan. 4. simbiriirixadisu yartahay, caadifadna aan ku shaqayn, 5. Baari ah toosan, sharaf leh, oo samirleh.
6. Naxariista, dulqaad leh, wehel u ah dhawrsanaanta iyo naxariista. 7. Ma lacnad tamo , mana caaytamo, mana aha isku dire, waxna ma xanto. 8. Ma degdeg badno, mana caasiyo ixsaan kii u fala, bakhayl maaha mana aha xaasid.. 9. Waa mid qalbi daahir ah oo u jilicsan ku wa ka hooseya, Alle dartiis wax u jecel, una neceb rabbi dartiis. 10. Ilaahay dartii raalli noqda una cadhooda .. Ilaahay aniga iyo adinkaba ha inaga dhigo.